20 ലക്ഷം രൂപ വിദ്യാഭ്യാസ വായ്പ നേടാം, കാലാവധി 7 വർഷം, കുറഞ്ഞ പലിശ ഈ ബാങ്കിലാണ്, നോക്കുന്നോ

വിദ്യാഭ്യാസത്തിനുള്ള ചിലവ് ഓരോ ദിവസവും കൂടിവരുന്ന ഒരു കാലത്താണ് നാം ജീവിക്കുന്നത്. അതുകൊണ്ടു തന്നെ രാജ്യത്തിനകത്തും പുറത്തും ഉന്നതവിദ്യാഭ്യാസം എന്നത് ബാലികേറാമലയായി മാറുകയും ചെയ്തിട്ടുണ്ട്. ഇന്ത്യയിലും വിദേശത്തും ഉപരിപഠനത്തിനുള്ള പുതിയ അധ്യയന വർഷം ജൂൺ മുതൽ ആരംഭിക്കും. ഇപ്പോൾ തന്നെ വിദ്യാഭ്യാസ ചിലവുകൾ കണ്ടെത്തുന്നതിൽ പ്രത്യേക ശ്രദ്ധവേണം. വിദ്യാഭ്യാസ വായ്പകൾ എടുക്കാനുദ്ദേശിക്കുന്നവർ ഏത് ബാങ്കാണ് കുറഞ്ഞ പലിശ വാഗ്ധാനം ചെയ്യുന്നത് എന്ന് അന്വേഷിക്കേണ്ട സമയമാണിത്.

ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പകൾക്ക് വിവിധ ബാങ്കുകൾ ഈടാക്കുന്ന പലിശ നിരക്കുകളെ നമുക്ക് താരതമ്യം ചെയ്യാം.

1. യൂണിയൻ ബാങ്ക് ഓഫ് ഇന്ത്യ

8.1 ശതമാനം പലിശ നിരക്കിലാണ് യൂണിയൻ ബാങ്ക് ഓഫ് ഇന്ത്യ വിദ്യാഭ്യാസ വായ്പകൾ നൽകുന്നത്. ഏഴുവർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയുടെ ഇഎംഐ 31,272 രൂപയാണ്.

2. സെൻട്രൽ ബാങ്ക് ഓഫ് ഇന്ത്യ

സെൻട്രൽ ബാങ്ക് ഓഫ് ഇന്ത്യ, വിദ്യാഭ്യാസ വായ്പകൾ നൽകുന്നത് 8.10 ശതമാനം പലിശയിലാണ്. ഏഴ് വർഷത്തെ കാലാവധിയിൽ 20 ലക്ഷം രൂപ വായ്പയെടുക്കുമ്പോൾ ഇഎംഐ 31,272 രൂപയാണ്.

3. സ്റ്റേറ്റ് ബാങ്ക് ഓഫ് ഇന്ത്യ

8.15 ശതമാനം പലിശ നിരക്കിലാണ് സ്റ്റേറ്റ് ബാങ്ക് ഓഫ് ഇന്ത്യ വിദ്യാഭ്യാസ വായ്പകൾ വാഗ്ധാനം ചെയ്യുന്നത്. . ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയ്ക്ക് 31,322 രൂപയാണ് ഇഎംഐ തുക.

4. ബാങ്ക് ഓഫ് ബറോഡ

ബാങ്ക് ഓഫ് ബറോഡ 8.15 ശതമാനം പലിശ നിരക്കാണ് വിദ്യാഭ്യാസ വായ്പകൾക്ക് ഈടാക്കുന്നത്. ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയ്ക്ക് 31,322 രൂപയാണ് ഇഎംഐ തുക.

5. പഞ്ചാബ് നാഷണൽ ബാങ്ക്

വിദ്യാഭ്യാസ വായ്പകൾക്ക് 8.2 ശതമാനം പലിശ പഞ്ചാബ് നാഷണൽ ബാങ്ക് ഈടാക്കുന്നു. ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയുടെ ഇഎംഐ 31,372 രൂപയായിരിക്കും.

6. കാനറ ബാങ്ക്

വിദ്യാഭ്യാസ വായ്പകൾ 8.6 ശതമാനം പലിശ നിരക്കിൽ കാനറ ബാങ്ക് വാഗ്ദാനം ചെയ്യുന്നു. ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയുടെ ഇഎംഐ 31,774 രൂപയായിരിക്കും.

7. ഇന്ത്യൻ ബാങ്ക്

വിദ്യാഭ്യാസ വായ്പകൾക്ക് 8.8 ശതമാനം പലിശ ബാങ്ക് ഈടാക്കുന്നു. ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയുടെ ഇഎംഐ 31,976 രൂപയായിരിക്കും.

8. എച്ച്‌ഡിഎഫ്‌സി ബാങ്ക്

9.5 ശതമാനം പലിശ നിരക്കിൽ എച്ച്‌ഡിഎഫ്‌സി ബാങ്ക് വിദ്യാഭ്യാസ വായ്പകൾ വാഗ്ദാനം ചെയ്യുന്നു. ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയുടെ ഇഎംഐ തുക 32,688 രൂപയാകും.

9. ഐസിഐസിഐ ബാങ്ക്

10.25 ശതമാനം മുതൽ പലിശ നിരക്കിൽ വിദ്യാഭ്യാസ വായ്പകൾ ഐസിഐസിഐ ബാങ്ക് നൽകുന്നു. ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയുടെ ഇഎംഐ 33,461 രൂപയായിരിക്കും.

10. ആക്‌സിസ് ബാങ്ക്

13.7 ശതമാനം പലിശ നിരക്കിൽ വിദ്യാഭ്യാസ വായ്പകൾ ബാങ്ക് വാഗ്ദാനം ചെയ്യുന്നു. ഏഴ് വർഷത്തെ കാലാവധിയുള്ള 20 ലക്ഷം രൂപയുടെ വിദ്യാഭ്യാസ വായ്പയുടെ ഇഎംഐ തുക 37,149 രൂപയാകും.