'അവസാന തീയതി അടുത്തു', നിങ്ങൾ ടാക്സ് അടയ്‌ക്കേണ്ടതുണ്ടോ? ഉടൻ തന്നെ പരിശോധിക്കൂ

ഇൻകം ടാക്സ് റിട്ടേൺ ഫയൽ ചെയ്യാൻ ആഗ്രഹിക്കുന്നവർ ധാരാളം പേർ ഉണ്ടാകും. മാർച്ച് 31, 2025 മുമ്പ് അത് ചെയ്യണമെന്ന് എല്ലാവർക്കും അറിയാവുന്ന കാര്യമാണ്. ടാക്സ് റീട്ടേൺ എന്തിനാണ് ചെയ്യുന്നത്, അതുകൊണ്ട് ഉള്ള ഗുണങ്ങൾ എന്തൊക്കെ എന്ന് വ്യക്തമാക്കുകയാണ് ഈ ലേഖനം.

മാർച്ച് 31-ന് അവസാനിക്കുന്ന സമയപരിധി

ആർക്കും സാമ്പത്തിക വർഷം 2021-22 അല്ലെങ്കിൽ 2022-23 വരെ അപ്ഡേറ്റഡ് റിട്ടേൺ ഫയൽ ചെയ്യാം. എന്നാൽ FY 2021-22-നുള്ള റിട്ടേൺ അപ്ഡേറ്റ് ചെയ്യാനുള്ള അവസാന തിയ്യതി മാർച്ച് 31, 2025 ആണ്.

എന്താണ് അപ്ഡേറ്റഡ് റിട്ടേൺ ?

ഫിനാൻസ് ആക്ട് 2022-ലാണ് അപ്ഡേറ്റഡ് റിട്ടേൺ എന്ന സംവിധാനം ധനമന്ത്രി നിർമ്മലാ സീതാരാമൻ അവതരിപ്പിച്ചത്. ഇതിന്റെ മുഖ്യലക്ഷ്യം നികുതി കുടിശികകൾ നേരത്തെ തീർപ്പാക്കുകയും നിയമവഴികൾ ഒഴിവാക്കുകയും ചെയ്യുക എന്നതാണ്. നികുതി നൽകുന്നതിൽ വീഴ്ചവന്നെങ്കിൽ അത് തിരുത്താനും ക്രമപ്പെടുത്താനും നികുതി കുടിശികയോടൊപ്പം അധിക നികുതി അടച്ച് അപ്ഡേറ്റഡ് റിട്ടേൺ ഫയൽ ചെയ്യാനും ഇതിലൂടെ കഴിയും.

2022-ൽ ഇത് അവതരിപ്പിച്ചപ്പോൾ അപ്ഡേറ്റ് ചെയ്യാവുന്ന പരമാവധി സമയം രണ്ടു വർഷമായിരുന്നു. എന്നാൽ 2025-ലെ ബജറ്റിൽ ഇത് 48 മാസമാക്കി നീട്ടിയിട്ടുണ്ട്.

അപ്ഡേറ്റഡ് റിട്ടേൺ എപ്പോൾ ഫയൽ ചെയ്യാം?

എന്തെങ്കിലും വിയോജിപ്പുകൾ ഇല്ലെങ്കിൽ ഏതൊരാൾക്കും അപ്ഡേറ്റഡ് റിട്ടേൺ ഫയൽ ചെയ്യാം. എന്നാൽ ചില പ്രത്യേക സാഹചര്യങ്ങളിൽ ഇതു ഫയൽ ചെയ്യാനാകില്ല.

ഇനിപ്പറയുന്ന സാഹചര്യങ്ങളിൽ അപ്ഡേറ്റഡ് റിട്ടേൺ ഫയൽ ചെയ്യാനാകില്ല:

നികുതി ബാധ്യത കുറയുമ്പോൾ:

റിട്ടേൺ അപ്ഡേറ്റ് ചെയ്യുന്നതിലൂടെ നികുതി ബാധ്യത കുറയുന്ന പക്ഷം.

റിഫണ്ട് ലഭിക്കുമ്പോൾ:

കൂടുതൽ റിഫണ്ട് നൽകേണ്ട സാഹചര്യമുണ്ടായാൽ.

അന്വേഷണം നടന്നാൽ:

നികുതി വകുപ്പ് നേരത്തെ അന്വേഷണ നടപടികൾ തുടങ്ങിയിട്ടുണ്ടെങ്കിൽ.

അപ്ഡേറ്റഡ് റിട്ടേൺ ഫയൽ ചെയ്യുന്നതിന്റെ ഗുണങ്ങൾ:

'മലയാളികൾ പണിയെടുക്കാൻ തുടങ്ങി മക്കളെ', പുതിയ പഠന റിപ്പോർട്ട് കണ്ടാൽ നിങ്ങൾ തന്നെ അന്തം വിടും

'മലയാളികൾ പണിയെടുക്കാൻ തുടങ്ങി മക്കളെ', പുതിയ പഠന റിപ്പോർട്ട് കണ്ടാൽ നിങ്ങൾ തന്നെ അന്തം വിടും

അന്വേഷണങ്ങൾ ഒഴിവാക്കാം:

നികുതി വകുപ്പിന്റെ പരിശോധനകൾക്കും നിയമപ്രശ്നങ്ങൾക്കും വിധേയരാകാതെ സുതാര്യമായി നികുതി നിർവഹിക്കാം.

പിഴ ഒഴിവാക്കാം:

വൈകിയാൽ വലിയ പിഴ ചുമത്തപ്പെടുന്നതിന് മുമ്പ് നിർവഹിക്കാനാകുമെന്നതാണ് പ്രധാന നേട്ടം.

സമയം ലാഭിക്കും:

2025-ലെ ബജറ്റിന്റെ അടിസ്ഥാനത്തിൽ 48 മാസം വരെ അപ്ഡേറ്റ് ചെയ്യാനുള്ള അവസരമാണ് ഇപ്പോൾ ലഭ്യമായിരിക്കുന്നത്.

ഇൻകം ടാക്സ് റിട്ടേൺ അപ്ഡേറ്റ് ചെയ്യാൻ ആഗ്രഹിക്കുന്നവർ മാർച്ച് 31, 2025 മുൻപ് അതിനായി വേണ്ട നടപടി സ്വീകരിക്കുക. ഓമിഷൻ ഒഴിവാക്കാനും അധിക നികുതി നൽകിയും നിയമപരമായി സുതാര്യത പുലർത്താനും ഇതു സഹായിക്കും.