6 മാസം 113 ശതമാനം വളർച്ച, ഈ ഓഹരി നിക്ഷേപകരെ പണക്കാരനാക്കുന്നു, നിങ്ങൾക്ക് നിക്ഷേപമുണ്ടോ..?

കഴിഞ്ഞ ഒരു വർഷത്തിനിടെ 280 ശതമാനത്തിലധികം വളർച്ച നേടിയ ഓഹരിയാണ് വിഎ ടെക് വാബാഗ്. കഴിഞ്ഞ ഒരാഴ്ചയ്ക്കിടെ 16 ശതമാനത്തിലധികം ഉയർന്ന സ്മോൾ ക്യാപ് മൾട്ടിബാഗർ ഓഹരി ചൊവ്വാഴ്ചയും നേട്ടം തുടർന്നു. അതോടെ ഓഹരി വില 52 ആഴ്ചയിലെ ഏറ്റവും ഉയർന്ന വിലയിലെത്തി. എന്താണ് ഓഹരിയുടെ മുന്നേറ്റത്തിന് കാരണമെന്ന് നോക്കാം.

കുതിപ്പിന് കാരണം

ഇൻഡോസോൾ സോളാർ പ്രൈവറ്റ് ലിമിറ്റഡിൽ നിന്ന് 100 MLD കടൽ ജല ഡീസാലിനേഷൻ പ്ലാൻ്റിനായി 1,000 കോടി രൂപയുടെ മെഗാ ഓർഡർ ലഭിച്ചതായി വിഎ ടെക് വാബാഗ് അറിയിച്ചതിന് പിന്നാലെയാണ് ചൊവ്വാഴ്ച ഓഹരി വില മുകളിലേക്ക് ഉയർന്നത്. കരാറിൽ 100 ​​MLD ഡീസാലിനേഷൻ പ്ലാൻ്റിൻ്റെ ഡിസൈൻ, എഞ്ചിനീയറിംഗ്, വിതരണം, ഇൻസ്റ്റാളേഷൻ, ടെസ്റ്റിംഗ്, കമ്മീഷൻ ചെയ്യൽ എന്നിവയുടെ എഞ്ചിനീയറിംഗ് പ്രൊക്യുർമെൻ്റ് (ഇപി) സ്കോപ്പ് ഉൾപ്പെടുന്നു. അത് 38 മാസ കാലയളവിൽ നടപ്പിലാക്കും, തുടർന്ന് 15 വർഷത്തെ പ്രവർത്തനവും പരിപാലനവും (O&M) കരാറിൽ ഉൾപ്പെട്ടിട്ടുണ്ട്.

ഓഹരി വിപണിയിലെ പ്രകടനം

ബിഎസ്ഇയിൽ 2.13 ശതമാനം നേട്ടത്തോടെ 1706.05 രൂപ എന്ന നിരക്കിലാണ് ചൊവ്വാഴ്ച വിഎ ടെക് വാബാഗ് ഓഹരി വ്യാപാരം അവസാനിപ്പിച്ചത്. ബിഎസ്ഇ അനലിറ്റിക്സ് അനുസരിച്ച് ഓഹരി കഴിഞ്ഞ ഒരാഴ്ചയ്ക്കുള്ളിൽ 15.67 ശതമാനം നേട്ടമുണ്ടാക്കുകയും കഴിഞ്ഞ ഒരു മാസത്തിനിടെ 20.44 ശതമാനം കുതിച്ചുയരുകയും ചെയ്തു. കഴിഞ്ഞ മൂന്ന് മാസത്തിനിടെ 34.53 ശതമാനം ആദായം നേടി.

വാ ടെക് വാബാഗ് ഓഹരികൾ കഴിഞ്ഞ ആറ് മാസത്തിനിടെ 111.19 ശതമാനം മൾട്ടിബാഗർ റിട്ടേൺ നൽകി. 164.76 ശതമാനം വളർച്ചയാണ് 2024-ൽ ഇതുവരെ ഓഹരി നേടിയത്. അതുപോലെ, വാ ടെക് വാബാഗ് ഓഹരി കഴിഞ്ഞ ഒന്ന്, രണ്ട്, മൂന്ന്, അഞ്ച് വർഷങ്ങളിൽ യഥാക്രമം 282.58, 546.50, 390.15, 789.57 ശതമാനം ഉയർന്നു.

ജുൻജുൻവാലയുടെ പിന്തുണ

അന്തരിച്ച നിക്ഷേപകൻ രാകേഷ് ജുൻജുൻവാലയുടെ ഭാര്യ രേഖ ജുൻജുൻവാല 2024 ജൂൺ പാദത്തിൻ്റെ അവസാനത്തിൽ സ്ഥാപനത്തിൽ 50 ലക്ഷം ഓഹരികൾ അല്ലെങ്കിൽ 8.04% ഓഹരികൾ കൈവശം വച്ചിരുന്നു.

ഓഹരിക്ക് ഒരു വർഷത്തെ ബീറ്റ 1.1 ഉണ്ട്. ഇത് ഈ കാലയളവിൽ ഉയർന്ന ചാഞ്ചാട്ടത്തെ സൂചിപ്പിക്കുന്നു. 2023 ഒക്ടോബർ 26 ന് സ്റ്റോക്ക് 52 ആഴ്‌ചയിലെ ഏറ്റവും താഴ്ന്ന നിരക്കായ 440.05 രൂപയിലേക്ക് എത്തിയിരുന്നു.

വിഎ ടെക് വാബാഗ് ലിമിറ്റഡ്

വിഎ ടെക് വാബാഗ് ലിമിറ്റഡ് ജലശുദ്ധീകരണ വ്യവസായത്തിൽ പ്രവർത്തിക്കുന്നു. കുടിവെള്ളം, മലിനജലം, വ്യാവസായിക ജലം, ഡീസലിനേഷൻ പ്ലാൻ്റുകൾ എന്നിവയുടെ രൂപകൽപ്പന, വിതരണം, സ്ഥാപിക്കൽ, കെട്ടിടം, പ്രവർത്തനം തുടങ്ങിയ മേഖലകളിലാണ് കമ്പനിയുടെ പ്രവർത്തനം.

പുതിയ സംരംഭങ്ങൾ

FY24-ൽ, ഇന്ത്യ, ജിസിസി, ആഫ്രിക്ക, യൂറോപ്പ് എന്നിവിടങ്ങളിൽ 100 ​​ബയോ-സിഎൻജി പ്ലാൻ്റുകൾ സ്ഥാപിക്കുന്നതിന് പീക്ക് സസ്റ്റൈനബിലിറ്റി വെഞ്ചേഴ്സുമായി കമ്പനി പങ്കാളിത്തം രൂപീകരിച്ചു, അതിൻ്റെ മൂല്യം $200 മില്യൺ ഡോളറാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.