ഫെഡറൽ ബാങ്ക് ഉൾപ്പെടെ 3 ഓഹരികൾ വാങ്ങാം, നേട്ടം 31 ശതമാനമെന്ന് മോത്തിലാൽ, കാരണം ഇതാണ്

ബ്രോക്കറേജ് സ്ഥാപനമായ മോത്തിലാൽ ഓസ്വാൾ 3 ഓഹരികളിൽ ബുള്ളിഷാണ്. ഓരോ ഓഹരിയിലും മികച്ച നേട്ടങ്ങൾ ബ്രോക്കറേജ് പ്രതീക്ഷിക്കുന്നു. ബ്രോക്കറേജ് റിപ്പോർട്ട് അനുസരിച്ച് ഫെഡറൽ ബാങ്ക്, പഞ്ചാബ് നാഷണൽ ബാങ്ക്, പ്രിൻസ് പൈപ്പ്‌സ് ആൻഡ് ഫിറ്റിംഗ്‌സ് എന്നിവ വരും വർഷങ്ങളിൽ മികച്ച വളർച്ച നേടും. മൂന്ന് ഓഹരിയുടേയും കൂടുതൽ വിശദാംശങ്ങൾ പരിശോധിക്കാം.

1. ഫെഡറൽ ബാങ്ക്

ആസ്തി വൈവിധ്യവൽക്കരണത്തിലും കാര്യക്ഷമതയിലും ബാങ്ക് ശ്രദ്ധ കേന്ദ്രീകരിച്ചത് മാക്രോ വെല്ലുവിളികളെ നേരിടാൻ സഹായിച്ചതായി ബ്രോക്കറേജ് എടുത്തുപറഞ്ഞു. തുടർച്ചയായ ബാധ്യത ഒപ്റ്റിമൈസേഷൻ, മെച്ചപ്പെട്ട ആസ്തി മിശ്രിതത്തിൽ ശ്രദ്ധ കേന്ദ്രീകരിക്കൽ, നിയന്ത്രിത ക്രെഡിറ്റ് ചെലവ് എന്നിവയിലൂടെ ബാങ്ക് മെച്ചപ്പെട്ട ലാഭക്ഷമതയിലേക്കുള്ള പാതയിലാണെന്ന് ബ്രോക്കറേജ് കൂട്ടിച്ചേർത്തു. ഫെഡറൽ ബാങ്ക് 2027 സാമ്പത്തിക വർഷത്തിൽ 1.2x എന്ന ബുക്ക് വാല്യുവിലാണ് വ്യാപാരം നടത്തുന്നത്. ഇത് ആകർഷകമായി മോത്തിലാൽ ഓസ്വാൾ കാണുന്നു. 2027 സാമ്പത്തിക വർഷത്തിൽ ഫെഡറൽ ബാങ്ക് 1.2% RoA നൽകുമെന്ന് ഞങ്ങൾ പ്രതീക്ഷിക്കുന്നു, 2028 സാമ്പത്തിക വർഷത്തിൽ 1.3% എന്ന നിലയിൽ കൂടുതൽ പുരോഗതി കാണപ്പെടും എന്നും കമ്പനി അഭിപ്രായപ്പെട്ടു.

ടാർഗെറ്റ് വില

എൻഎസ്ഇയിൽ 197.99 രൂപ എന്നതാണ് നിലവിൽ ഫെഡറൽ ബാങ്ക് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 1.34 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. ആറ് മാസത്തിനിടെ 7 ശതമാനം മുന്നേറ്റമാണ് ബാങ്ക് ഓഹരി നേടിയത്. 235 രൂപ ടാർഗെറ്റ് വിലയോടെ ഫെഡറൽ ബാങ്ക് ഓഹരി വാങ്ങാമെന്നാണ് മോത്തിലാൽ ശുപാർശ ചെയ്യുന്നത്. നിലവിലെ ഓഹരി വിലയുമായി താരതമ്യപ്പെടുത്തുമ്പോൾ ഇത് 19 ശതമാനം നേട്ടത്തെ സൂചിപ്പിക്കുന്നു.

