വിവാഹ ചെലവിന് ലോൺ എടുക്കും മുമ്പ് അറിഞ്ഞിരിക്കണം ഇക്കാര്യങ്ങൾ; അബദ്ധം പറ്റരുത്

എന്താണ് വിവാഹ വായ്പ?

വിവാഹ വായ്പകൾ വ്യക്തിഗത വായ്പകൾക്ക് സമാനമാണ്. വിവാഹം ആവശ്യം എന്ന കാരണം കാണിച്ച് പേഴ്സണൽ ലോൺ തന്നെ വിവാഹത്തിനു വേണ്ടി എടുക്കാവുന്നതാണ്. എല്ലാ ബാങ്കുകളും ഇത്തരത്തിൽ വിവാഹ വായ്പകൾ വാ​ഗ്ദാനം ചെയ്യുന്നുണ്ട്.

പലിശ നിരക്ക്

എല്ലാ ബാങ്കുകളും വിവാഹ ആവശ്യത്തിനുള്ള വായ്പകൾക്ക് ഉയർന്ന പലിശ നിരക്കാണ് ഈടാക്കുക. സാധാരണഗതിയിൽ വിവാഹ വായ്പയ്ക്ക് ബാധകമായ പലിശനിരക്ക് 11 ശതമാനം മുതൽ ആരംഭിക്കും. എന്നാൽ ഇത് അപേക്ഷകന്റെ ക്രെഡിറ്റ് സ്കോർ, വരുമാന സ്രോതസുകൾ എന്നിവയുടെ അടിസ്ഥാനത്തിൽ 24 മുതൽ 25 ശതമാനം വരെ ഉയർന്നേക്കാം.

പ്രോസസിങ് ഫീസ്

പലിശ നിരക്ക് കൂടാതെ വിവാഹ വായ്പയ്ക്ക് 1 മുതൽ 3 ശതമാനം വരെ പ്രോസസിങ് ഫീസും ബാങ്കുകൾ ഈടാക്കും. ഇതുകൂടാതെ നികുതി ബാധകമാണ്.

തിരിച്ചടവ്

തിരിച്ചടവ് കാലാവധി തിരഞ്ഞെടുക്കുമ്പോൾ പ്രത്യേകം ശ്രദ്ധിക്കണം. എളുപ്പത്തിൽ തിരിച്ചടക്കാൻ കഴിയുന്ന തുക ആയിരിക്കണം പ്രതിമാസ ഗഡുക്കളായി തെരഞ്ഞെടുക്കേണ്ടത്.

ജോയിന്റ് ലോൺ

വിവാഹം കഴിക്കാൻ പോകുന്ന ദമ്പതികൾക്ക് ജോയിന്റായും വായ്പ എടുക്കാവുന്നതാണ്. ഇങ്ങനെ വായ്പ എടുക്കുമ്പോൾ രണ്ട് പങ്കാളികളുടെയും വരുമാന ശേഷി അനുസരിച്ച് ബാങ്കുകൾ ഉയർന്ന തുക വായ്പ നൽകും.

പ്രീ പേയ്മെന്റ് ചാർജുകൾ

മിക്ക ബാങ്കുകളും വിവാഹ വായ്പയ്ക്ക് പ്രീ പേയ്മെന്റ് ചാർജുകൾ ഈടാക്കുന്നതാണ്. കാലാവധി പൂർത്തിയാകും മുമ്പ് ലോൺ അടച്ച് തീർത്താലും ബാങ്കുകൾ അഞ്ച് ശതമാനം പിഴ ഈടാക്കും.