നിങ്ങളുടെ ആധാറിൽ എത്ര സിം കാർഡുണ്ട്? ആരെങ്കിലും ആധാർ ദുരുപയോ​ഗം ചെയ്തോ? കണ്ടുപിടിക്കാം

ആധാർ കാർഡ് ഉപയോ​ഗിച്ച് നിരവധി തട്ടിപ്പുകൾ നടക്കുന്നുണ്ട്. എന്നാൽ ഇതിൽ അകപ്പെടുന്നത് പലപ്പോഴും സാധാരണക്കാരായ ആളുകളായിരിക്കും. തട്ടിപ്പു നടത്തുന്നവർ എപ്പോഴും ഒന്നിലധികം സിം ഉപയോ​ഗിക്കുന്നു. ഈ സിം മറ്റുള്ളവരുടെ ആധാർ കാർഡ് ഉപയോ​ഗിച്ചാണ് പലപ്പോഴും എടുക്കുന്നത്. കുറ്റകൃത്യങ്ങൾ നടത്തുന്നതിനായി ആധാർ കാർഡ് വിവരങ്ങൾ ദുരുപയോ​ഗം ചെയ്ത നിരവധി കേസുകളുണ്ട്. നിങ്ങളുടെ ആധാർ കാർഡിൽ എത്ര സിം ഉണ്ട്? ഇത് എങ്ങനെ കണ്ടെത്താം? വിശദമായി അറിയാം;

ആധാറിൽ ഒന്നിലധികം സിം ഉണ്ടോ?

നിങ്ങളുടെ ആധാ‍ർ ഉപയോ​ഗിച്ച് 9 സിം കാർഡുകൾ വരെ കൈവശം വെക്കാൻ സാധിക്കും. അതിനാൽ തന്നെ ഇത് ദുരുപയോ​ഗം ചെയ്യാനുള്ള സാധ്യതയും കൂടുതലാണ്. വ്യാജ സിം കാർഡിനായി നിങ്ങളുടെ ആധാർ വിവരങ്ങൾ ഉപയോ​ഗിച്ചോ ഇല്ലയോ എന്നറിയാൻ വഴിയുണ്ട്. അതിന് നിങ്ങൾക്ക് കേന്ദ്ര സർക്കാരിന്റെ സഞ്ചാർ സാത്തി വെബ്‌സൈറ്റ് സന്ദർശിക്കാം. ഇവിടെ നിങ്ങളുടെ ആധാർ കാർഡിൽ നൽകിയിട്ടുള്ള എല്ലാ സിം കാർഡുകളുടെയും വിവരങ്ങൾ കാണിക്കും. ഈ വെബ്സൈറ്റിലൂടെ നിങ്ങളുടെ ആധാർ കാർഡിൽ എത്ര സിം കാർഡുണ്ടെന്ന് എങ്ങനെ പരിശോധിക്കാം?

• ആദ്യം സഞ്ചാർ സാത്തിയുടെ ഔദ്യോഗിക വെബ്‌സൈറ്റ് https://sancharsaathi.gov.in/ സന്ദർശിക്കുക.
• നിങ്ങളുടെ മൊബൈൽ നമ്പർ ഉപയോഗിച്ച് വെബ്‌സൈറ്റിൽ ലോഗിൻ ചെയ്യുക.
• ശേഷം ലഭിച്ച ഒടിപി നൽകി സബ്മിറ്റ് ബട്ടൺ ക്ലിക്കുചെയ്യുക.
• രജിസ്റ്റർ ചെയ്തുകഴിഞ്ഞാൽ, നിങ്ങളുടെ ആധാർ കാർഡിൽ രജിസ്റ്റർ ചെയ്തിട്ടുള്ള എല്ലാ മൊബൈൽ നമ്പറുകളും അതിൽ കാണാം.

