സ്വര്‍ണവില പറക്കന്നു; ഇന്ന് 1800 രൂപ വര്‍ധിച്ചു, ഡോളറും രൂപയും വീണു, ഇന്നത്തെ പവന്‍ വില

കൊച്ചി: കേരളത്തില്‍ സ്വര്‍ണവിലയില്‍ വന്‍ കുതിപ്പ്. 1800 രൂപയുടെ വര്‍ധനവാണ് ഇന്ന് രേഖപ്പെടുത്തിയത്. ഇനിയും വിലയില്‍ വലിയ മുന്നേറ്റമുണ്ടാകുമെന്നാണ് വിപണിയില്‍ നിന്നുള്ള വിവരം. ഡോളര്‍ വലിയ ഇടിവാണ് നേരിടുന്നത്. ഇത് സ്വര്‍ണവില കുതിക്കാന്‍ ഒരു കാരണമാണ്. ഇന്ത്യന്‍ രൂപയും കനത്ത വെല്ലുവിളി നേരിടുന്നു. ഇറക്കുമതി ചെലവ് കൂടാന്‍ ഇത് കാരണമായിട്ടുണ്ട്.

ശമ്പളം 200% ഉയരും; സര്‍ക്കാരിന് മുന്നില്‍ ആവശ്യവുമായി ജീവനക്കാര്‍, നിര്‍ണായക യോഗം അടുത്ത 25ന്

ജനുവരിയില്‍ മാത്രം സ്വര്‍ണം ഒരു പവന് വര്‍ധിച്ചത് 20280 രൂപയാണ്. ഇത്രയും ഉയര്‍ന്ന അളവില്‍ സ്വര്‍ണവില വര്‍ധിക്കുമെന്ന് പ്രതീക്ഷിച്ചതല്ല. 2025ലേക്കാള്‍ അതിവേഗമാണ് ഈ വര്‍ഷത്തെ സ്വര്‍ണവിലയുടെ പോക്ക്. രാജ്യാന്തര വിപണിയില്‍ സ്വര്‍ണത്തിന് ആദ്യമായി 5000 ഡോളര്‍ പിന്നിട്ടു. ഇനിയും വര്‍ധിച്ചുകൊണ്ടിരിക്കുകയാണ്. ഇനി കേരളത്തിലെ വില സംബന്ധിച്ച് അറിയാം.

കേരളത്തില്‍ 22 കാരറ്റ് ഒരു പവന്‍ സ്വര്‍ണത്തിന് 119320 രൂപയാണ് ഇന്നത്തെ നിരക്ക്. ഗ്രാമിന് 375 രൂപ വര്‍ധിച്ചു. ഒരു ഗ്രാമിന് 14925 രൂപയാണ് ഇന്നത്തെ വില. അതേസമയം, 18 കാരറ്റ് സ്വര്‍ണം ഗ്രാമിന് 12255 രൂപയും എട്ട് ഗ്രാമിന് 98040 രൂപയുമായി. 18 കാരറ്റ് സ്വര്‍ണത്തിന് ഒരു ലക്ഷത്തിലേക്ക് അടുക്കുന്നു എന്ന പ്രത്യേകയുമുണ്ട്. 75 ശതമാനം സ്വര്‍ണവും ബാക്കി മറ്റു ലോഹങ്ങളും അടങ്ങിയതാണ് 18 കാരറ്റ് സ്വര്‍ണം.

