വിപണി കീഴടക്കാന്‍ രണ്ടും കല്‍പ്പിച്ച് വിഐ; 100 രൂപയ്ക്ക് താഴെയുള്ള പുതിയ പ്ലാനുകള്‍ അവതരിപ്പിച്ചു

വിപണി കീഴടക്കാന്‍ രണ്ടും കല്‍പ്പിച്ച് പുതിയ പ്ലാനുകളുമായി വിഐ. 100 രൂപയ്ക്ക് താഴെയുള്ള പുതിയ പ്ലാനുകള്‍ അവതരിപ്പിച്ചാണ് വിഐ ഇപ്പോള്‍ ടെലിക്കോം രംഗത്തെ ഞെട്ടിച്ചിരിക്കുന്നത്. 100 രൂപയ്ക്കുതാഴെയുള്ള രണ്ട് പുതിയ പ്ലാനുകള്‍ വിഐ ഇപ്പോള്‍ അവതരിപ്പിച്ചിരിക്കുന്നത്.

59 രൂപയുടെയും 65 രൂപയുടെയും പ്രീപെയ്ഡ് പ്ലാനുകളാണ് പുതിയതായി അവതരിപ്പിച്ചത്. നിലവില്‍ മഹാരാഷ്ട്ര, ഗോവ എന്നിവിടങ്ങളിലാണ് പുതിയ പ്ലാന്‍ ലഭിക്കുകയുള്ളൂവെങ്കിലും താമസിയാതെ മറ്റ് സര്‍ക്കിളുകളിലേയ്ക്കും വ്യാപിപ്പിക്കുമെന്നാണ് കമ്പനി വൃത്തങ്ങള്‍ അറിയിക്കുന്നത്.

പ്ലാനുകളുടെ തുകയും മറ്റ് വിവരങ്ങളും

59 രൂപ പ്ലാന്‍
28 ദിസവം കാലാവധിയുള്ള പ്ലാനില്‍ ലോക്കര്‍, നാഷണല്‍, റോമിങ് കോളുകള്‍ക്ക് 30 മിനുട്ട് സൗജന്യം ലഭിക്കും.

65ന്റെ കോംമ്പോ പാക്ക്
100 എംബി ഹൈസ് സ്പീഡ് ഡാറ്റയോടൊപ്പം 52 രൂപയുടെ ടോക് ടൈം സൗജന്യവും ഈ പ്ലാനിലുണ്ടാകും. 28 ദിവസംതന്നെയാകും വാലിഡിറ്റി.

100 രൂപയ്ക്ക് താഴെ ലഭ്യമായ നിലവിലെ പ്ലാനുകൾ

39 രൂപ പ്രീ പെയ്ഡ് പ്ലാന്‍
100 എംബി ഡാറ്റയോടൊപ്പം 30 രൂപയുടെ ടോക് ടൈം ലഭിക്കും. 14 ദിവസം വാലിഡിറ്റി.

49 രൂപ പ്രീപെയ്ഡ് പ്ലാന്‍
300 എംബി ഡാറ്റയോടൊപ്പം 38 രൂപയുടെ ടോക് ടൈം ലഭിക്കും. 28 ദിവസമാണ് വാലിഡിറ്റി. myvi.in എന്ന കമ്പനിയുടെ വെബ്സൈറ്റ് വഴിയോ ആപ്പുവഴിയോ ചാര്‍ജ് ചെയ്താല്‍ 200 എംബി അധികമായി ലഭിക്കും.

79 രൂപ പ്ലാന്‍
400 എംബി ഡാറ്റയോടൊപ്പം 64 രൂപയുടെ ടോക് ടൈം ലഭിക്കും. 28 ദിവസമാണ് കാലാവധി. myvi.in എന്ന കമ്പനിയുടെ വെബ്സൈറ്റ് വഴിയോ ആപ്പുവഴിയോ ചാര്‍ജ് ചെയ്താല്‍ 200 എംബി അധികമായി ലഭിക്കും.

95 രൂപയുടെ പ്ലാന്‍
200 എംബി ഡാറ്റയോടൊപ്പം 74 രൂപയുടെ ടോക് ടൈം ലഭിക്കും. 56 ദിവസമാണ് വാലിഡിറ്റി. myvi.in എന്ന കമ്പനിയുടെ വെബ്സൈറ്റ് വഴിയോ ആപ്പുവഴിയോ ചാര്‍ജ് ചെയ്താല്‍ 200 എംബി അധികമായി ലഭിക്കും.