Click it and Unblock the Notifications
എംപ്ലോയീസ് പ്രൊവിഡന്റ് ഫണ്ട് ഉപയോഗിക്കാത്തവരാണെങ്കില് വിരമിക്കല് കാലത്തേക്ക് ഈ തുക ഉപയോഗിക്കാമെന്ന് കരുതുന്നവരാകും ഭൂരിഭാഗവും. ഇന്നത്തെ സാമ്പത്തിക സാഹചര്യത്തില് പിഎഫ് വിഹിതം മാത്രം കൊണ്ട് വിരമിക്കല് കാല ചെലവുകളെ നേരിടാന് സാധിക്കുമോ എന്നത് ചോദ്യമാണ്. വിരമിക്കാന് 15-20 വര്ഷം മുന്നിലുണ്ടെങ്കില് നിങ്ങള്ക്ക് നല്ലൊരു തുക സമ്പാദിക്കാന് സാധിക്കുന്നൊരു നിക്ഷേപത്തെ പറ്റി കൂടി അറിയണം.
പണപ്പെരുപ്പത്തെ മറികടക്കുന്നൊരു ആദായം ലഭിക്കാന് ഇക്വിറ്റിയിലും നിക്ഷേപം ആവശ്യമാണ്. വിരമിക്കല് കാല ഫണ്ടിനായുള്ള തയ്യാറെടുപ്പില് ഇക്വിറ്റി മ്യൂച്വല് ഫണ്ടുകളാണ് ആശ്രയിക്കേണ്ടത്. 15-20 വര്ഷം മുന്നിലുള്ളപ്പോള് ഏത് വിഭാഗം ഫണ്ട് തിരഞ്ഞെടുക്കാം എന്ന് നോക്കാം.
ഏത് തരം ഫണ്ട് വേണം
അധികം റിസ്കെടുക്കാന് താല്പര്യമില്ലാത്തവര്ക്ക് ലാര്ജ്കാപ് ഫണ്ടുകളാണ് ഏറ്റവും അനുയോജ്യം. ഇടത്തരം റിസ്കെടുക്കുന്ന ബാലന്സ്ഡ് നിക്ഷേപകര്ക്ക് ലാര്ജ് കാപ് ഫണ്ട്, ഫ്ളെക്സി കാപ് ഫണ്ട്, മിഡ്കാപ് ഫണ്ട് എന്നി തിരഞ്ഞെടുക്കാം. ലാര്ജ്കാപ് ഫണ്ടുകളില് നിഫ്റ്റി50 ഇന്ഡെക്സ് ഫണ്ടുകളാണ് അനുയോജ്യം. പോര്ട്ട്ഫോളിയോയില് ഫ്ളെക്സി കാപ്, ലാര്ജ്, മിഡ്കാപ് ഫണ്ടുകള് ഒന്നിലധികം ഉണ്ടാകുന്നതാണ് അനുയോജ്യം.
പോര്ട്ട്ഫോളിയോയുടെ 40-50 ശതമാനം നിഫ്റ്റി50 ഇന്ഡെക്സ് ഫണ്ടിലും 50-60 ശതമാനം ഫ്ളെക്സി കാപ്, ലാര്ജ് ആന്്ഡ് മിഡ് കാപ് ഫണ്ടിലേക്കും മാറ്റാം. റിസ്കെടുക്കാന് തയ്യാറായ നിക്ഷേപകര്ക്ക് സ്മോള്കാപ് ഫണ്ടുകളും പോര്ട്ട്ഫോളിയോയില് ഉള്പ്പെടുത്താം. ഇത്തരക്കാര്ക്ക് 30 ശതമാനം ഇന്ഡെക്സ് ഫണ്ടിലേക്കും 30-40 ശതമാനം വീതംഫ്ളെക്സി കാപ് ഫണ്ടിലും മിഡ്കാപ്, സ്മോള്കാപ് ഫണ്ടിലേക്കും മാറ്റാം.
ഫ്ളെക്സി കാപ് ഫണ്ടുകളിൽ നിക്ഷേപിക്കുന്നവർക്ക് മിഡ് കാപ്, സ്മോള് കാപ് ഫണ്ടുകള് ആവശ്യമില്ല. എന്നാല് ദീര്ഘകാലാടിസ്ഥാനത്തില് ഈ ഫണ്ടുകളുടെ ഉയര്ന്ന റിട്ടേണ് സാധ്യത കണക്കിലെടുത്ത് റിസ്കെടുക്കാണൻ താല്പര്യമുള്ള നിക്ഷേപകര്ക്ക് മുകളില് നിര്ദ്ദേശിച്ചതുപോലെ ഈ ഫണ്ട് വിഭാഗങ്ങളില് ഏകദേശം 30 ശതമാനം നിക്ഷേപം നടത്താവുന്നതാണ്.
