4 ലക്ഷം സ്വന്തമാക്കാൻ 10,000 രൂപ മാസ അടവുള്ള 1 ചിട്ടിയോ 5,000 രൂപ അടവ് വരുന്ന 2 ചിട്ടികളോ? ഏതാണ് ലാഭകരം

പണ സമാഹകരണത്തിനുള്ള സുപ്രധാന മാർ​ഗങ്ങളിലൊന്നാണ് കെഎസ്എഫ്ഇ ചിട്ടികൾ. വിവിധ തരം ചിട്ടികൾ വിപണിയിലുള്ളതിനാൽ പലർക്കും ചിട്ടി ചേരുന്നത് സംബന്ധിച്ച് പല ആശയ കുഴപ്പങ്ങളും ഉണ്ടാകും. ഒരു മാസം അടയ്ക്കാന്‍ സാധിക്കുന്ന തുക കൊണ്ട് ഒരു ചിട്ടി ചേരുന്നതാണോ, ഒന്നിലധികം ചിട്ടികള്‍ ചേരുന്നതാണോ ലാഭകരം എന്നതാകും പലരുടെയും സംശയം.

ഉദാഹരണമായി ചിട്ടിയിലേക്ക് മാസത്തിൽ 10,000 രൂപ അടയ്ക്കാൻ സാധിക്കുന്നൊരാൾക്ക് 4 ലക്ഷം രൂപ ആവശ്യമായി വന്നാൽ 40 മാസ കാലയളവുള്ള 10,000 രൂപ അടവ് വരുന്ന ഒരു ചിട്ടിയോ, 5,000 രൂപ അടവ് വരുന്ന രണ്ട് ചിട്ടികൾ ചേരുന്നതാണോ ലാഭകരം. ഈ ചോദ്യത്തിനുള്ള ഉത്തരം ചുവടെ വിശദമായി പരിശോധിക്കാം.

 

4 ലക്ഷത്തിന്റെ ചിട്ടി

വിഷയം മനസിലാക്കാനായി 10,000 രൂപ മാസ അടവുള്ള 40 മാസ കാലയളവുള്ള ഒരു ചിട്ടിയും 40 മാസം വീതം കാലാവധിയുള്ള 5,000 രൂപ മാസ അടവ് വരുന്ന 2 ചിട്ടികളും പരി​ഗണിക്കാം. 4 ലക്ഷത്തിന്റെ ചിട്ടിയിൽ ചേർന്നൊരാൾക്ക് ഒരു പാസ് ബുക്കും 2 ലക്ഷത്തിന്റെ 2 ചിട്ടിയിൽ ചേർന്നവർക്ക് 2 പാസ്ബുക്കുകളും ലഭിക്കും. ഇതിൽ എന്തെങ്കിലും ലാഭമുണ്ടോയെന്ന് നോക്കാം. 

പാസ്ബുക്ക് ജാമ്യമായി ഉപയോ​ഗിക്കാം

2 ലക്ഷത്തിന്റെ ചിട്ടി ചേര്‍ന്നൊരാള്‍ക്ക് 2 പാസ്ബുക്ക് ലഭിക്കും. ചിട്ടി പകുതി മാസം പിന്നുടുമ്പോൾ, 20 മാസം കഴിഞ്ഞാല്‍ ഒരു ചിട്ടി വിളിച്ചെടുക്കാം. ഇവിടെ ഒന്ന് വിളിച്ചെടുത്ത് മറ്റൊരു പാസ് ബുക്ക് ജാമ്യമായി നല്‍കി പണം പിന്‍വലിക്കാൻ സാധിക്കും. എന്നാൽ ഇതിൽ സാമ്പത്തിക ലാഭം എന്താങ്കിലും ഉണ്ടോയെന്ന് നോക്കാം.

5 ശതമാനം ഫോര്‍മാന്‍ കമ്മീഷന്‍ കിഴിച്ച് 1.90 ലക്ഷം ലഭിച്ച വ്യക്തിക്ക് പിൻവലിക്കാൻ സാധിക്കുക ഈ തുകയാണ്. ഒരു ചിട്ടിയിലെ അടച്ച തുക ഈട് നൽകുന്നതിന് പകരം രണ്ട് ചിട്ടിയില്‍ നിന്നും അടച്ച തുക പിന്‍വലിച്ചാലും 1.90 ലക്ഷം രൂപ ലഭിക്കും. ഇതിനാല്‍ തന്നെ പാസ്ബുക്ക് ഒന്നിലധികം ലഭിക്കുന്നതിനാല്‍ പ്രത്യേകിച്ച് ലാഭമില്ല.

