കീശ നിറയ്ക്കാൻ മൾട്ടിബാഗർ ഓഹരികൾ, നേട്ടം 600 മുതൽ 1200 ശതമാനം വരെ, നിങ്ങൾ വാങ്ങുന്നോ..?

താരതമ്യേന കുറഞ്ഞ അളവിൽ വ്യാപാരം നടത്തുന്ന ചെറുകിട കമ്പനികളുടെ കുറഞ്ഞ വിലയുള്ള ഓഹരികളാണ് പെന്നി ഓഹരികളെന്ന് നിങ്ങൾക്കറിമല്ലോ. മികച്ച നേട്ടം പലപ്പോഴും പെന്നി സ്റ്റോക്കുകൾ നിക്ഷേപകർക്ക് നൽകാറുണ്ട്. പക്ഷെ കൃത്യമായ നിരീക്ഷണവും ശരിയായ ധാരണയും അതായവശ്യമാണ്. കുറഞ്ഞ ലിക്വിഡിറ്റി,ലിമിറ്റഡ് ഹിസ്റ്റോറിക്കൽ ഡാറ്റ, ഉയർന്ന അസ്ഥിരത തുടങ്ങിയവയാണ് പെന്നി ഓഹരികളുടെ സവിശേഷതകൾ.

കഴിഞ്ഞ ഒരു വർഷത്തിനിടെ മികച്ച നേട്ടം നിക്ഷേപകർക്ക് നൽകിയ പെന്നി ഓഹരിയാണ് ബ്ലൂ ചിപ്പ് ഇന്ത്യയും ഫ്രോണ്ടിയർ ക്യാപിറ്റൽസും. രണ്ട് കമ്പനിയുടേയും ഓഹരി വിവരങ്ങൾ വിശദമായി നമുക്ക് പരിശോധിക്കാം.

1. ബ്ലൂ ചിപ്പ് ഇന്ത്യ ലിമിറ്റഡ്

ധനകാര്യ സ്ഥാപനമായ ബ്ലൂ ചിപ്പ് ഇന്ത്യയുടെ ഓഹരികൾ കഴിഞ്ഞ 1 വർഷത്തിനുള്ളിൽ അവരുടെ നിക്ഷേപകർക്ക് മികച്ച വരുമാനം നൽകി. ഈ കാലയളവിൽ 671 ശതമാനം വളർച്ചയാണ് കമ്പനിയുടെ ഓഹരി നേടിയത്. 2023 മാർച്ചിൽ 0.35 രൂപയായിരുന്നു ഓഹരി വില. എന്നാൽ ഇന്ന് അത് 2.70 രൂപയാണ്.

നാല് വർഷത്തിനുള്ളിൽ 2600 ശതമാനം ലാഭമാണ് നിക്ഷേപകർക്ക് ബ്ലൂ ചിപ്പ് ഇന്ത്യ ഓഹരി നൽകിയത്. 2024-ലെ ആദ്യ 2 മാസങ്ങളിലും പോസിറ്റീവ് റിട്ടേൺ നൽകാൻ ഓഹരിക്ക് സാധിച്ചു. ജനുവരിയിൽ 4 ശതമാനവും ഫെബ്രുവരിയിൽ 27 ശതമാനം വളർച്ചയുമാണ് ഓഹരി നേടിയത്. അതേ സമയം മാർച്ചിൽ ഏകദേശം 17 ശതമാനം ഇടിവ് കമ്പനിയുടെ ഓഹരി നേരിട്ടു എന്ന കാര്യം മറക്കരുത്.

