1,011.85 ശതമാനം നേട്ടം, ഈ ഓഹരി കയ്യിലുണ്ടോ, കീശ നിറയുമെന്ന് ബ്രോക്കറേജ്, ടാർഗെറ്റ് വില അറിയാം

കമ്പനികളുടെ കഴിഞ്ഞ പാദങ്ങളിലെ കണക്കുകൾ പുറത്ത് വരുന്ന സമയമാണിത്. മികച്ച പ്രവർത്തനങ്ങൾ നടത്താൻ സാധിച്ച കമ്പനികളുടെ ഓഹരികൾ മുഴുവൻ വിപണിയിൽ കുതിച്ചുയരുകയാണ്. കഴിഞ്ഞ ദിവസങ്ങളിലും നിരവധി ഓഹരികൾ കുതിപ്പിലേക്കുയർന്നു. അതിൽ പ്രധാനപ്പെട്ട ഓഹരികളിലൊന്ന് വരുൺ ബിവറേജസാണ്. ജനുവരി-മാർച്ച് പാദത്തിൽ കമ്പനി നടത്തിയ കമ്പനിയുടെ ഓൾറൗണ്ട് പ്രകടനമാണ് ഓഹരി വിപണിയിലും പ്രതിഫലിച്ചത്. അതോടെ വരുൺ ബിവറേജസ് ഓഹരിയുടെ ടാർഗെറ്റ് വില ബ്രോക്കറേജ് സ്ഥാപനങ്ങൾ ഉയർത്തി. പുതിയ ടാർഗെറ്റ് വില എത്രയാണെന്നും നിലവിൽ ഓഹരിയുടെ മുന്നേറ്റം എങ്ങനെയാണെന്നും നമുക്ക് വിശദമായി അറിയാം.

ഓഹരി വിപണിയിലെ പ്രകടനം

ബുധനാഴ്ച ആദ്യ സെഷനിൽ തന്നെ 1 ശതമാനത്തിന് മുകളിൽ നേട്ടമുണ്ടാക്കാൻ വരുൺ ബിവറേജസ് ഓഹരിക്ക് സാധിച്ചിട്ടുണ്ട്. അതോടെ ഓഹരി വില 1507.45 രൂപയിലേക്കെത്തി. കഴിഞ്ഞ അഞ്ച് ദിവസത്തിനിടെ 1.88 ശതമാനം മുന്നേറ്റമാണ് ഓഹരി നേടിയത്. ഒരു മാസത്തിനിടെ ഏകദേശം പത്ത് ശതമാനം നേട്ടമുണ്ടാക്കാനും വരുൺ ബിവറേജസ് ഓഹരിക്ക് സാധിച്ചു. 2024-ൽ ഇതുവരെ 21.32 ശതമാനം ലാഭമുണ്ടാക്കാനും കമ്പനിക്ക് സാധിച്ചു.

കഴിഞ്ഞ ആറ് മാസത്തിനിടെ 48.63 ശതമാനം നേട്ടമാണ് ഓഹരി നേടിയെടുത്തത്. 93.44 ശതമാനം ലാഭം കഴിഞ്ഞ ഒരു വർഷത്തിനിടെ നിക്ഷേപകർക്ക് നൽകാനും ഓഹരിക്ക് സാധിച്ചു. 1,011.85 ശതമാനമാണ് അഞ്ച് വർഷത്തെ മുന്നേറ്റം. 1,561.95 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 755 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ബ്രോക്കറേജ് വിലയിരുത്തൽ

2024 കലണ്ടർ വർഷത്തിന്‍റെ ആദ്യ പാദത്തിൽ 11 ശതമാനം വളർച്ചയാണ് വരുൺ ബിവറേജസിന്‍റെ വരുമാനത്തിലുണ്ടായത്. 4,317 കോടി രൂപ. നികുതിക്ക് ശേഷമുള്ള വരുമാനം 25 ശതമാനം ഉയർന്ന് 547 കോടി രൂപയായി.

എലാറ സെക്യൂരിറ്റീസിലെ അനലിസ്റ്റുകൾ വരുൺ ബിവറേജസിൻ്റെ 'അക്മുലേറ്റ്' റേറ്റിംഗ് നിലനിർത്തുകയും ലക്ഷ്യ വില 1,463 രൂപയിൽ നിന്ന് 1,590 രൂപയായി ഉയർത്തുകയും ചെയ്തു.

മോത്തിലാൽ ഓസ്വാൾ വിശകലന വിദഗ്ധരും വരുൺ ബിവറേജസിൽ ഒരു ഷെയറിന് 1,720 രൂപ ടാർഗെറ്റ് വിലയുള്ള 'ബൈ' കോൾ ആവർത്തിച്ചു. ഇന്ത്യയിലെയും ആഫ്രിക്കയിലെയും പുതിയ വിപണി, പുതിയ ലോഞ്ച് ചെയ്ത ഉൽപ്പന്നങ്ങളുടെ ഉയർന്ന സ്വീകാര്യത, അന്താരാഷ്ട്ര പ്രവർത്തനങ്ങളിലെ സ്കെയിൽ-അപ്പ് എന്നിവ വഴി വരുൺ ബിവറേജസിന്‍റെ വരുമാനത്തിൽ വർധനവുണ്ടാകുമെന്നാണ് മോത്തിലാൽ ഓസ്വാൾ പറയുന്നത്.

വരുൺ ബിവറേജസ്

ഓഹരി നിക്ഷേപകരെ സംബന്ധിച്ചു വരുണ്‍ ബിവറേജസിനെ പറ്റി പ്രത്യേകിച്ച് ഒരു മുഖവരയുടെ ആവശ്യമില്ല. മള്‍ട്ടിബാഗര്‍ ഓഹരിയാണ്. പെപ്സികോ ഫ്രാഞ്ചൈസി കൈവശം വച്ചിരിക്കുന്ന കമ്പനി. കാര്‍ബണേറ്റഡ് പാനീയ മേഖലയിലെ അതുല്യരാണ്. ഇന്ത്യന്‍ വിപണിയില്‍ പെപ്സികോ ഉല്‍പ്പന്നങ്ങളുടെ വിജയത്തിനു വഴിവച്ചതു തന്നെ വരുണ്‍ ബിവറേജസ് ആണ്. മികച്ച ട്രാക്ക് റെക്കോഡുണ്ട്.

കൂടുതൽ വരുമാനം

മുന്നോട്ട് പോകുമ്പോൾ, ചൂട് , തിരഞ്ഞെടുപ്പുകൾ, കഴിഞ്ഞ വർഷം ഇതേ പാദത്തിലെ താഴ്ന്ന അടിത്തറ എന്നിവയുടെ നേതൃത്വത്തിൽ അടുത്ത പാദത്തിലും മികച്ച ലാഭം നേടാൻ കഴിയുമെന്നാണ് വരുൺ ബിവറേജസിന്‍റെ കണക്ക് കൂട്ടൽ. കമ്പനി ഏകദേശം 3,600 കോടി രൂപയുടെ കാപെക്‌സ് ആസൂത്രണം ചെയ്തിട്ടുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.