പുതിയ കമ്പനിയില്‍ ശ്രദ്ധിക്കാന്‍ 5 സാമ്പത്തികകാര്യങ്ങള്‍

പണ്ടത്തെ പോലെയല്ല പുതിയ കാലത്ത് ജോലി മാറ്റം ഒരു ട്രെന്റാണ് . ഒരേ ഓഫീസിലും കമ്പനിയിലും നീണ്ട കാലം ജോലി ചെയുന്ന പതിവെല്ലാം ഇപ്പോള്‍ മാറിക്കൊണ്ടിരിക്കുകയാണ് . ഇഷ്ടമുള്ള ജോലി സാഹചര്യങ്ങള്‍ ,ശമ്പളം, പദവി ഇതൊക്കെ അനുസരിച് ജോലികള്‍ മാറാം . പക്ഷെ പുതിയ ജോലിയില്‍ ചേരുമ്പോള്‍ സാമ്പത്തിക കാര്യങ്ങള്‍ കൂടി ശ്രദ്ധിക്കണം. പ്രത്യേകിച്ച് ശമ്പളക്കൂടുതല്‍ എന്ന കാരണം കൊണ്ടാണ് നിങ്ങള്‍ പുതിയ കമ്പനി തിരഞ്ഞെടുത്തതെങ്കില്‍.

പുതിയ കമ്പനിയില്‍ ചേരുമ്പോള്‍ ഒഴിവാക്കേണ്ട ചില അബദ്ധങ്ങള്‍

സാലറി അക്കൗണ്ട്

പുതിയ ജോലിക്ക് ചേരുമ്പോള്‍ പുതിയ സാലറി അക്കൗണ്ട് തുടങ്ങേണ്ടി വന്നേക്കാം. അപ്പോള്‍ തീര്ച്ചയായും ആദ്യത്തെ സാലറി അക്കൗണ്ട് ക്ലോസ് ചെയ്ത് അത് സവിങ്ങ്‌സ് അക്കൗണ്ട് ആയി മാറ്റാന്‍ ശ്രദ്ധിക്കണം . ആദ്യത്തെ സാലറി അക്കൗണ്ട് ഉള്ള ബാങ്കില്‍ തന്നെയാണ് പുതിയ കമ്പനിയുടെ അക്കൗണ്ടുമെങ്കില്‍ പേടിക്കേണ്ട കാര്യമില്ല. അക്കൗണ്ട് ക്യാന്‍സല്‍ ചെയ്യുകയാണെങ്കില്‍ എല്ലാ സ്റ്റേറ്റ്‌മെന്റുകളുടെയും കോപ്പികളും പാസ് ബുക്കും സൂക്ഷിക്കണം ഇവ പിന്നീടാവശ്യം വന്നേക്കാം

എംപ്ലോയീസ് പ്രോവിഡന്റ് ഫണ്ട്

ഇപിഎഫ്ഒ കൃത്യമായി പൂരിപ്പിക്കണം അതില്‍ കമ്പനിയുടെ ഒപ്പ് ഉണ്ടായിരിക്കാന്‍ പ്രത്യേകം ശ്രദ്ധ ചെലുത്തുക.

നികുതി

സാമ്പത്തിക വര്‍്ഷം അവസാനിക്കാറാവുമ്പോള്‍ രണ്ട് സ്ഥാപനങ്ങളില്‍ നിന്നും ഫോം 16 വാങ്ങി അതിന്റെ അടിസ്ഥാനത്തില്‍ നികുതി കണക്കാക്കി സമര്‍പ്പിക്കണം

ലോണുകള്‍

അഡ്രസ് വ്യത്യാസത്തെപ്പറ്റി ബാങ്കുകളെ അറിയിക്കാന്‍ മറന്നുപോകരുത് . ലോണ്‍ അക്കൗണ്ടുമായി കണക്ട് ചെയ്തിടുള്ള അക്കൗണ്ട് മാറുമ്പോഴും ശ്രദ്ധിക്കണം . ലോണുകളുടെ മാസതവണ കള്‍ മുടങ്ങാതെ നോക്കണം.

ക്രെഡിറ്റ് കാര്‍ഡ്

കൂടുതല്‍ ശമ്പളമുള്ള ജോലിയാണ് പുതിയ ജോലിയെങ്കില്‍ കൂടുതല്‍ ഓഫറുകളുള്ള ക്രെഡിറ്റ് കാര്‍ഡുകള്‍ തിരഞ്ഞെടുക്കാം . ക്രെഡിറ്റ് കാര്‍ഡ് ബാങ്ക് അക്കൗണ്ടുമായി ബന്ധിപ്പിച്ചാല്‍ ഇടപാടുകള്‍ കുറച്ചുംകൂടി എളുപ്പമാകും.

Read in English: 5 Financial Things To Check When You Join A New Company