എസ്ബിടി ഓണ്ലൈന് വിദ്യാഭ്യാസവായ്പയ്ക്ക് അപേക്ഷിക്കാന് അവസരമൊരുക്കുന്നു. കേന്ദ്രസര്ക്കാര് ആവിഷ്കരിച്ച വിദ്യാലക്ഷ്മി പോര്ട്ടലുമായി എസ്.ബി.ടി.യുടെ സാങ്കേതികയിടത്തെ കൂട്ടിച്ചേര്ത്താണ് ഈ സൗകര്യം ലഭ്യമാക്കുന്നത്.
വായ്പയ്ക്ക് അപേക്ഷിക്കാനും ട്രാക്ക് ചെയ്യാനും ബാങ്കില്നിന്നുള്ള പ്രതികരണം അറിയാനും ഈ സൈറ്റിലൂടെ സാധിക്കും. ബാങ്കിന്റെ പദ്ധതിയനുസരിച്ച് സമര്പ്പിക്കേണ്ട രേഖകള് സൈറ്റില് അപ്ലോഡ് ചെയ്യാം.സര്ക്കാര് സ്കോളര്ഷിപ്പുകളുടെ വിവരങ്ങളും അപേക്ഷയും ലഭ്യമാക്കുന്ന നാഷണല് സ്കോളര്ഷിപ്പ് പോര്ട്ടലിലേക്കുള്ള ലിങ്കേജ് കൂടിയാണിത്.
അപേക്ഷ സ്വീകരിച്ചാല് വിദ്യാര്ഥികളെ അഭിമുഖത്തിന് ക്ഷണിക്കുകയും മറ്റ് നടപടി സ്വീകരിക്കുകയും ചെയ്യും. ബാങ്കുകളുടെ വിദ്യാഭ്യാസവായ്പ സംബന്ധിച്ചുള്ള അന്വേഷണങ്ങളും പരാതികളും ഇമെയില് വഴി അയയ്ക്കാനും ഈ പോര്ട്ടലിലൂടെ സാധിക്കും.