ആഗോള വിപണിയിലെ നേട്ടത്തെ തുടർന്ന് ഇന്ന് ഇന്ത്യൻ സൂചികകളും ഉയർന്നു. 09:16ന് സെൻസെക്സ് 87.30 പോയിൻറ് അഥവാ 0.23% ഉയർന്ന് 38456.93ൽ എത്തി. നിഫ്റ്റി 33.60 പോയിന്റ് അഥവാ 0.30% ഉയർന്ന് 11342 പോയിന്റിലെത്തി. 833 ഓഹരികൾ നേട്ടമുണ്ടാക്കിയപ്പോൾ 219 ഓഹരികൾക്കാണ് നഷ്ടം നേരിട്ടത്. 48 ഓഹരികൾ മാറ്റമില്ലാതെ തുടർന്നു. ടിസിഎസ്, എസ്ബിഐ, ടെക് മഹീന്ദ്ര, ആക്സിസ് ബാങ്ക്, എൻടിപിസി, ടാറ്റാ സ്റ്റീൽസ് എന്നിവയാണ് ഇന്ന് സെൻസെക്സിൽ മികച്ച പ്രകടനം കാഴ്ച്ച വയ്ക്കുന്ന ഓഹരികൾ.
സെൻസെക്സ് 190 പോയിന്റ് ഉയർന്നു, നിഫ്റ്റി 11,270 ന് മുകളിൽ; സിപ്ലയ്ക്ക് മികച്ച നേട്ടം
എച്ച്ഡിഎഫ്സി, ബജാജ് ഓട്ടോ, മാരുതി, ഐടിസി, ഭാരതി എയർടെൽ എന്നിവയ്ക്ക് രാവിലെ തന്നെ നഷ്ടം നേരിട്ടു. നിഫ്റ്റി ഐടി സൂചിക ഒരു ശതമാനം ഉയർന്നു. എംഫസിസ്, ഇൻഫോ എഡ്ജ്, വിപ്രോ എന്നിവയാണ് ഐടി ഓഹരികളിൽ മുന്നേറുന്നത്. ഐടി, മെറ്റൽ ഓഹരികളാണ് ഇന്ന് വിപണിയെ പിന്തുണയ്ക്കുന്നത്. ഹിൻഡാൽകോ, ജെഎസ്ഡബ്ല്യു സ്റ്റീൽ, വിപ്രോ, ടിസിഎസ്, അദാനി പോർട്സ് എന്നിവയാണ് നിഫ്റ്റിയിൽ പ്രധാന നേട്ടമുണ്ടാക്കുന്ന ഓഹരികൾ. ഹിൻഡാൽകോ, ജിൻഡാൽ സ്റ്റീൽ, ജെഎസ്ഡബ്ല്യു സ്റ്റീൽ എന്നിവരുടെ നേതൃത്വത്തിൽ നിഫ്റ്റി മെറ്റൽ സൂചിക രണ്ട് ശതമാനം ഉയർന്നു.
സെൻസെക്സിൽ 141 പോയിന്റ് നേട്ടം, നിഫ്റ്റി 11,250 ന് മുകളിൽ; ഫാർമ ഓഹരികൾക്ക് മുന്നേറ്റം