യു പി ഐ കൊണ്ട് വരുന്ന പുതിയ നിബന്ധനകൾ നിങ്ങൾ അറിഞ്ഞോ? ഏപ്രിൽ 1 മുതൽ നടപ്പിലാകും

നാഷണൽ പേയ്മെൻറ്സ് കോർപ്പറേഷൻ ഓഫ് ഇന്ത്യ പുറത്തിറക്കിയ പുതിയ സർക്കുലർ പ്രകാരം യു പി ഐ നമ്പർ നിലവിൽ വരുന്നതിനുള്ള തയ്യാറെടുപ്പുകൾ ബാങ്കുകളും, പേയ്മെൻറ് സേവന ദാതാക്കളും ഏപ്രിൽ 1, 2025 മുതൽ കർശനമായി പാലിക്കേണ്ടതുണ്ട് എന്ന് വ്യക്തമാക്കുന്നു.

2024 ജൂലൈ 16-ന് നടന്ന യു പി ഐ സ്റ്റീയറിംഗ് കമ്മിറ്റി യോഗത്തിലും അതിനു പിന്നാലെ നടന്ന വിവിധ വർക്കിംഗ് ഗ്രൂപ്പ് ചർച്ചകളിലും ഉപയോക്താക്കളുടെ സൗകര്യവും ഇന്റർഓപ്പറബിലിറ്റിയും വർദ്ധിപ്പിക്കുകയാണ് ഈ തീരുമാനത്തിന്റെ ലക്ഷ്യമെന്ന് വ്യക്തമാക്കിയിരുന്നു.

യു പി ഐ നമ്പർ: പുതിയ മാറ്റങ്ങൾ എന്തൊക്കെ?

പുതിയ വ്യവസ്ഥകളനുസരിച്ച് ബാങ്കുകളും പേയ്മെൻറ് സേവന ദാതാക്കളും ഡിസ്‌കണക്ട് ചെയ്ത മൊബൈൽ നമ്പറുകൾ റഗുലർ ആയി അപ്ഡേറ്റ് ചെയ്യേണ്ടതുണ്ട്. ആക്റ്റീവ് അല്ലാത്ത മൊബൈൽ നമ്പറുകൾ സംബന്ധിച്ച തെറ്റുകൾ ഒഴിവാക്കാൻ ഇത് സഹായിക്കും.

ആവശ്യങ്ങൾ:

*വാരാന്ത്യ അപ്ഡേറ്റ്

*ബാങ്കുകൾ ആഴ്ചതോറും ഡാറ്റാബേസ് പുതുക്കണം

*തെറ്റുകൾ കുറയ്ക്കൽ

*ആക്റ്റീവ് അല്ലാത്ത നമ്പറുകൾ ശരിയായി രേഖപ്പെടുത്തുന്നത് യുപിഐ പണമിടപാടിലെ പിഴവുകൾ കുറയ്ക്കും.

യു പി ഐ മാപ്പർ: പ്രധാന മാർഗ്ഗനിർദേശങ്ങൾ

യുപിഐ മാപ്പർ പ്രതികരണ സമയം നിർദ്ദേശിച്ച മാതൃക പാലിക്കാതെ വന്നാൽ പി എസ് പി ആപ്ലിക്കേഷനുകൾക്ക് ലോക്കൽ ലെവലിൽ തന്നെ പരിഹാരം കണ്ടെത്താം. ഇതിന് ശേഷം മാസാവസാനം എൻ പി സി ഐയോട് റിപ്പോർട്ട് ചെയ്യേണ്ടതായിരിക്കും.  ഉപയോക്താവിന്റെ സമ്മതം, ടെൻസാകുന്ന സന്ദർഭങ്ങളിൽ ഒരിക്കലും ആവശ്യപ്പെടരുത് എന്നും നിർദേശം ഉണ്ട്.

മാസം തോറുമുള്ള ഡാറ്റാ റിപ്പോർട്ടിംഗ്

എല്ലാ ബാങ്കുകളും പി എസ് പി/ടി പി എ പി  ആപ്ലിക്കേഷനുകളും എൻ പി സി ഐയോട് ഓരോ മാസവും നിർദ്ദിഷ്ട ഫോർമാറ്റിൽ ഡാറ്റ പങ്കിടണം:

*ടോട്ടൽ സീഡിംഗ് കൗണ്ട്

*മാസം തോറുമുള്ള ആക്ടീവ് യൂസേഴ്സ്

*സി എം ഐ ഡി ഇടപാടുകളുടെ മൊത്തം എണ്ണം

*യു പി ഐ നമ്പർ ഉപയോഗിച്ച് ലോക്കലായി പരിഹരിച്ച ഇടപാടുകൾ

തുടങ്ങിയ കണക്കുകൾ എൻ പി സി ഐയ്ക്ക് ഏപ്രിൽ 1, 2025 മുതൽ കൈമാറേണ്ടതാണ്. ഈ നിബന്ധനകൾ കർശനമായി നടപ്പിലാക്കണമെന്നും നിർദേശം ഉണ്ട്.

ഇത് കൊണ്ട് ഉപയോക്താക്കൾക്കുള്ള ഗുണങ്ങൾ

*യു പി ഐ പണമിടപാടുകളിൽ കൃത്യതയും സുരക്ഷയും വർദ്ധിക്കും.

*ആക്റ്റീവ് അല്ലാത്ത നമ്പറുകളിൽ പണം തെറ്റായി പോകാനുള്ള സാധ്യത കുറയും.

*യു പി ഐ മാപ്പർ വഴി സീംലെസ്സ് അനുഭവം ലഭ്യമാക്കും.

ബാങ്കുകളും പി എസ് പികളും മാർച്ച് 31, 2025-ന് മുമ്പ് ഈ മാറ്റങ്ങൾ നടപ്പാക്കണം എന്നതാണ് എൻ പി സി ഐയുടെ നിർദ്ദേശം.