Click it and Unblock the Notifications
സ്ഥിര നിക്ഷേപങ്ങൾക്ക് 8% ത്തിന് മുകളിൽ പലിശ നേടാം; മികച്ച പലിശ നൽകുന്ന 10 ബാങ്കുകളിതാ
സ്ഥിര നിക്ഷേപത്തെ ആശ്രയിക്കുന്നവർക്കുള്ള സന്തോഷ വാർത്തയായിരുന്നു റിപ്പോ നിരക്കുയർത്തിയത്. റിസർവ് ബാങ്ക് ഓഫ് ഇന്ത്യ 2022 മേയ് മുതൽ റിപ്പോ നിരക്കുയർത്താൻ തുടങ്ങിയതോടെ ഇതിന് അനുസരിച്ചുള്ള വർധനവ് സ്ഥിര നിക്ഷേപങ്ങളിലും കാണാം.
ആറ് തവണകളിലായി 250 അടിസ്ഥാന നിരക്കാണ് ആർബിഐ റിപ്പോ നിരക്കിൽ വർധിപ്പിച്ചത്. റിപ്പോ നിരക്ക് 4 ശതമാനമായിരുന്ന മേയിൽ 5.50 ശതമാനമായിരുന്നു സ്ഥിര നിക്ഷേപ പലിശ നിരക്ക് 7.50- 8.00 ശതമാനം തോതിലേക്ക് ഉയർന്നു.
ബാങ്കുകൾ നിക്ഷേപ പലിശ നിരക്ക് തുടർച്ചയായി വർധിക്കുന്നതിനാൽ പല ബാങ്കുകളും 8 ശതമാനത്തിന് മുകളിൽ പലിശ നിരക്കെത്തി. 2 കോടിക്ക് താഴെയുള്ള സ്ഥിര നിക്ഷേപങ്ങൾക്ക് മികച്ച പലിശ നിരക്ക് നൽകുന്ന 10 ബാങ്കുകളെയാണ് ചുവടെ വിശദമാക്കുന്നത്.
8 ശതമാനത്തിന് മുകളിൽ പലിശ
സ്വകാര്യ ബാങ്കായ ബന്ഡന് ബാങ്കില് 3 ശതമാനം മുതല് 8 ശതമാനം വരെ പലിശ സാധാരണ നിക്ഷേപകര്ക്ക് ലഭിക്കും. മുതിര്ന്ന പൗരന്മാര്ക്ക് 3.75 ശതമാനം മുതല് 8.50 ശതമാനം പലിശ ലഭിക്കും.
ആര്ബിഎല് ബാങ്കില് മുതിര്ന്ന പൗരന്മാര്ക്ക് 8.30 ശതമാനം വരെ പലിശ ലഭിക്കും. സാധാരണ നിക്ഷേപകര്ക്ക് 3.25 ശതമാനം മുതല് 7.80 ശതമാനം വരെയാണ് പലിശ നിരക്ക്.
ഐഡിഎഫ്സി ഫസ്റ്റ് ബാങ്ക് 3.50 ശതമാനം മുതല് 7.50 ശതമാനം വരെ സാധാരണ നിക്ഷേപകരുടെ സ്ഥിരനിക്ഷേപത്തിന് പലിശ നല്കുന്നു. മുതിര്ന്ന പൗരന്മാര്ക്ക് 4 ശതമാനം മുതല് 8.25 ശതമാനം വരെ പലിശ ലഭിക്കും.
ഇന്ഡസ്ഇന്ഡ് ബാങ്കില് സാധാരണ നിക്ഷേപകർക്ക് പരമാവധി 7.75 ശതമാനവും മുതിര്ന്ന പൗരന്മാര്ക്ക് 8.25 ശതമാനം പലിശയും ലഭിക്കും. 1 വര്ഷം മുതല് 3 വര്ഷം 3 മാസത്തേക്കാണ് ഈ പലിശ നിരക്ക് ലഭിക്കുന്നത്.
8 ശതമാനം പലിശ
ആക്സിസ് ബാങ്കില് സാധാരണ നിക്ഷേപകര്ക്ക് 3.50 ശതമാനം മുതല് 7.26 ശതമാനം വരെ പലിശ നല്കുന്നു. മുതിര്ന്ന പൗരന്മാര്ക്ക് 8.01 ശതമാനം വരെ പലിശ ലഭിക്കും.
എച്ച്ഡിഎഫ്സി ബാങ്ക് പുതുതായി അവതരിപ്പിച്ച മുതിർന്ന പൗരന്മാർക്ക് മാത്രമുള്ള ഡയമണ്ട് ഡെപ്പോസിറ്റ് സ്കീം പ്രകാരം 75 ദിവസത്തേക്ക് 8 ശതമാനം പലിശ ലഭിക്കും. സാധാരണ നിക്ഷേപകര്ക്ക് പരമാവധി ലഭിക്കുന്നത് 7.10 ശതമാനം പലിശയാണ്.
8 ശതമാനത്തിൽ താഴെ
കരൂര് വൈശ്യ ബാങ്കില് 555 ദിവസത്തെ സ്ഥിര നിക്ഷേപത്തിന് 7.25 ശതമാനം പലിശ സാധാരണ നിക്ഷേപകര്ക്കും 7.71 ശതമാനം പലിശ മുതിര്ന്ന പൗരന്മാര്ക്കും ലഭിക്കും.
ഐസിഐസിഐ ബാങ്ക് സാധാരണ നിക്ഷേപകര്ക്ക് 7.10 ശതമാനവും മുതിര്ന്ന പൗരന്മാര്ക്ക് 7.60 ശതമാനം പലിശയുമാണ് പരമാവധി നല്കുന്നത്. 15 മാസം മുതല് 2 വര്ഷത്തേക്കുള്ള നിക്ഷേപത്തിനാണ് ഈ പലിശ നിരക്ക് ലഭിക്കുന്നത്.
കൊട്ടക് മഹീന്ദ്ര ബാങ്ക് സാധാരണ നമിക്ഷേപകര്ക്ക് 7 .20 ശതമാനവും മുതിര്ന്ന പൗരന്മാർക്ക 7.70 ശതമാനം പലിശയും നല്കുന്നു. 390 ദിവസം മുതൽ 23 മാസത്തേക്കുള്ള നിക്ഷേപങ്ങള്ക്കാണ് ഈ നിരക്ക്.
ഇന്ത്യന് ഓവര്സീസ് ബാങ്ക് സാധാരണ നിക്ഷേപകര്ക്ക് 4.50 ശതമാനം മുതല് 7 ശതമാനം വരെയും മുതിര്ന്ന പൗരന്മാര്ക്ക് 5 ശതമാനം മുതല് 7.50 ശതമാനം വരെയും പലിശ നല്കും.
Sign in with Google