പലിശ നൽകി മുടിയേണ്ട; ഭവന വായ്പയ്ക്ക് ഏറ്റവും കുറഞ്ഞ പലിശ ഈ ബാങ്കുകളിൽ

ഏറ്റവും കൂടുതൽ ആളുകൾ എടുക്കുന്ന വായ്പകളിലൊന്നാണ് ഭവന വായ്പ. ഉയർന്ന വായ്പ തുകയും നീണ്ട തിരിച്ചടവ് കാലാവധിയുമാണ് ഭവന വായ്പകളുടെ പ്രത്യേകത. തുകയ്ക്ക് അനുസരിച്ച് 15 വർഷത്തിലധികം വരെ തിരച്ചടവ് കാലാവധിയുണ്ട് ഭവന വായ്പകൾക്ക്. എന്നാൽ ഉയർന്ന പലിശയാണ് ഭവന വായ്പകളുടെ ഏറ്റവും വലിയ പ്രശ്നം. വായ്പ അവസാനിപ്പിക്കുമ്പോൾ എടുത്ത തുകയുടെ ഇരട്ടി വരെ പലിശയായി നൽകേണ്ടി വരുന്ന അവസ്ഥയുമുണ്ട്.

ജൂണ്‍ മാസത്തിലെ വായ്പാ നയ പ്രഖ്യാപനത്തിൽ റിസര്‍വ് ബാങ്ക് വായ്പകളുടെ പലിശ നിരക്ക് വീണ്ടും കുറയ്ക്കാൻ സാധ്യതയുണ്ടെന്നാണ് വിവരം. പലിശയില്‍ കാല്‍ ശതമാനത്തിന്‍റെ കുറവുണ്ടായേക്കുമെന്നാണ് സൂചന. എന്നാല്‍ ചില സാമ്പത്തിക വിദഗ്ധര്‍ 35 ബേസിസ് പോയിന്‍റ് വരെ കുറവും പ്രവചിച്ചിട്ടുണ്ട്. കഴിഞ്ഞ രണ്ട് വായ്പാ നയ പ്രഖ്യാപത്തിലും പലിശ നിരക്ക് 25 ബേസിസ് പോയിന്റ് കുറച്ചിരുന്നു. നിലവില്‍ ആറ് ശതമാനമാണ് റിപ്പോ നിരക്ക്.

പലിശ നൽകി മുടിയേണ്ട; ഭവന വായ്പയ്ക്ക് ഏറ്റവും കുറഞ്ഞ പലിശ ഈ ബാങ്കുകളിൽ

നിലവിൽ വിവിധ ബാങ്കുകളുടെ പലിശ നിരക്ക് താരതമ്യം ചെയ്യുമ്പോൾ ഏറ്റവും കുറവ് പലിശ നിരക്ക് താഴെ പറയുന്ന ബാങ്കുകളിലാണ്. വിവിധ ബാങ്കുകളും പലിശ നിരക്കും ചുവടെ ചേർക്കുന്നു.
സ്റ്റേറ്റ് ബാങ്ക് ഓഫ് ഇന്ത്യ - 8.55% - 9.40%
സെൻട്ര‌ൽ ബാങ്ക് ഓഫ് ഇന്ത്യ - 8.55% - 9.5%
യൂക്കോ ബാങ്ക് - 8.55% - 11.80%
യുണൈറ്റ‍് ബാങ്ക് ഓഫ് ഇന്ത്യ - 8.60% - 9.10%
കോർപ്പറേഷൻ ബാങ്ക് - 8.60% - 9.25%
അലഹബാദ് ബാങ്ക് - 8.60% - 9.60%
എച്ച്ഡിഎഫ്സി ബാങ്ക് - 8.65% - 9.15%
സിൻഡിക്കേറ്റ് ബാങ്ക് - 8.65% - 9.75​%

 malayalam.goodreturns.in