ട്രെയിൻ യാത്രക്കാർക്ക് കാശ് ലാഭിക്കാം; ടിക്കറ്റ് എടുക്കാൻ ഈ കാർഡ് ഉപയോ​ഗിച്ചാൽ മതി

സ്റ്റേറ്റ് ബാങ്ക് ഓഫ് ഇന്ത്യയും ഐആർസിടിസിയും ചേർന്ന് ട്രെയിൻ യാത്രക്കാർക്ക് വേണ്ടി തയ്യാറാക്കിയ പ്രത്യേക കാർഡാണ് എസ്ബിഐ പ്ലാറ്റിനം കാർഡ്. ഈ കാർഡ് ഉപയോ​ഗിക്കുന്നത് വഴി നിരവധി ആനുകൂല്യങ്ങളാണ് യാത്രക്കാർക്ക് ലഭിക്കുക.

ടിക്കറ്റ് ബുക്കിം​ഗ്

ഐആർസിടിസി വെബ്സൈറ്റ് വഴി എസ്ബിഐ പ്ലാറ്റിനം കാർഡ് ഉപയോ​ഗിച്ച് ടിക്കറ്റുകൾ ബുക്ക് ചെയ്താൽ 10 ശതമാനം വാല്യു ബാക്ക് റിവാർഡ് പോയിന്റായി ലഭിക്കും. കാർഡ് ഉപയോ​ഗിക്കുന്നവർക്ക് 1.8 ശതമാനം ട്രാൻസാക്ഷൻ ചാർജ് ഇളവും ലഭിക്കും. ട്രെയിൻ ടിക്കറ്റിന് പുറമേ വിമാന ടിക്കറ്റുകളും ഐആർസിടിസി വെബ്സൈറ്റ് വഴി ഇളവുകളോടു കൂടി ബുക്ക് ചെയ്യാവുന്നതാണ്.

റിവാർഡ് പോയിന്റ്

കാർഡ് എടുത്ത് 45 ദിവസത്തിനകം 500 രൂപയോ അതിൽ കൂടുതലോ ഉള്ള ഇടപാടുകൾ നടത്തിയാൽ 350 ബോണസ് റിവാർഡ് പോയിന്റുകൾ ലഭിക്കും. ഓരോ 125 രൂപയ്ക്കും ഒരു റിവാർഡ് പോയിന്റ് വീതമാണ് ലഭിക്കുക.

കാർഡിന്റെ ഫീസ്

500 രൂപയാണ് എസ്ബിഐ പ്ലാറ്റിനം കാർഡിന്റെ വാർഷിക ഫീസ്. 300 രൂപ വാർഷിക പുതുക്കൽ ഫീസായും നൽകണം.

ടിക്കറ്റ് ബുക്കിം​ഗ്

ടിക്കറ്റ് ബുക്ക് ചെയ്യുന്നതിനുള്ള നടപടി ക്രമങ്ങൾ ചുവടെ ചേർക്കുന്നു. .

• irctc.co.in എന്ന വെബ്സൈറ്റ് തുറന്ന് രജിസ്റ്റർ ചെയ്യുക.
• യൂസർനെയിമും പാസ്‍വേർഡും നൽകി ലോ​ഗിൻ ചെയ്യുക
• ആവശ്യമായ സീറ്റ് തിരഞ്ഞെടുക്കുക
• പേയ്മെന്റിനായി എസ്ബിഐ കാർഡ് തിരഞ്ഞെടുക്കുക

ഇന്ത്യയ്ക്ക് പുറത്തും ഉപയോ​ഗിക്കാം

ഐആർസിടിസി എസ്ബിഐ പ്ലാറ്റിനം കാർഡ് ആഗോളതലത്തിൽ സ്വീകാര്യമാണ്. അതുകൊണ്ട് തന്നെ ഇന്ത്യയ്ക്ക് പുറത്തും മികച്ച ട്രാവൽ കാർഡായി ഇത് ഉപയോ​ഗിക്കാം. വൈദ്യുതി, ഇൻഷുറൻസ്, ടെലിഫോൺ, മറ്റ് യൂട്ടിലിറ്റി ബില്ലുകൾ എന്നിവയുടെ പേയ്മെന്റുകളും ഈ കാർഡ് ഉപയോ​ഗിച്ച് വളരെ എളുപ്പത്തിൽ നടത്താവുന്നതാണ്.

malayalam.goodreturns.in