ബാങ്ക് ഓഫ് ബറോഡയോ പഞ്ചാബ് നാഷണൽ ബാങ്കോ? സ്ഥിര നിക്ഷേപത്തിന് നല്ലത് ഏത്?

സ്ഥിര നിക്ഷേപങ്ങൾ (എഫ്ഡി) എപ്പോഴും നല്ലൊരു നിക്ഷേപ ഓപ്ഷനാണ്. വിപണിയിലെ ചാഞ്ചാട്ടങ്ങളെ ബാധിക്കാതെ ഒരു നിശ്ചിത പലിശ നിരക്ക് സ്ഥിര നിക്ഷേപങ്ങളിലൂടെ ലഭിക്കുന്നു. എഫ്ഡികൾ ഉറപ്പുള്ള വരുമാനവും മൂലധന സംരക്ഷണവും വാഗ്‌ദാനം ചെയ്യുന്നു. ഒരു നിശ്ചിത കാലയളവിലേക്ക് ഒരു നിശ്ചിത പലിശ നിരക്കിൽ ഒരു വലിയ തുക നിക്ഷേപിക്കാനും ഉറപ്പായ വരുമാനം നേടാനും സഹായിക്കും. സാധാരണ സേവിംഗ്സ് അക്കൗണ്ടുകളേക്കാൾ മികച്ച പലിശ നിരക്കുകൾ ഇവ നൽകുന്നുണ്ട്. ഇതാണ് നിക്ഷേപകരെ ആകർഷിക്കുന്ന മറ്റൊരു പ്രധാന ഘടകം. റിസ്‌കില്ലാതെ നിക്ഷേപത്തിന് ഉറപ്പായ വരുമാനം ആഗ്രഹിക്കുന്ന ആളുകൾക്ക് സ്ഥിര നിക്ഷേപങ്ങൾ തിരഞ്ഞെടുക്കാവുന്നതാണ്.

വിവാഹം നിങ്ങളുടെ ക്രെഡിറ്റ് സ്കോറിനെ ബാധിക്കുമോ? ഇക്കാര്യം അറിഞ്ഞിരിക്കാം

മറ്റെല്ലാ ബാങ്കുകളെയും പോലെ തന്നെ ബാങ്ക് ഓഫ് ബറോഡയും പഞ്ചാബ് നാഷണൽ ബാങ്കും എഫ്ഡികൾ വാഗ്‌ദാനം ചെയ്യുന്നുണ്ട്. ബാങ്ക് ഓഫ് ബറോഡയുടെ (BoB) 400 ദിവസത്തെ എഫ്ഡി റിട്ടേണുകളും മുതിർന്ന പൗരന്മാർക്കും മറ്റുള്ളവർക്കുമുള്ള പഞ്ചാബ് നാഷണൽ ബാങ്കിന്റെ (PNB) 400 ദിവസത്തെ എഫ്ഡി റിട്ടേണുകളും തമ്മിലുള്ള വ്യത്യാസം നോക്കാം.

ബാങ്ക് ഓഫ് ബറോഡ ഉത്സവ് സ്കീം

ബാങ്ക് ഓഫ് ബറോഡയുടെ 400 ദിവസത്തെ ഉത്സവ് സ്കീമിൽ എഫ്ഡികൾക്ക് 7.30 ശതമാനം പലിശ നിരക്ക് നൽകുന്നുണ്ട്. 400 ദിവസത്തിനുള്ളിൽ രണ്ട് ലക്ഷം രൂപയുടെ നിക്ഷേപത്തിന് 2,16,740 രൂപയും, നാല് ലക്ഷം രൂപയുടെ നിക്ഷേപത്തിന് 4,33,479 രൂപയും, ആറ് ലക്ഷം രൂപയുടെ നിക്ഷേപത്തിന് 6,50,219 രൂപയും ലഭിക്കും. ബാങ്ക് ഓഫ് ബറോഡയുടെ ഉത്സവ് എഫ്‌ഡി പദ്ധതിയിൽ മുതിർന്ന പൗരന്മാർക്ക് 7.80 ശതമാനം പലിശ നിരക്ക് ലഭിക്കും. മുതിർന്ന പൗരന്മാർക്ക് രണ്ട് ലക്ഷം രൂപയുടെ നിക്ഷേപത്തിന് 2,17,925 രൂപയും, നാല് ലക്ഷം രൂപയുടെ നിക്ഷേപത്തിന് 4,35,850 രൂപയും ആറ് ലക്ഷം രൂപയുടെ നിക്ഷേപത്തിന് 6,53,774 രൂപയും ലഭിക്കും.

യു.പി.ഐ ഉപഭോക്താക്കളുടെ ശ്രദ്ധക്ക്.... ഈ ഇടപാടുകൾക്ക് ​ഗൂ​ഗിൾ പേ കൺവീനിയൻസ് ചാർജ് ഈടാക്കും

പഞ്ചാബ് നാഷണൽ ബാങ്ക് എഫ്ഡി

പഞ്ചാബ് നാഷണൽ ബാങ്ക് 400 ദിവസത്തെ എഫ്ഡി സ്കീമിൽ 7.25 ശതമാനം പലിശ നിരക്ക് വാഗ്‌ദാനം ചെയ്യുന്നുണ്ട്. 400 ദിവസത്തിനുള്ളിൽ രണ്ട് ലക്ഷം രൂപയുടെ നിക്ഷേപത്തിന് 2,16,621 രൂപയും, നാല് ലക്ഷം രൂപയുടെ നിക്ഷേപത്തിന് 4,33,243 രൂപയും, ആറ് ലക്ഷം രൂപയുടെ നിക്ഷേപത്തിന് 6,49,864 രൂപയും ലഭിക്കും. പിഎൻബി 400 ദിവസത്തെ എഫ്ഡി സ്കീമിൽ മുതിർന്ന പൗരന്മാർക്ക് 7.75 ശതമാനം പലിശ നിരക്ക് ലഭിക്കും. മുതിർന്ന പൗരന്മാർക്ക് രണ്ട് ലക്ഷം രൂപയുടെ നിക്ഷേപത്തിന് 2,17,806 രൂപയും, നാല് ലക്ഷം രൂപയുടെ നിക്ഷേപത്തിന് 4,35,612 രൂപയും, ആറ് ലക്ഷം രൂപയുടെ നിക്ഷേപത്തിന് 6,53,418 രൂപയും ലഭിക്കും.