Just In
-
-
-
-
Don't Miss
-
ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ -
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പിഎം കിസ്സാന്‍ സമ്മാന്‍ നിധിയുടെ എട്ടാം ഗഢു കൂടി വിതരണം ചെയ്തു കഴിഞ്ഞ ഈ സാഹചര്യത്തില്‍ രാജ്യത്തെ കര്‍ഷകര്‍ കിസ്സാന്‍ ക്രെഡിറ്റ് കാര്‍ഡ് പദ്ധതിയെക്കുറിച്ചു കൂടി അറിഞ്ഞിരിക്കേണ്ടതുണ്ട്.
പിഎം കിസ്സാന്‍ സമ്മാന്‍ നിധി യോജനയുമായി ബന്ധിപ്പിച്ചിട്ടുള്ളതാണ് കിസ്സാന്‍ ക്രെഡിറ്റ് കാര്‍ഡ് പദ്ധതി. രാജ്യത്തെ 2.5 കോടിയോളം കര്‍ഷകര്‍ക്കാണ് മോഡി സര്‍ക്കാര്‍ കിസ്സാന്‍ ക്രെഡിറ്റ് കാര്‍ഡ് നല്‍കുമെന്ന് പ്രഖ്യാപിച്ചിരിക്കുന്നത്.
കിസ്സാന്‍ ക്രെഡിറ്റ് കാര്‍ഡ് പിഎം കിസ്സാന്‍ യോജനയുമായി ബന്ധിപ്പിച്ചിരിക്കുന്നതിനാല്‍ കര്‍ഷകര്‍ കെവൈസി നല്‍കേണ്ട ആവശ്യമില്ല. കിസ്സാന്‍ ക്രെഡിറ്റ് കാര്‍ഡ് ലഭിക്കുന്നതിനുള്ള ഒരു പേജുള്ള ഫോറം മാത്രം പൂരിപ്പിച്ചു നല്‍കിയാല്‍ മതിയാകും. pmkisan.gov.in എന്ന വെബ്‌സൈറ്റില്‍ നിന്നും ഈ ഫോറം ഡൗണ്‍ലോഡ് ചെയ്‌തെടുക്കാവുന്നതാണ്.
കിസ്സാന്‍ ക്രെഡിറ്റ് കാര്‍ഡിനായി അപേക്ഷിക്കുന്ന വ്യക്തിയ്ക്ക് 18 വയസ്സ് പൂര്‍ത്തിയായിരിക്കണം. പരമാവധി പ്രായം 75 വയസ്സാണ്. 60 വയസ്സിന് മുകളില്‍ പ്രായമുള്ള കര്‍ഷകര്‍ കിസ്സാന്‍ ക്രെഡിറ്റ് കാര്‍ഡിനായി അപേക്ഷിക്കുമ്പോള്‍ ഒരു സഹ അപേക്ഷകന്‍ കൂടെ ഉണ്ടായിരിക്കേണ്ടതുണ്ട്.
കിസ്സാന്‍ ക്രെഡിറ്റ് കാര്‍ഡ് പ്രകാരം ഒരു കര്‍ഷകന് കൃഷി ചെയ്യുന്നതിനായി 3 ലക്ഷം രൂപ വരെ വായ്പ ലഭിക്കും. 4 ശതമാനം പലിശ നിരക്കോടെയാണ് ഈ തുക കര്‍ഷകന് നല്‍കുക. കൃഷിക്കാര്‍ക്ക് പുറമേ മൃഗപരിപാലനം നടത്തുന്നവര്‍ക്കും, മത്സ്യകൃഷി നടത്തുന്ന വ്യക്തികള്‍ക്കും കിസ്സാന്‍ ക്രെഡിറ്റ് കാര്‍ഡിന് കീഴില്‍ കാര്‍ഷിക വായ്പയ്ക്കായി അപേക്ഷിക്കുവാന്‍ സാധിക്കും. അപേക്ഷകന്റെ പേരില്‍ കൃഷി ഭൂമി സ്വന്തമായി വേണമെന്ന് നിര്‍ബന്ധമില്ല. മൃഗപരിപാലനം നടത്തുന്നവര്‍ക്കും, മത്സ്യകൃഷി നടത്തുന്നവര്‍ക്കും 4 ശതമാനം പലിശ നിരക്കില്‍ 2 ലക്ഷം രൂപ വരെയാണ് വായ്പ ലഭിക്കുക.
രാജ്യത്തെ കര്‍ഷകര്‍ക്ക് സാമ്പത്തീക സഹായം നല്‍കുനനതിനുള്ള കേന്ദ്ര സര്‍ക്കാര്‍ പദ്ധതിയാണ് പ്രധാന്‍ മന്ത്രി കിസ്സാന്‍ സമ്മാന്‍ നിധി യോജന. പ്രതിവര്‍ഷം 6,000 രൂപയാണ് പദ്ധതി പ്രകാരം ഗുണഭോക്താക്കളായ കര്‍ഷകര്‍ക്ക് ലഭിക്കുക.
