ആ​ഗസ്റ്റ് 1 മുതൽ വമ്പൻ മാറ്റം വരുന്നു, ഈ ബാങ്കിൽ പ്രതിമാസ ബാലൻസ് നിലനിർത്തിയില്ലെങ്കിൽ 6% പിഴ ഈടാക്കും

നിങ്ങളുടെ സേവിം​ഗ്സ് അക്കൗണ്ട് ഏത് ബാങ്കിലാണ്? സാധാരണയായി ആളുകൾ നേരിടുന്ന വലിയ പ്രതിസന്ധിയാണ് അക്കൗണ്ടിലെ ബാലൻസ് നിലനിർത്താൻ സാധിക്കാത്തത്. പല ബാങ്കുകളും നിശ്ചിത തുക ബാലൻസ് പരിധി നിശ്ചയിച്ചിട്ടുണ്ട്. ഇത്തരത്തിൽ ഇന്ത്യയിലെ ഒരു സ്വകാര്യ ബാങ്കായ ഡിബിഎസ് പ്രതിമാസ ശരാശരി ബാലൻസ് നിലനിർത്തുന്നില്ലെങ്കിൽ പിഴ ഈടാക്കാൻ ഒരുങ്ങുന്നു. 2025 ഓഗസ്റ്റ് 1 മുതൽ ഡെവലപ്‌മെന്റ് ബാങ്ക് ഓഫ് സിംഗപ്പൂർ ഇന്ത്യ അഥവാ ഡിബിഎസ് ഇന്ത്യ പിഴ ഈടാക്കും.

ഡിബിഎസ് ബാങ്ക് ഇന്ത്യയുടെ വെബ്‌സൈറ്റ് അനുസരിച്ച്, ബാലൻസ് നിലനിർത്താത്തതിനുള്ള ചാർജുകൾ 6% നിരക്കിൽ ഈടാക്കും. ഈ ചാർജ് പരമാവധി 500 രൂപ വരെയാകാം. അതായത് ഡിബിഎസ് ബാങ്കിൻ്റെ സേവിംഗ്‌സ് അക്കൗണ്ടിൽ 10,000 രൂപയുടെ ശരാശരി പ്രതിമാസ ബാലൻസ് (AMB) നിലനിർത്തണമെന്നാണ് ബാങ്ക് ആവശ്യപ്പെടുന്നത്.

"പ്രിയപ്പെട്ട ഉപഭോക്താവേ, 2025 ഓഗസ്റ്റ് 1 മുതൽ പ്രതിമാസ ശരാശരി ബാലൻസിനുള്ള നോൺ-മെയിന്റനൻസ് ചാർജ് തുകയുടെ 6 ശതമാനമായിരിക്കും (പരമാവധി 500 രൂപ വരെ). ഡിബിഎസ് ബാങ്ക് സേവിംഗ്സ് അക്കൗണ്ടിനുള്ള പ്രതിമാസ ശരാശരി ബാലൻസ് 10,000 രൂപയിൽ മാറ്റമില്ലാതെ തുടരുന്നു. നിരക്കുകൾ ഒഴിവാക്കാൻ ആവശ്യമായ പ്രതിമാസ ശരാശരി ബാലൻസ് നിലനിർത്തുക." ഡിബിഎസ് ബാങ്ക് ഔദ്യോ​ഗികമായി എസ്എംഎസ് വഴി പറയുന്നു.

Take a Poll

2025 ഓഗസ്റ്റ് 1 മുതലുള്ള പ്രധാന മാറ്റം

2025 ഓഗസ്റ്റ് 1 മുതൽ, നിങ്ങളുടെ ഓരോ സേവിംഗ്സ് അക്കൗണ്ടിന്റെയും നോൺ-മെയിന്റനൻസ് ചാർജുകൾ മാറുമെന്ന് ഡിബിഎസ് ഇന്ത്യ അവരുടെ വെബ്‌സൈറ്റിൽ അറിയിച്ചു . ഏറ്റവും പുതിയ നിരക്കുകൾ അറിയാം;

• എസ്ബി (സേവിം​ഗ്സ് ബാങ്ക് അക്കൗണ്ട്)- ഈ അക്കൗണ്ടിൽ പ്രതിമാസം മിനിമം 1,000 രൂപ ശരാശരി ബാലൻസുണ്ടായിരിക്കണം. ഇല്ലെങ്കിൽ 6% പിഴ ഈടാക്കും. ഇത് 50 രൂപ വരെയായിരിക്കും.

