തിരിച്ചു കയറി സ്വർണവില, വീണ്ടും 55,000 രൂപ കടക്കുമോ, അഡ്വാൻസ് ബുക്കിം​ഗാണ് നല്ലത്, ഇന്നത്തെ നിരക്കറിയാം

സ്വർണവിലയിലെ ചാഞ്ചാട്ടം തുടരുകയാണ്. റെക്കോർഡ് വിലയിൽ നിന്നും സ്വർണവില കഴിഞ്ഞ ദിവസം താഴോട്ടിറങ്ങിയിരുന്നു. എന്നാൽ വീണ്ടും മുകളിലേക്ക് തന്നെ ഉയരുന്ന കാഴ്ചയാണ് പുതിയ ആഴ്ചയുടെ ആദ്യ ദിവസം തന്നെ കാണുന്നത്. വരും ദിവസങ്ങളിലും വില വർധനവ് തുടർന്നാൽ അത് ആഭരണപ്രേമികൾക്ക് വലിയ നിരാശ സമ്മാനിക്കും.

ഇന്നത്തെ വില

പവന് 53,120 രൂപ എന്ന നിരക്കിലായിരുന്നു സംസ്ഥാനത്ത് കഴിഞ്ഞ ദിവസം സ്വർണവ്യാപാരം നടന്നത്. എന്നാൽ തിങ്കളാഴ്ച പവന് 200 രൂപ കൂടി. അതോടെ സ്വർണവില 53,320 രൂപയിലേക്കെത്തി. ഗ്രാമിന് 6,665 രൂപ.

റെക്കോർഡ് വില

മെയ് 20-ആം തീയ്യതിയാണ് സംസ്ഥാനത്ത് സ്വർണവില ചരിത്രത്തിലെ തന്നെ ഏറ്റവും ഉയർന്ന നിരക്കിലെത്തിയത്. 55,120 രൂപയായിരുന്നു അന്ന് ഒരു പവൻ സ്വർണത്തിന്‍റെ വില. എന്നാൽ പിന്നീടുള്ള ദിവസങ്ങളിൽ വില താഴോട്ടിറങ്ങി. 21-ആം തീയ്യതി 54,640 രൂപയിലേക്കും 22-ആം തീയ്യതിവില 53,840 രൂപയിലേക്കുമെത്തി. പിന്നീടുള്ള ദിവസങ്ങളിലും സ്വർണവില താഴോട്ടായിരുന്നു. 24-ആം തീയ്യതി 53,120 രൂപയായിരുന്നു പവന്‍റെ വില. 26-ആം തീയ്യതി വരെ അതേ വിലയിൽ തന്നെ സ്വർണം തുടർന്നു.

ആഭരണം വാങ്ങാൻ 57,000 രൂപ നൽകണം

സ്വർണാഭരണം വാങ്ങുമ്പോൾ പവന്‍റെ വിലയോടൊപ്പം പണിക്കൂലി, നികുതി, ഹാള്‍മാര്‍ക്കിങ് നിരക്കുകള്‍എന്നിവയെല്ലാം ചേര്‍ത്ത് വലിയൊരു തുക നൽകേണ്ടി വരും. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടിയാൽ ഇന്നത്തെ വിലയിൽ 1 പവൻ സ്വർണാഭരണം വാങ്ങുമ്പോൾ ഏകദേശം 57,000 രൂപ നൽകേണ്ടി വരും.

വില ഇനിയും കൂടും

അന്താരാഷ്ട്ര തലത്തിൽ സ്വർണ്ണം, തിങ്കളാഴ്ച്ച രാവിലെ നേട്ടത്തിലാണ് വ്യാപാരം നടത്തുന്നത്. ട്രോയ് ഔൺസിന് 6.21 ഡോളർ (0.27%) ഉയർന്ന് 2,343.49 ഡോളർ എന്നതാണ് നിലവാരം.