2. പഞ്ചാബ് നാഷണൽ ബാങ്ക്

മൊത്ത നിഷ്‌ക്രിയ ആസ്തികൾ 3.78% ആയും അറ്റ ​​നിഷ്‌ക്രിയ ആസ്തികൾ 0.38% ആയും കുറഞ്ഞുവെന്നും പിസിആർ 90.3% ആയും മെച്ചപ്പെട്ടുവെന്നും ബ്രോക്കറേജ് ചൂണ്ടിക്കാട്ടി. 14 ബേസിസ് പോയിന്റിൽ നിയന്ത്രിത ക്രെഡിറ്റ് ചെലവുകൾക്കൊപ്പം ഈ മെച്ചപ്പെടുത്തലുകൾ വരുമാന സ്ഥിരതയിൽ ആത്മവിശ്വാസം നൽകുന്നു. ബ്രോക്കറേജ് റിപ്പോർട്ട് അനുസരിച്ച് ഉയർന്ന ഒപെക്സും ഒറ്റത്തവണ നേട്ടങ്ങളും ബാങ്കിന്‍റെ ഹ്രസ്വകാല ലാഭക്ഷമതയെ ബാധിക്കുന്നുണ്ട്. പക്ഷെ സ്ഥിരമായ വായ്പാ വളർച്ച, ചെലവ് അനുപാതങ്ങൾ കുറയ്ക്കുന്നതിലെ പുരോഗതി, സ്ഥിരമായ ആസ്തി-ഗുണനിലവാര നേതൃത്വം എന്നിവ നേട്ടമാണെന്ന് ബ്രോക്കറേജ് പറഞ്ഞു.

ടാർഗെറ്റ് വില

എൻഎസ്ഇയിൽ 113.35 രൂപ എന്നതാണ് നിലവിൽ പഞ്ചാബ് നാഷണൽ ബാങ്ക് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 4.75 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. ഒരുമാസത്തിനിടെ 5.83 ശതമാനം മുന്നേറ്റമുണ്ടാക്കാനും ബാങ്ക് ഓഹരിക്കായി. 130 രൂപ ടാർഗെറ്റ് വിലയോടെ ഓഹരി വാങ്ങാമെന്നാണ് ബ്രോക്കറേജ് ശുപാർശ. ഇത് 15 ശതമാനം നേട്ടത്തെ സൂചിപ്പിക്കുന്നു.

3. പ്രിൻസ് പൈപ്പ്‌സ് ആൻഡ് ഫിറ്റിംഗ്‌സ്

ദീർഘകാലാടിസ്ഥാനത്തിൽ ഡിമാൻഡ് കുറഞ്ഞ സാഹചര്യത്തിലൂടെയാണ് കമ്പനി കടന്നുപോകുന്നതെങ്കിലും ശേഷി വികസനവും ഉൽപ്പന്ന വൈവിധ്യവൽക്കരണവും കാരണം ഘടനാപരമായി ശക്തമായി തുടരുന്നുവെന്ന് ബ്രോക്കറേജ് പറഞ്ഞു. ബീഹാറിലെ ബെഗുസാരായി പ്ലാന്റ് കമ്മീഷൻ ചെയ്തതാണ് ഒരു പ്രധാന ആകർഷണം. ഈ പ്ലാന്റ് 2027 സാമ്പത്തിക വർഷത്തിൽ 60-65% ഉപയോഗത്തിൽ പ്രവർത്തിക്കുമെന്ന് പ്രതീക്ഷിക്കുന്നു. ഇത് കിഴക്കൻ ഇന്ത്യയിൽ കമ്പനിയുടെ സാന്നിധ്യം വർദ്ധിപ്പിക്കുന്നു.

ടാർഗെറ്റ് വില

എൻഎസ്ഇയിൽ 335 രൂപയാണ് നിലവിൽ ഓഹരിയുടെ വില. കഴിഞ്ഞ അഞ്ച് ദിവസത്തിനിടെ നേരിയ മുന്നേറ്റം മാത്രമാണ് ഓഹരി നേടിയത്. ഒരുമാസത്തിനിടെ 2 ശതമാനം വളച്ച. 440 രൂപ ടാർഗെറ്റ് വിലയോടെ ഓഹരി വാങ്ങാമെന്നാണ് മോത്തിലാൽ ശുപാർശ ചെയ്യുന്നത്. ഇത് 31 ശതമാനം നേട്ടത്തെ സൂചിപ്പിക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.