ബ്രോക്കറേജ് വിലയിരുത്തൽ

പ്രമുഖ ബോക്കറേജ് സ്ഥാപനമായ ഐസിഐസിഐ ഡയറക്ടിൻ്റെ വിശകലനം അനുസരിച്ച് ബ്ലൂ ചിപ്പ് ഇന്ത്യ ഓഹരി വീണ്ടും മുന്നോട്ട് കുതിക്കാനുള്ള സാധ്യതയുണ്ട്. കാരണം കമ്പനിയുടെ ശക്തമായ വാർഷിക ഇപിഎസ് വളർച്ച അതിൻ്റെ സ്ഥിരമായ ലാഭക്ഷമതയെ സൂചിപ്പിക്കുന്നു. കൂടാതെ, കമ്പനി ഫലപ്രദമായ മൂലധന വിനിയോഗം പ്രകടമാക്കിയിട്ടുണ്ട്. അതോടൊപ്പം കമ്പനി കഴിഞ്ഞ രണ്ട് വർഷമായി റിട്ടേൺ ഓൺ ക്യാപിറ്റൽ എംപ്ലോയ്ഡിൽ പുരോഗതി നേടിയിട്ടുണ്ട്. ബ്ലൂ ചിപ്പ് ഇന്ത്യ ഓഹരി ഉടമകളുടെ ഫണ്ടുകൾ കാര്യക്ഷമമായി പ്രയോജനപ്പെടുത്തുന്നുണ്ടെന്നും ബ്രോക്കറേജ് വിലയിരുത്തുന്നു.

അതേസമയം ഉയരുന്ന മറ്റ് വരുമാനം, കുറഞ്ഞ പ്രവർത്തന വരുമാനം, ദുർബലമായ വരുമാനവും ലാഭവും തുടങ്ങിയ കമ്പനിയുടെ ബലഹീനതകളാണ്.

2. ഫ്രോണ്ടിയർ ക്യാപിറ്റൽ

കഴിഞ്ഞ 1 വർഷത്തിനുള്ളിൽ മൾട്ടിബാഗർ നേട്ടം നൽകിയ കമ്പനിയാണ് ഫ്രോണ്ടിയർ ക്യാപിറ്റൽ. 1,134.87 ശതമാനമാണ് ഓഹരി 1 വർഷത്തിനുള്ളിൽ വളർന്നത്. അതായത് 2023 ഏപ്രിലിൽ 2.5 രൂപയായിരുന്ന ഓഹരിയുടെ ഇന്നത്തെ വില 29.39 രൂപയാണ്.

2024-ലെ ആദ്യ രണ്ട് മാസങ്ങളിലും പോസിറ്റീവ് റിട്ടേൺ കമ്പനി നിക്ഷേപകർക്ക് നൽകി. ജനുവരിയിൽ 54 ശതമാനവും ഫെബ്രുവരിയിൽ 501 ശതമാനവും മുന്നേറാൻ കമ്പനിക്ക് സാധിച്ചു. അതേ സമയം മാർച്ച് മാസത്തിൽ ഓഹരി 6 ശതമാനത്തോളം ഇടിഞ്ഞു എന്ന കാര്യം പ്രത്യേകം ശ്രദ്ധിക്കേണ്ടതാണ്.

40.58 രൂപയാണ് 52 ആഴ്ചയിലെ ഏറ്റവും ഉയർന്ന വില. 2.16 രൂപയാണ് ഏറ്റവും താഴ്ന്ന ഓഹരി വില.

ബ്രോക്കറേജ് വിലയിരുത്തൽ

ഐസിഐസിഐ ഡയറക്‌റ്റിൻ്റെ വിശകലനം അനുസരിച്ച്, കമ്പനി നിലവിൽ അറ്റ ​​പണമൊഴുക്കിലും അതിൻ്റെ പ്രവർത്തന പ്രവർത്തനങ്ങളിൽ നിന്ന് ലഭിക്കുന്ന പണത്തിലും വർദ്ധനവ് നിരീക്ഷിക്കുന്നുണ്ട്. കൂടാതെ, ഇത് കുറഞ്ഞ കടബാധ്യതയുള്ള ഒരു കമ്പനിയാണ്. അതോടൊപ്പം കഴിഞ്ഞ 2 വർഷത്തിനുള്ളിൽ അതിൻ്റെ അറ്റ ​​പണമൊഴുക്ക് സൃഷ്ടിക്കാനും മെച്ചപ്പെടുത്താനും കഴിഞ്ഞു. ഇത് പ്രധാന പോസിറ്റീവ് ആണെന്ന് ബ്രോക്കറേജ് പറഞ്ഞു.
അതേസമയം കമ്പനിയുടെ ദൗർബല്യം ത്രൈമാസ വരുമാനത്തിലും സമീപകാല ഡിസംബർ പാദ ഫലങ്ങളിൽ ലാഭത്തിലും ഉണ്ടായ ഇടിവാണെന്നും ബ്രോക്കറേജ് റിപ്പോർട്ടിലുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.