Just In
-
-
-
-
Don't Miss
-
ലോക്സഭ തിരഞ്ഞെടുപ്പ് 2024 ഒന്നാം ഘട്ടം Live: 102 മണ്ഡലങ്ങള് ബൂത്തിലേക്ക്; ബിജെപിക്ക് നിര്ണായകം -
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പണത്തിന് ആവശ്യമില്ലാത്തവരായി ആരും തന്നെയില്ല. ഇതിനാൽ അന്നന്നത്തെ ചെലവുകൾക്കൊപ്പം ഭാവി കാര്യങ്ങൾക്ക് കൂടി പണം കണ്ടത്തേണ്ടതുണ്ട്. മുന്നിലുള്ളൊരു ആവശ്യത്തിന് നിക്ഷേപം തുടങ്ങുക എന്നത് പലപ്പോഴും ശരിയായൊരു തീരുമാനമാകാറില്ല. പെട്ടന്ന് പണം ആവശ്യമായി വരുന്ന സമയത്ത് ചിട്ടികൾ ഉപകാരപ്പെടാറുണ്ട്. ഇത്തരത്തിൽ സാധാരണക്കാരന്റെ കീശയ്ക്ക് ഭാരമാകാത്ത മാസ അടവിൽ ലക്ഷങ്ങൾ നേടാൻ സാധിക്കുന്നൊരു കെഎസ്എഫ്ഇ ചിട്ടിയാണ് ഈ ലേഖനത്തിൽ പരിചയപ്പെടുത്തുന്നത്.
ചിട്ടി വിശദാംശം
6000 രൂപ മാസ അടവുള്ള 120 മാസ കാലയളവിലുള്ള 7.20 ലക്ഷത്തിന്റെ മള്‍ട്ടി ഡിവിഷന്‍ ചിട്ടിയാണിത്. സാധാരണക്കാർക്ക് ബജറ്റിന് അനുസരിച്ചുള്ള മാസ അടവ് സാധിക്കുന്നൊരു ചിട്ടിയാണിത്. ആദ്യ മാസം 6,000 രൂപയും ചിട്ടി പരമാവധി ലേല കിഴിവിൽ പോകുന്ന മാസങ്ങളിൽ 4,425 രൂപയുമാണ് മാസ അടവ് വരുന്നത്. മാസത്തിൽ 6,000 രൂപയ്ക്കും 4,425 രൂപയ്ക്കും ഇടയിൽ മാസ അടവ് സാധിക്കുന്നവർക്ക് തിരഞ്ഞെടുക്കാവുന്ന മൾട്ടി ഡിവിഷഴ ചിട്ടായണിത്.
ലേലവും നറുക്കും
മൾട്ടി ഡിവിഷൻ ചിട്ടിയായതിനാൽ മൂന്ന് ലേലവും ഒരു നറുക്കും ഉൾപ്പടെ നാല് അവസരമാണ് മാസത്തിൽ ലഭിക്കുന്നത്. മാസത്തിൽ ഒരു ചിട്ടി വരിക്കാരന് നറുക്കിലൂടെ 6.84 ലക്ഷം രൂപയാണ് ലഭിക്കുന്നത്. 40 ശതമാനം വരെ ലേല കിഴിവിൽ മൂന്ന് ലേലങ്ങളും നടക്കും. പരമാവധി ലേല കിഴിവിൽ 4.32 ലക്ഷം രൂപ വരെയാണ് ചിട്ടി വിളിക്കാൻ സാധിക്കുക. ഈ തുകയിൽ നിന്ന് ജിഎസ്ടി, ഡോക്യുമെന്റേഷൻ ചാർജ് എന്നിവ കുറയും.
ലേല കിഴിവ്
7.20 ലക്ഷം രൂപയുടെ ഈ മൾട്ടി ഡിവിഷൻ ചിട്ടിയിൽ നിന്ന് ലഭിക്കുന്ന ആകെ ലേല കിഴിവ് 90,000 രൂപ മുതല്‍ 1.20 ലക്ഷം രൂപ വരെ ആയിരിക്കാം. ഇത് ചിട്ടിയിൽ ചേരുന്നവരുടെ ആവശ്യകതയെ ആശ്രയിച്ചിരിക്കും. 40 മാസ വരെ താഴ്ന്ന് പോയാല്‍ അധിക ലാഭം നേടാം.
