ഒരു വർഷത്തിനിടെ 200 ശതമാനം നേട്ടം, പണം ഇരട്ടിയാക്കിയ ഡിഫൻസ് ഓഹരി ഇതാണ്, കൂടെക്കൂട്ടുന്നോ

പ്രതിരോധ മേഖലയിലെ ഓഹരികൾക്ക് പൊതുവെ ഡിമാൻഡ് ഉയർന്നു നിൽക്കുന്ന സമയമാണിത്. ഒരു വർഷത്തിനിടെ മൾട്ടിബാഗർ റിട്ടേൺ നൽകിയ നിരവധി ഓഹരികളെ നിങ്ങൾക്ക് വിപണിയിൽ കാണാനും സാധിക്കും. അത്തരത്തിലുള്ള ഒരു ഓഹരിയാണ് സെൻ ടെക്നോളജീസ്. ഓഹരിയുടെ വിശദാംശങ്ങളും നിലവിലെ ഓഹരി വിലയും നമുക്ക് വിശദമായി പരിശോധിക്കാം.

73 രൂപ മുതൽ 933 രൂപ വരെ

ബിഎസ്ഇയിൽ അഞ്ച് ശതമാനം ഇൻട്രാഡേ നേട്ടത്തോടെ 933.70 രൂപ എന്നതാണ് സെൻ ടെക്നോളജീസിന്‍റെ ഓഹരി വില. കഴിഞ്ഞ അഞ്ച് ദിവസത്തിനിടെ 9 ശതമാനത്തിന്‍റെ ഇടിവ് ഓഹരി നേരിട്ടിട്ടുണ്ട്. ഒരു മാസത്തിനിടെ 6 ശതമാനവും ഓഹരി ഇടിഞ്ഞു. അതേ സമയം ആറ് മാസത്തിനിടെ 26.13 ശതമാനം വളർച്ചയാണ് കമ്പനി ഓഹരി വിപണിയിൽ നിന്നും കൈവരിച്ചത്. 2024-ൽ ഇതുവരെ 18.35 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

ഒരു വർഷത്തിനിടെ 204 ശതമാനം നേട്ടത്തോടെ മൾട്ടിബാഗർ ഓഹരികളുടെ പട്ടികയിൽ ഇടം പിടിക്കാനും സെൻ ടെക്നോളജീസിന്‍റെ ഓഹരിക്ക് സാധിച്ചു. കഴിഞ്ഞ മൂന്ന് വർഷത്തിനിടെ 1143ശതമാനം റിട്ടേൺ ഓഹരി നൽകി. 2021 മെയ് 7 ന് 73.25 രൂപയായിരുന്നു ഓഹരി വില. 1,130.10 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 297 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ബ്രോക്കറേജ് വിലയിരുത്തൽ

ബ്രോക്കറേജ് സ്ഥാപനമായ പ്രോഗ്രസീവ് ഷെയേഴ്സ്, സെൻ ടെക്നോളജീസിന്‍റെ ഓഹരിക്ക് ബൈ കോൾ നൽകിയിട്ടുണ്ട്. ശക്തമായ ഓർഡർബുക്കും അതിൻ്റെ സമയോചിതമായ നിർവ്വഹണവും മൂലം കമ്പനി തുടർച്ചയായ വളർച്ച കാണിക്കുന്നു എന്നാണ് ബ്രോക്കറേജ് വിലയിരുത്തൽ. അതുകൊണ്ടു തന്നെ 1,100 രൂപ ടാർഗെറ്റ് വിലയോടെ ഓഹരി വാങ്ങാമെന്നാണ് ശുപാർശ.

ഓഹരി അതിൻ്റെ ആപേക്ഷിക ശക്തി സൂചിക 36.3-ൽ ഉള്ള സാങ്കേതിക ചാർട്ടുകളിൽ അമിതമായി വിൽക്കുകയോ അമിതമായി വാങ്ങുകയോ ചെയ്തിട്ടില്ല. ഒരു വർഷത്തിൽ 0.7 എന്ന വളരെ കുറഞ്ഞ ചാഞ്ചാട്ടമാണ് ഇതിന് ഉണ്ടായിരുന്നത്. ഓഹരികൾ 5 ദിവസം, 10 ദിവസം, 20 ദിവസം, 30 ദിവസം, 50 ദിവസം എന്നിവയേക്കാൾ കുറവാണ്, എന്നാൽ 100 ​​ദിവസം, 150 ദിവസം, 200 ദിവസം ചലിക്കുന്ന ശരാശരിയേക്കാൾ ഉയർന്നതാണ് എന്നതും ശ്രദ്ധേയമാണ്.

സെൻ ടെക്നോളജീസ്

ഇലക്ട്രോണിക്സ് ഉപകരണങ്ങൾ നിർമിക്കുന്ന സ്മാൾക്യാപ് കമ്പനിയാണിത്. പ്രധാനമായും ട്രെയിനിങ് സിമുലേറ്ററുകളുടെ ഡിസൈൻ, നിർമാണം എന്നിവയാണ് ബിസിനസ്. പോലീസ്, അർദ്ധ സൈനിക വിഭാഗങ്ങൾ, സായുധ സേനകൾ, സുരക്ഷാ സേനകൾ, സർക്കാർ വകുപ്പുകൾ തുടങ്ങിയവയ്ക്ക് കമ്പനി പ്രൊഡക്ടുകൾ നൽകുന്നു. കമ്പനിയുടെ വിപണി മൂല്യം ബിഎസ്ഇയിൽ 7847 കോടി രൂപയാണ്.

വരുമാനം

കമ്പനിയുടെ അറ്റാദായം 200 ശതമാനം ഉയർന്ന് 127.88 കോടി രൂപയായി. അറ്റ വിൽപ്പന 101 ശതമാനം ഉയർന്ന് 439.85 കോടി രൂപയായി. 2025 സാമ്പത്തിക വർഷത്തിൽ 900 കോടി രൂപയുടെ വിൽപ്പന മാർക്കിനെ മറികടക്കാൻ ലക്ഷ്യമിട്ടുള്ള പ്രവർത്തനങ്ങൾ കമ്പനി നടത്തുന്നുണ്ട്. മാർച്ച് 31 വരെ കമ്പനിയുടെ ഓർഡർ ബുക്ക് 1,400 കോടി കവിഞ്ഞു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.