കേരളം വീണ്ടും ചുവക്കുന്നു...? ഗ്രാമ, ബ്ലോക്ക് പഞ്ചായത്തുകളില്‍ ഇടത് മുന്നേറ്റം, തൊട്ടതെല്ലാം പിഴച്ച് യുഡിഎഫ്

തദ്ദേശ തിരഞ്ഞെടുപ്പില്‍ ഗ്രാമ പഞ്ചായത്തുകളിലും ബ്ലോക്ക് പഞ്ചായത്തുകളിലും വ്യക്തമായ ആധിപത്യം തുടര്‍ന്ന് എല്‍ ഡി എഫ്. വോട്ടെണ്ണല്‍ ആദ്യ മണിക്കൂറിലേക്ക് കടന്നപ്പോള്‍ തുടക്കം മുതല്‍ ഗ്രാമപഞ്ചായത്തുകളിലും ബ്ലോക്ക് പഞ്ചായത്തുകളിലും ലീഡ് നിലയില്‍ ബഹുദൂരം മുന്നിലാണ് എല്‍ ഡി എഫ്. ജില്ലാ പഞ്ചായത്തില്‍ മാത്രമാണ് യുഡിഎഫ് എല്‍ഡിഎഫിന് വെല്ലുവിളി ഉയര്‍ത്തുന്നത്.

ആദ്യസൂചനകളില്‍ എല്‍ഡിഎഫ് മുന്നേറ്റം.. കൊല്ലത്ത് വലിയ ലീഡ്

യുഡിഎഫിനെ സംബന്ധിച്ചിടത്തോളം വലിയ തിരിച്ചടിയാണിത്. ആറ് മാസങ്ങള്‍ക്കിപ്പുറം നിയമസഭാ തിരഞ്ഞെടുപ്പ് നടക്കാനിരിക്കുകയാണ്. അതിനാല്‍ ഭൂരിഭാഗം ഗ്രാമ പഞ്ചായത്തുകളിലും ഭരണം പിടിച്ച് മുന്നേറ്റമുണ്ടാക്കാം എന്നായിരുന്നു യുഡിഎഫ് പ്രതീക്ഷ. എന്നാല്‍ നിലവിലെ കണക്കുകള്‍ യുഡിഎഫിന്റെ കണക്കുകൂട്ടലുകളെല്ലാം തെറ്റിച്ചിരിക്കുകയാണ്. നിലവില്‍ 196 ഗ്രാമപഞ്ചായത്തുകളില്‍ എല്‍ഡിഎഫിനാണ് ലീഡ്.

177 സീറ്റില്‍ യുഡിഎഫും 16 സീറ്റില്‍ എന്‍ഡിഎയും 10 സീറ്റില്‍ മറ്റുള്ളവരും ലീഡ് ചെയ്യുന്നു. സംസ്ഥാനത്ത് ആകെ 941 ഗ്രാമപഞ്ചായത്തുകളിലേക്കാണ് തിരഞ്ഞെടുപ്പ് നടന്നത്. ബ്ലോക്ക് പഞ്ചായത്തില്‍ 53 ഇടത്ത് എല്‍ഡിഎഫും 45 ഇടത്ത് യുഡിഎഫും ഒരിടത്ത് എന്‍ഡിഎയും മറ്റുള്ളവര്‍ രണ്ടിടത്തും ലീഡ് ചെയ്യുന്നു. 152 ബ്ലോക്ക് പഞ്ചായത്തുകളിലേക്കാണ് തിരഞ്ഞെടുപ്പ് നടന്നത്. ആകെയുള്ള 14 ജില്ലാ പഞ്ചായത്തില്‍ ലീഡ് നില മാറി മറിയുകയാണ്.

പുതിയ വീടും കാറും... പൊന്നും വിലയുള്ള ഭൂമിയും കൈയിലെത്തും; മൂന്ന് ദിവസത്തിനുള്ളില്‍ ഇവര്‍ക്ക് രാജയോഗം

നിലവില്‍ എല്‍ഡിഎഫിനും യുഡിഎഫിനും ഏഴിടത്ത് വീതമാണ് ലീഡുള്ളത്. ആറ് കോര്‍പ്പറേഷനില്‍ നാലിടത്തും എല്‍ഡിഎഫിനാണ് ലീഡ്. ഒരിടത്ത് യുഡിഎഫും ഒരിടത്ത് എന്‍ഡിഎയും ലീഡ് ചെയ്യുന്നു. മുനിസിപ്പാലിറ്റികളില്‍ മാത്രമാണ് യുഡിഎഫ് ചെറുതെങ്കിലും സ്വാധീനം ലീഡ് നിലയില്‍ പ്രകടിപ്പിക്കുന്നത്. 38 മുനിസിപ്പാലിറ്റികളില്‍ യുഡിഎഫ് ലീഡ് ചെയ്യുമ്പോള്‍ എല്‍ഡിഎഫ് 32 ഇടത്ത് ലീഡ് ചെയ്യുന്നുണ്ട്.

അഞ്ചിടത്ത് എന്‍ഡിഎ ലീഡ് ചെയ്യുന്നു. സംസ്ഥാനത്ത് ആകെ 86 മുനിസിപ്പാലിറ്റികളാണ് ഉള്ളത്. 2020 ല്‍ 580 ഗ്രാമപഞ്ചായത്തില്‍ ആയിരുന്നു എല്‍ഡിഎഫ് ജയിച്ചത്. യുഡിഎഫിന് 341 പഞ്ചായത്തിലും എന്‍ഡിഎയ്ക്ക് 12 ഇടത്തും മറ്റുള്ളവര്‍ക്ക് എട്ടിടത്തും ആണ് ജയിക്കാനായിരുന്നു. ബ്ലോക്ക് പഞ്ചായത്തില്‍ എല്‍ഡിഎഫിന് 111 സീറ്റും യുഡിഎഫിന് 40 സീറ്റും മറ്റുള്ളവര്‍ക്ക് ഒരു സീറ്റുമാണ് ലഭിച്ചത്.

2026 ല്‍ സ്വര്‍ണം ബ്രേക്കിടും..! 2024 ല്‍ കൂടിയ 27% പോലും കൂടില്ലെന്ന് പുതിയ റിപ്പോര്‍ട്ട്, ആശ്വസിക്കാറായോ?

മുനിസിപ്പാലിറ്റികളില്‍ എല്‍ഡിഎഫിനും യുഡിഎഫിനും 42 വീതം സീറ്റുകളും എന്‍ഡിഎയ്ക്ക് രണ്ട് സീറ്റുമായിരുന്നു. 11 ജില്ലാ പഞ്ചായത്തിലും എല്‍ഡിഎഫാണ് കഴിഞ്ഞ തവണ ജയിച്ചത്. യുഡിഎഫിന് മൂന്നിടത്ത് മാത്രമാണ് ജയിക്കാനായത്. കോര്‍പ്പറേഷനുകളില്‍ അഞ്ചിടത്തും എല്‍ഡിഎഫ് ജയിച്ചപ്പോള്‍ ഒരിടത്ത് യുഡിഎഫ് ജയിച്ചു.

Credit: Oneindia