സ്വര്‍ണവില കുതിച്ചത് 10680 രൂപ; വമ്പന്‍ ലാഭം കൊയ്യാന്‍ വഴി ഇങ്ങനെ, പക്ഷേ, മറ്റൊരു കാര്യമുണ്ട്

14 കാരറ്റ് സ്വര്‍ണം ഗ്രാമിന് 9540 രൂപയാണ് ഇന്നത്തെ വില. എട്ട് ഗ്രാമിന് 76320 രൂപയും. 9 കാരറ്റ് സ്വര്‍ണം ഗ്രാമിന് 6150 രൂപയും എട്ട് ഗ്രാമിന് 49200 രൂപയുമായി. അതേസമയം, വെള്ളിയുടെ വിലയില്‍ വന്‍ കുതിപ്പാണ് രേഖപ്പെടുത്തുന്നത്. ഇന്ന് ഗ്രാമിന് 10 രൂപ വര്‍ധിച്ച് 345 രൂപയായി. പത്ത് ഗ്രാമിന്റെ വില 3450 രൂപയായി വര്‍ധിച്ചു. സ്വര്‍ണത്തെ പോലെ വെള്ളി, ചെമ്പ് എന്നിവയുടെ വിലയും ഉയരുന്നു എന്നാണ് എടുത്തു പറയേണ്ടത്.

രൂപയുടെ മൂല്യത്തിലെ ഇടിവ് വെല്ലുവിളി

അന്താരാഷ്ട്ര വിപണിയില്‍ ഔണ്‍സ് സ്വര്‍ണത്തിന് 5074 രൂപയാണ് ഇന്നത്തെ നിരക്ക്. വ്യാപാരം തുടരുന്നതിനാല്‍ ഇതില്‍ മാറ്റം പ്രതീക്ഷിക്കാം. വലിയ തോതില്‍ ഉയരുകയാണെങ്കില്‍ കേരളത്തില്‍ ഇന്നുതന്നെ സ്വര്‍ണവില മാറും. ഡോളര്‍ സൂചിക വലിയ ഇടിവിലാണ്. 97.12 എന്ന നിരക്കിലേക്ക് എത്തി. കഴിഞ്ഞ വര്‍ഷം 110 വരെ ഉയര്‍ന്ന ശേഷമാണ് ഇടിഞ്ഞത്.

ഇന്ത്യന്‍ രൂപയുടെ മൂല്യം ഇടിയുന്നതും വലിയ തിരിച്ചടിയായി. 91.67 എന്ന നിരക്കിലാണ് രൂപ. ഡോളര്‍ കരുത്ത് കുറയുമ്പോഴും രൂപയ്ക്ക് മൂല്യം ഉയര്‍ത്താന്‍ കഴിയാത്തത് വലിയ തിരിച്ചടിയാണ്. അമേരിക്കയുമായും യൂറോപ്പുമായും വ്യാപാര കരാര്‍ നടപ്പായാല്‍ ഒരുപക്ഷേ, രൂപയുടെ മൂല്യം തിരിച്ചുകയറിയേക്കും. രൂപ മൂല്യം കുറയുമ്പോള്‍ സ്വര്‍ണം ഉള്‍പ്പെടെയുള്ള ഇറക്കുമതി വസ്തുക്കള്‍ക്ക് വലിയ വില കൊടുക്കേണ്ടി വരും.

രൂപയുടെ മൂല്യം ഇടിയാന്‍ കാരണമായ മറ്റൊരു ഘടകം ക്രൂഡ് ഓയില്‍ വിലയാണ്. എണ്ണവില നേരിയ തോതില്‍ ഉയര്‍ന്നുവരുന്നത് ഇന്ത്യയുടെ പൊതുചെലവ് ഉയര്‍ത്തും. ഇന്ന് ഒരു പവന്‍ ആഭരണം വാങ്ങുന്നവര്‍ക്ക് 130000 രൂപ വരെ ചെലവ് പ്രതീക്ഷിക്കാം. ഡിസൈന്‍ കൂടുതലുള്ള ആഭരണങ്ങള്‍ക്ക് ഇനിയും വില ഉയര്‍ന്നേക്കും. പഴയ സ്വര്‍ണം വില്‍ക്കുന്നവര്‍ക്ക് പവന് 118000 രൂപ കിട്ടുമെന്ന് പ്രതീക്ഷിക്കുന്നു.

Credit: Oneindia