മാസത്തിൽ ചിട്ടിയിൽ നിന്ന് ലഭിക്കുന്ന പരമാവധി ലേല കിഴിവ് 1575 രൂപയാണ്. ഈ തുക കിഴിച്ചാണ് 40-45 മാസം വരെ മാസ തവണ അടയ്ക്കേണ്ടത്. ഇത്തരത്തിലാണ് ലാഭ വിഹിതം കണക്കാക്കുന്നത്.
എപ്പോൾ ലേലം വിളിക്കാം
അത്യാവശ്യക്കാർ മാത്രമെ പരമാവധി ലേല കിഴിവിൽ ചിട്ടി വിളിക്കേണ്ടതുള്ളൂ. ചിട്ടി ലേലം വിളി ആരംഭിച്ചാൽ കുറഞ്ഞ ലേല കിഴിവിൽ ചിട്ടി വിളിക്കാൻ സാധിക്കും. ഇതോടൊപ്പം നറുക്ക് ലഭിക്കാനുള്ള സാധ്യതയുമുണ്ട്. ആവശ്യമാ സമയത്ത് ലേലം വിളിച്ചെടുക്കുന്നവർക്ക് തുക ജാമ്യം നൽകി പിൻവലിക്കാനോ സ്ഥിര നിക്ഷേപമിടാനോ സാധിക്കും.
നിലവിൽ 8 ശതമാനം പലിശ ചിട്ടി സ്ഥിര നിക്ഷേപത്തിന് ലഭിക്കുന്നുണ്ട്. 6.80 ലക്ഷം രൂപ ആദ്യ മാസത്തിൽ നറുക്ക് ലഭിക്കുന്ന വ്യക്തിക്ക് ഒരു മാസത്തിൽ 4,533 രൂപ പലിശയായി ലഭിക്കും.
ജാമ്യം കരുതി വെയ്ക്കുക
ആവശ്യമായ സമയത്ത് ചിട്ടി ലേലം വിളിച്ച് പണം പിൻവലിക്കാൻ മേൽ ബാധ്യതയ്ക്ക് തക്കതായ ജാമ്യം നൽകേണ്ടതുണ്ട്. ഇതിനാൽ കെഎസ്എഫ്ഇയുടെ ജാമ്യ വ്യവസ്ഥ കൃത്യമായി മനസിലാക്കുക. സാമ്പത്തിക രേഖകൾ, വ്യക്തിഗത ജാമ്യം, സ്വർണം, വസ്തു ജാമ്യം എന്നിങ്ങനെ നാല് വിഭാഗം ജാമ്യങ്ങളാണ് കെഎസ്എഫ്ഇ സ്വീകരിക്കുന്നത്. ഒറ്റ ജാമ്യമായോ ഒന്നിലധികം ജാമ്യങ്ങൾ ചേർത്തോ നൽകാനാകും.
എവിടെ ലഭിക്കും ചിട്ടി
എറണാകുളം ജില്ലയിലെ പള്ളുരുത്തി ബ്രാഞ്ചിലാണ് ഈ ചിട്ടി ആരംഭിക്കുന്നത്. ഏകദേശം 2023 ഏപ്രില്‍ 12 ഓടെ ചിട്ടി ആരംഭിക്കുമെന്നാണ് കെഎസ്എഫ്ഇ വെബ്‌സൈറ്റില്‍ പറയുന്നത്. ഇതോടൊപ്പം 25,000 രൂപ മാസ അടവുള്ള 40 മാസ കാലയളവുള്ള ഹ്രസ്വകാല ചിട്ടിയും ഇതേ ബ്രാഞ്ചില്‍ ആരംഭിക്കുന്നുണ്ട്. ഫെബ്രുവരി 22-നാണ് ഈ ചിട്ടി ആരംഭിക്കുന്നത്.
ഈ ചിട്ടികളില്‍ ജനുവരി 31ന് മുന്‍പ് ചേരുന്നവര്‍ക്ക് സ്മാര്‍ട്ട ഭദ്രത ചിട്ടിയുടെ ഭാഗമായി 1 കോടി രൂപയുടെ സമ്മാനങ്ങള്‍ നേടാനുള്ള അവസരമുണ്ട്.
