BSNL Silver Jubilee Plan: വെറും 225 രൂപയ്ക്ക് ബിഎസ്എൻഎൽ ഇത്തവണ ഞെട്ടിക്കും, ഓഫറുകളുമായി ജൂബിലി പ്ലാൻ വരുന്നു

ഇത്തവണ 25ാം വാർഷികം ആഘോഷിക്കുന്ന ബിഎസ്എൻഎൽ വമ്പൻ ഓഫറുകളാണ് ഉപയോക്താക്കൾക്കായി കരുതി വെച്ചിരിക്കുന്നത്. പരിധിയില്ലാത്ത കോളിംഗ്, അതിവേഗ ഡാറ്റ, സൗജന്യ എസ്എംഎസ് തുടങ്ങിയ നിരവധി ആകർഷകമായ ആനുകൂല്യങ്ങളോടെ പുതിയ സിൽവർ ജൂബിലി പ്രീപെയ്ഡ് പ്ലാൻ അവതരിപ്പിച്ചിരിക്കുകയാണ് ബിഎസ്എൻഎൽ. ഇത് രാജ്യത്തുടനീളമുള്ള ഉപയോക്താക്കൾക്ക് സന്തോഷ വാർത്തയാണ്.

കഴിഞ്ഞ ഒരു വർഷത്തോളമായി ഉപയോക്താക്കൾക്ക് കിടിലൻ പ്ലാനുകളായിരുന്നു ബിഎസ്എൻഎൽ അവതരിപ്പിച്ചത്. ഇത് വരിക്കാരുടെ എണ്ണം വർദ്ധിക്കുന്നതിനും കാരണമായിട്ടുണ്ട്. മാത്രമല്ല കമ്പനിക്കും നേട്ടം ഉണ്ടായിട്ടുണ്ട്. മതിയായ ഓഫറുകളില്ല, റേഞ്ചില്ല, ആകർഷകമായ പ്ലാനുകളില്ല തുടങ്ങി നിരവധി പരാതികൾ ഉണ്ടായിരുന്നു ബിഎസ്എൻഎൽ ഇപ്പോൾ മറ്റു കമ്പനികൾക്ക് ഒരു വെല്ലുവിളിയായി മാറുന്നു.

225 രൂപയുടെ സിൽവർ ജൂബിലി പ്ലാൻ

പുതിയ സിൽവർ ജൂബിലി പ്ലാൻ 225 രൂപയ്ക്കാണ് ഉപയോക്താക്കൾക്ക് ലഭിക്കുന്നത്. പരിധിയില്ലാത്ത വോയ്‌സ് കോളിംഗ്, സൗജന്യ നാഷണൽ റോമിംഗ്, പ്രതിദിനം 100 സൗജന്യ എസ്എംഎസ് തുടങ്ങിയ ആനുകൂല്യങ്ങൾ ഈ പ്ലാനിലൂടെ സ്വന്തമാക്കാം. പ്രതിദിനം 2.5 ജിബി അതിവേഗ ഡാറ്റയും ഉറപ്പാക്കാം. ഇത് കഴിയുമ്പോൾ ഡാറ്റയുടെ വേ​ഗത കുറയുമെങ്കിലും ഡാറ്റ ഉപയോ​ഗിക്കാം.

പ്ലാൻ റീചാർജ് ചെയ്താൽ BiTV സൗജന്യമായി ഉപയോ​ഗിക്കാം. ഇതിനു പുറമേ നിരവധി ഒടിടി പ്ലാറ്റ്ഫോമുകൾ ഉപയോ​ഗിക്കാനും സാധിക്കും. 350+ ലൈവ് ടിവി ചാനലുകളും ഈ പ്ലാനിൽ ഉൾക്കൊള്ളുന്നുണ്ട്. 30 ദിവസത്തേക്കാണ് ഈ പ്ലാനിൻ്റെ കാലാവധി. ഇത്രയും മികച്ച ഓഫറുകൾ വാ​ഗ്ദാനം ചെയ്യുമ്പോൾ ഉപയോക്താക്കൾ കൂടുതലായി ഈ പ്ലാൻ റീചാർജ് ചെയ്യാൻ താത്പര്യപ്പെടുമെന്നതിൽ സംശയമില്ല. മാത്രമല്ല നിരവധി പേർ മറ്റു ടെലികോം കമ്പനികളിൽ നിന്നും ബിഎസ്എൻഎൽ തിരഞ്ഞെടുക്കാനും തുടങ്ങിയിരിക്കുന്നു.

1 രൂപ പ്ലാൻ അവസാനിച്ചു

ബി‌എസ്‌എൻ‌എല്ലിന്റെ ജനപ്രിയ പ്ലാനായിരുന്നു 1 രൂപ റീചാർജ് പ്ലാൻ. ഈ പ്ലാൻ അവസാനിക്കുന്നു എന്നത് ഉപയോക്താക്കൾക്കിടയിൽ ഏറെ ചർച്ച ചെയ്യപ്പെടുന്നുണ്ട്. നവംബർ 18 നാളെ വരെയാണ് ഈ പ്ലാനിന്റെ കാലാവധിയുണ്ടായിരിക്കുക. ഈ ശ്രദ്ധേയ പ്ലാൻ അവസാനിക്കുമ്പോഴാണ് പുതിയ ഓഫറുകൾ എത്തുന്നത്.

1 രൂപ പ്ലാനിൻ്റെ പ്രത്യേകത;

• 30 ദിവസത്തെ കാലാവധിയുള്ള പ്ലാൻ
• പരിധിയില്ലാത്ത വോയ്‌സ് കോളുകൾ
• പ്രതിദിനം 2 ജിബി അതിവേഗ ഡാറ്റ
• ദിവസേന 100 SMS
• നാഷണൽ റോമിംഗ് സൗജന്യമായിരിക്കും

‍8th Pay Commission: സർക്കാർ ജീവനക്കാരുടെ ഡിഎ വർദ്ധനവും ആനുകൂല്യങ്ങളും മുടങ്ങും- കാരണം ഇതാണ്

ഈ പ്ലാനിലൂടെ നിരവധി വരിക്കാരാണ് ബിഎസ്എൻഎൽ സ്വന്തമാക്കിയത്. സ്വകാര്യ ടെലികോം കമ്പനികളെ അപേക്ഷിച്ച് മികച്ച ഓഫറുകളാണ് ബിഎസ്എൻഎൽ വാ​ഗ്ദാനം ചെയ്യുന്നത്. കുറഞ്ഞ ബഡ്ജറ്റിൽ കൂടുതൽ നേട്ടം ലഭിക്കുമ്പോൾ ഉപയോക്താക്കൾക്ക് അത്തരം പ്ലാനുകൾ വീണ്ടും സ്വന്തമാക്കാൻ താത്പര്യം വർദ്ധിക്കും. കൂടുതൽ ഡാറ്റയും ഒപ്പം ഒടിടി പ്ലാറ്റ്ഫോമുകളുടെ സാന്നിധ്യവുമെല്ലാം ആളുകളെ ആകർഷിക്കുന്ന ഘടകങ്ങളാണ്. നിങ്ങളും റീചാർജ് ചെയ്തോ?

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.