ലേലം വിളിക്കാൻ കാത്തിരിക്കണം

പണത്തിന് ആവശ്യമുള്ളൊരാൾക്ക് ചിട്ടി വിളിച്ചെടുക്കാൻ ആ​ഗ്രഹിച്ചാൽ. രണ്ട് ചിട്ടിയിൽ ചേർന്ന വ്യക്തിക്ക് റെ​ഗുലർ ചിട്ടിയാണെങ്കിൽ രണ്ട് മാസം ലേലം വിളിച്ചാൽ മാത്രമെ ചിട്ടി പണം ലഭിക്കുകയുള്ളൂ. ഒരു ചിട്ടി ചേർന്നൊരാൾക്ക് ഒരു മാസം കൊണ്ട് തന്നെ പണം സ്വന്തമാക്കാം. രണ്ട് ചിട്ടിയും അവസാനിക്കുന്നതും 40 മാസം കൊണ്ടാണ്. 

മാസ അടവ്

5,000 രൂപയുടെ 2 ചിട്ടിയിൽ ചേർന്നൊരാൾ ആദ്യ മാസം അടയ്‌ക്കേണ്ടത് 5,000 രൂപ വീതമാണ്. 2 ചിട്ടി ചേര്‍ന്നൊരാള്‍ 10,000 രൂപ അടയ്ക്കണം. ഒരു ചിട്ടി ചേർന്നൊരാളും ഇതേ തുക അടയ്ക്കണം.

30 ശതമാനം കിഴിവില്‍ ചിട്ടി ലേലത്തിൽ പോയാൽ 5,000 രൂപയുടെ ഒരു ചിട്ടിയിൽ നിന്ന് പരമാവധി ഒരു ചിട്ടിയിൽ നിന്ന് 1,250 രൂപയും 2 ചിട്ടിയും ചേർന്ന് 2,500 രൂപയും ലഭിക്കും. ഇതുപ്രകാരം 7,500 രൂപ അടയ്ക്കണം. 4 ലക്ഷത്തിന്റെ ചിട്ടിയിസല്‍ ലഭിക്കുന്ന പരമാധി ഡിവിന്റഡും 2,500 രൂപയാണ്. 7,500 അടച്ചാല്‍ മതി. 

ജിഎസ്ടി

5 ശതമാനം ഫോര്‍മാന്‍ കമ്മീഷനും ജിഎസ്ടിയും ഡോക്യുമെന്റേഷൻ ചാർജും കിഴിച്ചാണ് ചിട്ടി തുക ലഭിക്കുക. 2 ലക്ഷത്തിന്റെ ഒരു ചിട്ടിയിൽ നിന്ന് 10,000 രൂപയാണ് ഫോർമാൻസ് കമ്മീഷൻ. ഇതിന്റെ 18 ശതമാനമായ 1,800 രൂപ ജിഎസ്ടി നല്‍ണം. ഡോക്യുന്റേഷന്‍ ചാര്‍ഡ് 236 രൂപയും കിഴിച്ച് 1,87,964 രൂപ ഒരു ചിട്ടിയില്‍ നിന്ന് ലഭിച്ചും. 2 ചിട്ടിയും ചേർത്താൽ 3,75,928 രൂപ ലഭിക്കും.

4 ലക്ഷത്തിന്റെ ചിട്ടിയിൽ ഫോർമാൻസ് കമ്മീഷൻ 20,000 രൂപയാണ്. ഇതുപ്രകാരം 3600 രൂപയാണ് ജിഎസ്ടിയായി നല്‍കേണ്ടത്. 236 ഡോക്യുമെന്റേഷൻ ചാർജും കിഴിച്ചാല്‍ 3,76,164 രൂപ ലഭിക്കും. ഒരു ചിട്ടിയിലെ ഡ്‌ക്യേുമെന്റേഷന്‍ ചാ‌ജ് മാത്രമാണ് അധികമായി ലഭിക്കുന്നത്.