സ്വര്‍ണവില വരും നാളുകളിലും വർധിക്കുമെന്നാണ് പൊതുവിൽ വിലയിരുത്തുന്നത്. പണപ്പെരുപ്പം, കറന്‍സി മൂല്യത്തിലെ മാറ്റം, രാഷ്ട്രീയ വിവാദങ്ങള്‍, വിപണി അസ്ഥിരത എന്നിവയെല്ലാം സ്വര്‍ണവിലയെ ബാധിക്കുന്ന ഘടകങ്ങളാണ്. കൂടാതെ ഡോളര്‍ ഒഴിവാക്കി സ്വര്‍ണം വാങ്ങിക്കൂട്ടുന്ന പ്രവണത ലോക രാജ്യങ്ങള്‍ക്കിടയില്‍ വര്‍ധിച്ചുവരുന്നതും സ്വര്‍ണവില ഉയരുമെന്ന സൂചനയാണ്.

അഡ്വാൻസ് ബുക്കിം​ഗ്

സ്വർണം വാങ്ങുന്നവർ അഡ്വാൻസ് ബുക്കിം​ഗ് ഉപയോ​ഗപ്പെടുത്തുന്നത് നല്ലതാണ്. ഇന്നത്തെ കുറഞ്ഞ വിലയിൽ സ്വർണം ബുക്ക് ചെയ്യാനും ആവശ്യ വില ഉയർന്നാൽ കുറഞ്ഞ വിലയിൽ വാങ്ങാനും അഡ്വാൻസ് ബുക്കിം​ഗ് ഉപകരിക്കും.

കയ്യിൽ കരുതുമ്പോഴും സൂക്ഷിക്കണം

ഇന്ത്യയിൽ സ്വർണം കൈവശം വയ്ക്കാനും കൃത്യമായ ചട്ടങ്ങൾ നിലവിലുണ്ട്. അവിവാഹിതയായ ഒരു സ്ത്രീക്ക് 250 ഗ്രാം സ്വർണം കൈയ്യിൽ കരുതാം. അവിവാഹിതനായ പുരുഷന് 100 ഗ്രാം സ്വർണവും കൈവശം വയ്ക്കാം. അതിൽ ഇനി വിവാഹിതയായ സ്ത്രീ ആണെങ്കിൽ അവർക്ക് 500 ഗ്രാം സ്വർണവും, വിവാഹിതനായ പുരുഷന് 100 ഗ്രാം സ്വർണവും നിയമപ്രകാരം വീട്ടിൽ സൂക്ഷിക്കാം എന്നതാണ് ചട്ടം വ്യക്തമാക്കുന്നത്.

സ്വർണം വാങ്ങുമ്പോൾ എന്തൊക്കെ ശ്രദ്ധിക്കണം..?

1. വാങ്ങുന്ന സ്വര്‍ണ്ണത്തിന്‍റെ പരിശുദ്ധി പരിശോധിച്ച് ഉറപ്പുവരുത്താന്‍മറക്കരുത്.

2. അംഗീകൃതവും വിശ്വസനീയവുമായ ജ്വല്ലറികളില്‍നിന്നാണ് സ്വര്‍ണം വാങ്ങുന്നതെന്ന് ഉറപ്പാക്കുക.

3. വ്യത്യസ്ത ജ്വല്ലറികള്‍ക്ക് വ്യത്യസ്ത മേക്കിംഗ് ചാര്‍ജുകള്‍ഉണ്ടായിരിക്കാം. അതിനാല്‍നഷ്ടം സംഭവിക്കുന്നില്ലെന്ന് ഉറപ്പാക്കാന്‍ഒന്നിലധികം ഉറവിടങ്ങളില്‍നിന്നുള്ള വിലകള്‍താരതമ്യം ചെയ്യുന്നത് നല്ലതാണ്.

4. 2 ലക്ഷം രൂപയിൽ കൂടുതൽ മൂല്യം വരുന്ന വാങ്ങലുകൾക്കായി പാൻ കാർഡ് ഇന്ത്യയിൽ നിർബന്ധമാണ്.