Click it and Unblock the Notifications
പല സാമ്പത്തിക സ്ഥിതിയിലുള്ളവരും സമൂഹത്തിലുണ്ട്. താഴെതട്ടിലുള്ള സാമ്പത്തികമായി പുരോഗതിയിലേക്ക് എത്താത്തവര്ക്കായി നിരവധി ക്ഷേമ പദ്ധതികൾ സർക്കാറുകൾ പ്രഖ്യാപിചിട്ടുണ്ട്. ചുരുങ്ങിയ ചെലവവിലും സൗജന്യമായും ലഭ്യമാകുമെന്നതാണ് സർക്കാർ പദ്ധതികളുടെ ഗുണം. ആരോഗ്യ ഇൻഷൂറൻസ്, അപകട ഇൻഷൂറൻസ്. ലൈഫ് ഇൻഷൂറൻസ് തുടങ്ങിയ ഇൻഷൂറൻസുകളും പെൻഷൻ പദ്ധതികളും കേന്ദ്ര സർക്കാർ വിവിധ മന്ത്രാലയങ്ങൾ വഴി നടപ്പിലാക്കുന്നുണ്ട്. ഇത്തരത്തിലുള്ള, സാധാരണക്കാർക്ക് ഉപകാരമാകുന്ന 5 സർക്കാർ പദ്ധതികളാണ് ചുവടെ.
1. പ്രധാനമന്ത്രി ജന്ധന് യോജന
ഇന്ന് കേന്ദ്രസര്ക്കാറിന്റെ എല്ലാ സേവനങ്ങളും നേരിട്ട് ബാങ്ക് അക്കൗണ്ടിലേക്ക് എത്തുന്നവയാണ്. ഇതിന് നിരവധി നേട്ടങ്ങളുള്ള പ്രധാനമന്ത്രി ജന്ധന് യോജന അക്കൗണ്ട് ആരംഭിക്കാം. അക്കൗണ്ടിന് മിനിമം ബാലന്സ് ആവശ്യമില്ല.
അക്കൗണ്ട് ഉടമകള്ക്ക് റൂപേ ഡെബിറ്റ് കാര്ഡ് ലഭിക്കും. റൂപേ കാര്ഡ് വഴി 2 ലക്ഷം രൂപ വരെ അപകട ഇന്ഷൂറന്സും ലഭിക്കും. 10,000 രൂപ വരെ ഓവര് ഡ്രാഫ്റ്റ് സൗകര്യവും പ്രധാനമന്ത്രി ജന്ധന് യോജന അക്കൗണ്ടില് നിന്ന് ലഭിക്കും.
2. ആരോഗ്യ ഇന്ഷൂറന്സ്
കേന്ദ്ര സര്ക്കാറിന്റെ ആരോഗ്യ ഇന്ഷൂറന്സ് പദ്ധതികള് ചെറിയ ചെലവില് ആരോഗ്യ പരിരക്ഷ ലഭിക്കുന്നവയാണ്. പ്രധാനമന്ത്രി ജന് ആരോഗ്യ യോജന, രാഷ്ട്രീയ സ്വാസ്ത ഭീമാ യോജന എന്നിവ പ്രധാന ആരോഗ്യ ഇന്ഷൂറന്സ് പദ്ധതികളാണ്. പ്രധാനമന്ത്രി ജന് ആരോഗ്യ യോജന 30 രൂപയുടെ വാര്ഷിക പ്രീമിയം വഴി ഒരു കുടുംബത്തിന് 5 ലക്ഷം രൂപയുടെ ആരോഗ്യ ഇന്ഷൂന്സ് ലഭിക്കും.
രാഷ്ട്രീയ സ്വാസ്ത ഭീമാ യോജന വഴി ദാരിദ്ര്യ രേഖയ്ക്ക് താഴെയുള്ള കുടുംബങ്ങള്ക്കാണ് ഗുണം ലഭിക്കുക. പദ്ധതി വഴി ആശുപത്രി കിടത്തി ചികിത്സ പണമില്ലാതെ നടക്കും. പ്രീമിയത്തിന്റെ 75 ശതമാനവും സര്ക്കാര് വിഹിതമാണ്.
3. വ്യക്തിഗത അപകട ഇന്ഷൂറന്സ്
പ്രധാനമന്ത്രി സുരക്ഷ ഭീമാ യോജന പ്രകാരം വ്യക്തിഗത അപകട ഇന്ഷൂറന്സ് ലഭിക്കും. 18-72 വയസ് വരെയുള്ളവര്ക്കാണ് ഇന്ഷൂറന്സിന്റെ ഗുണം ലഭിക്കുക. അപകടത്തില് പൂര്ണ അംഗവൈകല്യമോ മരണമോ സംഭവിച്ചാല് 2 ലക്ഷം രൂപ വരെ ലഭിക്കും. ഭാഗിക അംഗവൈകല്യം സംഭവിച്ചാല് 1 ലക്ഷം രൂപയും ലഭിക്കും. പബ്ലിക്ക് സെക്ടര് ജനറല് ഇന്ഷൂറന്സ് കമ്പനികള് വഴിയാണ് പദ്ധതി നടപ്പിലാക്കുന്നത്.