സൊല്യൂഷൻ ഓറിയന്റഡ് ഫണ്ട്
സെബി അവതരിപ്പിച്ച മ്യൂച്വല് ഫണ്ടുകളുടെ ഒരു പ്രത്യേക വിഭാഗമാണ് സൊല്യൂഷന് ഓറിയന്റഡ് ഫണ്ടുകള്. വിരമിക്കല് പോലുള്ള സാമ്പത്തിക ആസൂത്രണ ലക്ഷ്യങ്ങള് നിറവേറ്റുന്നതിനായാണ് ഈ ഫണ്ട് അവതരിപ്പിച്ചത്. നിക്ഷേപകന്റെ പ്രായത്തിനനുസരിച്ച് ഫണ്ട് മാനേജർമാർ നിക്ഷേപ തന്ത്രം തീരുമാനിക്കും. ഈ സ്കീമുകള്ക്ക് അഞ്ച് വര്ഷത്തെ ലോക്ക്-ഇന് കാലയളവ് ഉണ്ട്.
ലക്ഷ്യത്തിന് അനുസൃതമായ ഫണ്ടുകൾ കണ്ടെത്താമെങ്കിലും പ്രശ്നങ്ങളും ഇവയോടൊപ്പമുണ്ട്. 5 വർഷ ലോക്ക്ഇൻ പിരിയഡുള്ള നിക്ഷേപമാണിത്. ഇതിനാൽ തിരഞ്ഞെടുക്കുന്ന സൊല്യൂഷന് ഓറിയന്റഡ് ഫണ്ടിന്റെ പ്രകടനം മോശമായാല് ലോക്ക്-ഇന് കാലയളവ് അവസാനിക്കുന്നത് വരെ മറ്റ് ഫണ്ടുകളിലേക്ക് മാറാന് കഴിയില്ല. ഇതിനാൽ സൊല്യൂഷൻ ഓറിയന്റഡ് ഫണ്ട് ഒഴിവാക്കി ഓപ്പണ്-എന്ഡ് ഫണ്ടുകളില് നിക്ഷേപിക്കുന്നതാണ് നല്ലത്.
നിക്ഷേപം കൃത്യമായി വിലയിരുത്തുക
റിട്ടയര്മെന്റിനായി ഇക്വിറ്റി ഫണ്ടുകളില് നിക്ഷേപിക്കാന് തുടങ്ങിക്കഴിഞ്ഞാല് പോര്ട്ട്ഫോളിയോ പതിവായി അവലോകനം ചെയ്യുന്നുണ്ടെന്ന് ഉറപ്പാക്കേണ്ടതുണ്ട്. ഇന്ഡെക്സ് ഫണ്ടുകള്ക്ക് കുറച്ച് ശ്രദ്ധ ആവശ്യമാണ്, ഫ്ലെക്സി-ക്യാപ്, മിഡ്-ക്യാപ് തുടങ്ങിയ സജീവ ഫണ്ട് വിഭാഗങ്ങള്ക്ക് പതിവ് അവലോകനം ആവശ്യമാണ്. തിരഞ്ഞെടുത്ത ഫണ്ടുകള് ദീര്ഘകാലത്തേക്ക് (1-2 വര്ഷം പോലെ) നല്ല രീതിയില് പ്രവര്ത്തിക്കുന്നില്ലെങ്കില് ഇവ ഒഴിവാക്കി പുതിയവ തിരഞ്ഞെടുക്കണം. ഇതിനാൽ വര്ഷത്തില് ഒരിക്കലെങ്കിലും റിട്ടയര്മെന്റ് പോര്ട്ട്ഫോളിയോ അവലോകനം ചെയ്യേണ്ടതുണ്ട്.
അറിയിപ്പ്
മുകളില് കൊടുത്തിരിക്കുന്ന ലേഖനം പഠനാവശ്യത്തിന് നല്കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് എടുക്കും മുന്പ് സാമ്പത്തിക വിദഗ്ധന്റെ നിര്ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭനഷ്ടങ്ങള്ക്ക് ഗ്രേനിയം ഇന്ഫര്മേഷന് ടെക്നോളജീസും ലേഖകനും ഉത്തരവാദികളല്ല.
More From GoodReturns
കോടികളുടെ കരാർ പെട്ടിയിൽ, കൊച്ചിൻ ഷിപ്പ്യാർഡ് ഓഹരി കുതിക്കുമോ..? ബ്രോക്കറേജ് വിലയിരുത്തൽ അറിയാം
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
സ്ത്രീകൾക്ക് സൗജന്യ ബസ് യാത്രയ്ക്കായി ഡൽഹി പിങ്ക് സഹേലി സ്മാർട്ട് കാർഡ് പുറത്തിറക്കി
Sign in with Google