എസ്ബിഐ വീണ്ടും നിക്ഷേപ പലിശ നിരക്ക് കുറച്ചു; 15 ദിവസത്തിനുള്ളിൽ ഇത് രണ്ടാം തവണ

ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് (എസ്‌ബി‌ഐ) സ്ഥിര നിക്ഷേപ (എഫ്ഡി) പലിശനിരക്ക് വീണ്ടും വെട്ടിക്കുറച്ചു. ഇന്ന് എഫ്ഡി നിരക്ക് 20 മുതൽ 25 ബേസിസ് പോയിൻറ് കുറച്ചതായാണ് ബാങ്ക് അറിയിച്ചിരിക്കുന്നത്. വായ്പാ പലിശ നിരക്കും 10 ബേസിസ് പോയിന്റ് കുറച്ചിട്ടുണ്ട്. പുതിയ പലിശ നിരക്ക് 2019 സെപ്റ്റംബർ 10 മുതൽ പ്രാബല്യത്തിൽ വരും. 15 ദിവസത്തിനിടയിൽ ഇത് രണ്ടാം തവണയാണ് എസ്ബിഐ പലിശ നിരക്കുകൾ കുറയ്ക്കുന്നത്. പുതുക്കിയ പലിശ നിരക്കുകൾ ഇതാ..

ഒരു വർഷത്തിൽ താഴെ

7 ദിവസം മുതൽ 45 ദിവസം വരെ - 4.50%
46 ദിവസം മുതൽ 179 ദിവസം വരെ - 5.50%
180 ദിവസം മുതൽ 210 ദിവസം വരെ - 5.80%
211 ദിവസം മുതൽ 1 വർഷത്തിൽ താഴെ - 5.80%

ഒരു വർഷത്തിനും മൂന്ന് വർഷത്തിനും ഇടയിൽ

1 വർഷത്തിനും 2 വർഷത്തിനും താഴെയുള്ള എഫ്ഡിക്ക് പലിശ നിരക്ക് 20 ബേസിസ് പോയിൻറാണ് കുറച്ചിരിക്കുന്നത്. അതായത് പലിശ നിരക്ക് 6.70 ശതമാനത്തിന് പകരം 6.50 ശതമാനമായി കുറച്ചു. രണ്ട് വർഷത്തിനും മൂന്ന് വർഷത്തിനുമിടയിൽ കാലാവധി പൂർത്തിയാകുന്ന ടേം ഡിപ്പോസിറ്റുകളുടെ പലിശ നിരക്ക് 25 ബേസിസ് പോയിൻ്റാണ് കുറച്ചത്. 2 വർഷത്തിനും 3 വർഷത്തിനും ഇടയിലുള്ള എഫ്ഡിക്ക് എസ്‌ബി‌ഐ ഇനി 6.25 ശതമാനം പലിശയാണ് നൽകുക.

ഫിക്സഡ് ഡിപ്പോസിറ്റ് ഏറ്റവും കൂടുതൽ പലിശ ഏത് ബാങ്കിൽ? എസ്ബിഐയിലോ എച്ച്ഡിഎഫ്സി ബാങ്കിലോ? ഫിക്സഡ് ഡിപ്പോസിറ്റ് ഏറ്റവും കൂടുതൽ പലിശ ഏത് ബാങ്കിൽ? എസ്ബിഐയിലോ എച്ച്ഡിഎഫ്സി ബാങ്കിലോ?

3 വർഷത്തിനും 10 വർഷത്തിനും ഇടയിൽ

ദീർഘകാല എഫ്ഡി നിരക്ക് എസ്ബിഐ മാറ്റമില്ലാതെയാണ് നിലനിർത്തിയിരിക്കുന്നത്. ഈ കാലാവധിയിൽ ഉൾപ്പെടുന്ന നിക്ഷേപങ്ങളുടെ പലിശ നിരക്ക് 6.25 ശതമാനമായി തുടരും.

ബാങ്കിൽ ഫിക്സഡ് ഡിപ്പോസിറ്റുള്ളവർ സൂക്ഷിക്കുക; നിങ്ങൾ ഉടൻ ചെയ്യേണ്ടത് എന്ത്? ബാങ്കിൽ ഫിക്സഡ് ഡിപ്പോസിറ്റുള്ളവർ സൂക്ഷിക്കുക; നിങ്ങൾ ഉടൻ ചെയ്യേണ്ടത് എന്ത്?

മുതിർന്ന പൗരന്മാർക്ക്

മുതിർന്ന പൗരന്മാർക്ക് സാധാരണ എഫ്ഡി പലിശ നിരക്കിനേക്കാൾ 50 ബേസിസ് പോയിന്റുകൾ അധികമായി ലഭിക്കുന്നത് തുടരും. എന്നാൽ മുതിർന്ന പൗരന്മാർക്കും എഫ്ഡി പലിശനിരക്ക് 20-25 ബേസിസ് പോയിൻറ് കുറച്ചിട്ടുണ്ട്. പുതുക്കിയ പലിശ നിരക്ക് ചുവടെ ചേർക്കുന്നു.