4. ലൈഫ് ഇന്ഷൂറന്സ്
കുടുംബത്തിന്റെ വരുമാന മാര്ഗമായൊരാളുടെ മരണ ശേഷം കുടുംബത്തിന് സുരക്ഷ നല്കുന്നവയാണ് ലൈഫ് ഇന്ഷൂറന്സ് പോളിസികള്. ഇതിന് പ്രധാനമന്ത്രി ജീവന് ജ്യോതി ഭീമാ യോജന തിരഞ്ഞെടുക്കാം. 18 -50 വയസ് വരെയുള്ളവര്ക്ക് പദ്ധതിയില് ചേരാം. 2 ലക്ഷമാണ് പോളിസി തുക.
വാര്ഷിക പ്രീമിയമായ 436 രൂപ ബാങ്ക് അക്കൗണ്ടില് നിന്ന് ഓട്ടോ ഡെബിറ്റാവുകയാണ് ചെയ്യുന്നത്. ജൂണ് 1 മുതല് മേയ് 31 വരെയാണ് പോളിസിയുടെ കാലാവധി. വര്ഷത്തില് പോളിസി പുതുക്കണം, ലൈഫ് ഇന്ഷൂറന്സ് കോര്പ്പറേഷനാണ് പോളിസി നടത്തുന്നത്.
5. പെന്ഷന് സ്കീം
60 വയസ് കഴിഞ്ഞ് ജോലിയില് നിന്ന് വിടുതല് വാങ്ങുന്നൊരാള്ക്ക് പെന്ഷന് പദ്ധതിയാണ് അടല് പെന്ഷന് യോജന. ബാങ്ക് സേവിംഗ്സ് ബാങ്ക് അക്കൗണ്ട്, പോസ്റ്റ് ഓഫീസ് സേവിംഗ്സ് ബാങ്ക് അക്കൗണ്ട് ഉടമകള്ക്ക് അടല് പെന്ഷന് യോജനയില് ചേരാം. 18 വയസ് പൂര്ത്തിയായവര്ക്കും 40 വയസ് കടക്കാത്തവര്ക്കും പദ്ധതിയില് ചേരാം.
1000 രൂപ മുതല് 5000 രൂപ വരെ മാസ പെന്ഷന് ലഭിക്കും. പെന്ഷന് ഉടമയുടെ മരണ ശേഷം പങ്കാളിക്ക് പെന്ഷന് ലഭിക്കും. രണ്ട് പേരുടെയും മരണ ശേഷം അടച്ച തുക അവകാശികള്ക്ക് ലഭിക്കും.
More From GoodReturns
ഇപിഎഫ്ഒ 3.0: പിഎഫ് ക്ലെയിം തീര്പ്പാക്കല് വേഗത്തിലും ലളിതവുമായി, അക്കൗണ്ട് ട്രാന്സ്ഫര് വളരെ എളുപ്പം
ബെംഗളൂരുവില് എല്പിജി പ്രതിസന്ധി രൂക്ഷം; ബ്ലാക്ക് മാര്ക്കറ്റില് വില 5,000 രൂപ, ഹോട്ടലുകള് വില ഉയര്ത്തും
ബെംഗളൂരു: സ്ക്കൂളുകളില് ഹാജരെടുക്കാന് ഇനി എഐ, ബയോമെട്രിക്ക് സംവിധാനം മെയ് മുതല്
എല്പിജി പ്രതിസന്ധി: ഗാര്ഹിക ഉപഭോക്താക്കള് ഇ-കെവൈസി പൂര്ത്തിയാക്കണം: ഘട്ടങ്ങള് ഇതാ
എൽപിജി സിലിണ്ടർ വാട്ട്സ്ആപ്പ് വഴി ബുക്ക് ചെയ്യാം, വളരെ എളുപ്പത്തിൽ കാര്യം കഴിയും, എങ്ങനെ എന്ന് നോക്കാം
കൊച്ചി പഴയ കൊച്ചിയല്ല! റെനോ ഡെസ്റ്റര് തിരിച്ചെത്തുമ്പോള് എതിരാളികള് കൂടി, ഇനി മത്സരം കടുക്കും
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
കേന്ദ്രസര്ക്കാര് ഗ്യാരണ്ടിയുള്ള ചെറു സമ്പാദ്യ പദ്ധതികള്: ആകര്ഷകമായ പലിശ; നിക്ഷേപം പോസ്റ്റ് ഓഫീസ് വഴിയും
പിപിഎഫ് മുതൽ സുകന്യ സമൃദ്ധി വരെ; ചെറുകിട നിക്ഷേപ പദ്ധതികളെക്കുറിച്ച് അറിയേണ്ടതെല്ലാം
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
Sign in with Google