നിങ്ങൾക്ക് ഇപ്പോൾ ആവശ്യമില്ലാത്തതോ സ്ഥിരീകരിക്കാത്തതോ ആയ മൊബൈൽ കണക്ഷനുകൾ നിങ്ങളുടെ ആധാർ കാർഡിലുണ്ടെങ്കിൽ അവ റിപ്പോർട്ട് ചെയ്യാൻ കഴിയും. എങ്ങനെയെന്ന് അറിയാം;

• സഞ്ചാർ സാത്തി പോർട്ടൽ സന്ദർശിക്കുക
• ഒടിപി ഉപയോഗിച്ച് ലോഗിൻ ചെയ്യുക.
• മൊബൈൽ കണക്ഷൻ എന്ന വിഭാഗത്തിലേക്ക് പോകുക.
• അനാവശ്യ മൊബൈൽ കണക്ഷനുകൾ റിപ്പോർട്ട് ചെയ്യാനുള്ള ഓപ്ഷൻ തിരയുക.
• മൊബൈൽ കണക്ഷനുകൾക്ക് നേരെ 'ദിസ് ഈസ് നോട്ട് മൈ നമ്പർ' അല്ലെങ്കിൽ 'നോട്ട് റിക്വർഡ്' എന്ന ഓപ്ഷനിൽ ക്ലിക്കുചെയ്യുക.
• അതിനു ശേഷം റിപ്പോർട്ട്' ഓപ്ഷൻ തിരഞ്ഞെടുത്ത് റിക്വസ്റ്റ് നൽകുക.

സൗജന്യമായി എങ്ങനെ ആധാർ കാർഡ് അപ്ഡേറ്റ് ചെയ്യാം? ഈ രേഖകളെല്ലാം കൈവശമുണ്ടോ? കൂടുതൽ അറിയാം

ഇതുപോലെ നിങ്ങൾ നമ്പർ റിപ്പോർട്ട് ചെയ്തുകഴിഞ്ഞാൽ അത് ടെലികോം ഓപ്പറേറ്റർക്ക് ഫ്ലാഗ് ചെയ്യപ്പെടും. ഒപ്പം കമ്പനി അത് വീണ്ടും സ്ഥിരീകരിക്കുകയും ചെയ്യും. പുനപരിശോധന നടത്തുമ്പോൾ വ്യക്തിയുടെ ഫോട്ടോയും, തിരിച്ചറിയൽ രേഖയും നിലവിലുള്ള രേഖകളുമായി താരതമ്യം ചെയ്ത് യഥാർത്ഥ ഉപയോക്താവിന്റെ ഐഡന്റിറ്റി ഉറപ്പാക്കുന്നു. ടെലികോം വെരിഫിക്കേഷൻ പ്രക്രിയ പരാജയപ്പെട്ടാൽ, ഫ്ലാഗ് ചെയ്ത മൊബൈൽ കണക്ഷൻ നിർത്തലാക്കും.

ജമ്മു കശ്മീർ, അസം, വടക്കുകിഴക്കൻ സംസ്ഥാനങ്ങൾ എന്നിവിടങ്ങളിലും, കേന്ദ്രഭരണ പ്രദേശങ്ങളിലും ഒരൊറ്റ ആധാർ കാർഡിൽ നൽകുന്ന സിം കാർഡുകളുടെ എണ്ണം വളരെ കുറവാണ്. എന്നാൽ ഇവിടെ കേരളത്തിൽ 9 സിം വരെ സ്വന്തമാക്കാം. ഇത് മറ്റുള്ളവർ ദുരുപയോ​ഗം ചെയ്യുമ്പോഴാണ് കുറ്റകൃത്യങ്ങളും വർദ്ധിക്കുന്നത്. നിലവിലെ ആധാർ പരിശോധനകൾ കർശനമായതിനാൽ ഒരു പരിധി വരെ ഈ കുറ്റകൃത്യങ്ങളെ തടയാൻ സാധിക്കും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.