• ഗ്രോത്ത് വൺ സേവിംഗ്സ് അക്കൗണ്ട് - ഈ അക്കൗണ്ടിൽ 5,000 രൂപ പ്രതിമാസം ശരാശരി ബാലൻസ് ഉണ്ടായിരിക്കണം. ഈ മിനിമം ബാലൻസിൽ വീഴ്ചയുണ്ടായാൽ 6 ശതമാനം പിഴ ഈടാക്കും. അത് ഏകദേശം 250 രൂപ വരെയായിരിക്കും.

• ഡിബിഎസ് ബാങ്ക് സേവിംഗ്സ് അക്കൗണ്ട് - ഈ സാധാരണ സേവിം​ഗ്സ് അക്കൗണ്ടിൽ മിനിമം 10,000 രൂപ നിലനിർത്തണം. ഇല്ലെങ്കിൽ 6% പിഴ ചുമത്തും. അത് 500 രൂപ വരെയായിരിക്കും.

• ​ഗ്രോത്ത് സേവിംഗ്സ് അക്കൗണ്ട് - ഈ സേവിം​ഗ്സ് അക്കൗണ്ടിലും പ്രതിമാസം ശരാശരി 10,000 രൂപ നിലനിർത്തണം. ഈ പരിധിയിൽ വീഴ്ച വരുത്തിയാൽ 6% പിഴ ഈടാക്കും. 500 രൂപ വരെ നിങ്ങൾ പിഴ അടക്കേണ്ടി വരും.

• ലക്ഷ്മി സേവിം​ഗ്സ് യൂത്ത് പവർ - ഈ അക്കൗണ്ടിൽ മിനിമം 100 രൂപയാണ് നിലനിർത്തേണ്ടത്. 100 രൂപയിൽ കുറവുണ്ടായാൽ 6 ശതമാനം പിഴ ചുമത്തും. 5 രൂപ വരെയായിരിക്കും ഈ പിഴയായി ഈടാക്കുന്ന തുക.

• ടാസ്‌ക് സേവിം​ഗ്സ് യൂത്ത് പവർ - ഈ സേവിം​ഗ്സ് അക്കൗണ്ടിൽ 10,000 രൂപ വരെ പ്രതിമാസം നിലനിർത്തണം. ഇല്ലെങ്കിൽ 6% പിഴ ഈടാക്കും. ഇത് 500 രൂപ വരെയായിരിക്കും.

30 വർഷത്തേക്ക് 75 ലക്ഷം ഭവന വായ്പ എടുത്തോ? ഇതുപോലെ നിക്ഷേപിച്ചാൽ തിരിച്ചടവ് തുകയിൽ 30 ലക്ഷം ലാഭിക്കാം

2025 മെയ് 1 മുതൽ പ്രാബല്യത്തിൽ വന്ന ആർ‌ബി‌ഐ വിജ്ഞാപനത്തെത്തുടർന്ന്, സൗജന്യ പരിധിക്ക് ശേഷമുള്ള ഓരോ എടിഎം പണം പിൻവലിക്കലുകൾക്കും പരമാവധി 23 രൂപ വരെ ഈടാക്കാൻ ബാങ്കുകൾക്ക് നിർദ്ദേശം നൽകിയിരുന്നു. ഇതോടെ ഡി‌ബി‌എസ് ബാങ്ക് അതിന്റെ ഫീസ് നിരക്ക് പുതുക്കിയിരിക്കുന്നു. അതിൻ്റെ ഭാ​ഗമായി ഡിബിഎസ് ബാങ്കിൻ്റെ സൗജന്യ പരിധി കവിഞ്ഞതിനു ശേഷം മറ്റ് ബാങ്ക് എടിഎം ഉപയോ​ഗിച്ച് പണം പിൻവലിച്ചാൽ ഇപ്പോൾ 23 രൂപ ഈടാക്കും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.