അവസരമാണ് മുടക്ക ചിട്ടികൾ; എങ്ങനെ ചേരാം; ലാഭമുണ്ടാക്കുന്നത് എങ്ങനെ?

എന്താണ് മുടക്ക ചിട്ടികൾ

കെഎസ്എഫ്ഇ ചിട്ടി തുടങ്ങിയ നേരത്തെ സാമ്പത്തിക സ്ഥിതിയാകില്ല അതിന് ശേഷമുള്ള കാലത്ത്. ചിട്ടി പിടിക്കാത്തൊരാള്‍ക്ക് ചിട്ടി അടയ്ക്കാന്‍ സാധിക്കാത്ത സാഹചര്യമാണെങ്കില്‍ ചിട്ടി ഒഴിവാക്കാം. ഇതിനായി കെഎസ്എഫ്സി ബ്രാഞ്ചില്‍ ചിട്ടി ഒഴിവാക്കാനുള്ള അപേക്ഷ സമര്‍പ്പിക്കാം. അപേക്ഷ നൽകാത്തവരാണെങ്കിൽ നിശ്ചിത മാസം തുടർച്ചയായി മാസ അടവ് മുടങ്ങിയാൽ കെഎസ്എഫ്ഇ കുടിശ്ശിക വരുത്തുന്നവരെ മാറ്റിനിര്‍ത്തും. ഈ 2 സാഹചര്യങ്ങളിലായി ഒഴിവു വരുന്ന ചിട്ടികളെയാണ് മുടക്കചിട്ടികള്‍ എന്നു പറയുന്നത്.

മുടക്ക ചിട്ടി ഉദാഹരണം

40 മാസ കാലാവധിയുള്ള 2,500 രൂപ മാസ അടവുള്ള 1 ലക്ഷത്തിന്റെ ചിട്ടിയിൽ ചേർന്ന വിജയൻ ചിട്ടി 15 മാസം വരെ കൃത്യമായി ചിട്ടി അടച്ച ശേഷമാണ് ജോലി നഷ്ടപ്പെടുന്നത്. ഇതോടെ വിജയൻ ചിട്ടിയിൽ നിന്ന് ഒഴിവാക്കി തരാൻ അപേക്ഷ നൽകുന്നു. ഇവിടെ മുടക്ക ചിട്ടി ലഭ്യമായി കഴിഞ്ഞാൽ പുതിയ ചിറ്റാളനെ കെഎസ്എഫ്ഇയ്ക്ക് ഉൾപ്പെടുത്താം.

Also Read: ബജറ്റ് പ്രസംഗത്തില്‍ ഈ പ്രഖ്യാപനം വന്നാല്‍ പെട്രോളിന് വില കുറയും; 'കണ്ണില്‍ എണ്ണയൊഴിച്ച്' കാത്തിരിപ്പ്

5 മാസത്തിന് ശേഷം മുടക്ക ചിട്ടി അന്വേഷിച്ചെത്തിയ കിഷോറിന് ചിട്ടി നൽകാൻ കെഎസ്എഫ്ഇ തീരുമാനിക്കുന്നു. 21 മാസം വരെയുള്ള ചിട്ടി അടവ് അടച്ചാല്‍ 21ാംമാസത്തെ ലേലത്തില്‍ പങ്കെടുക്കാൻ സാധിക്കും. അത്രയും നാളത്തെ ചിട്ടിvതുകയില്‍ നിന്ന് വീതോഹരി കുറച്ച് ബാക്കി തുക അടച്ച് ചിട്ടി സ്വന്തമാക്കാം. ലേലത്തിന്റെ തലേദിവസം പണം അടച്ചാല്‍ മതിയാകും. 

Also Read: ഒന്നിലധികം ഡീമാറ്റ്, സേവിം​ഗ്സ് അക്കൗണ്ടുകളുണ്ടോ? അക്കൗണ്ടുകൾ പ്രവർത്തന രഹിതമാകാം; ശ്രദ്ധിക്കാം

എപ്പോൾ മുടക്ക ചിട്ടി ലാഭകരമാകും

വാഹനം വാങ്ങൽ പോലുള്ള ചെലവുകൾക്ക് വായ്പയിലേക്ക് പോകുന്നതിനേക്കാൾ നല്ലത് മുടക്ക ചിട്ടിയില്‍ ചേരുന്നതാണ്. നിശ്ചിത തുക അടച്ച് ബാക്കി വായ്പയാക്കി മാറ്റുന്നവർക്ക് വായ്പ ഇഎംഐ അടച്ചു തീര്‍ക്കുന്നതിനെക്കാള്‍ ലാഭം മുടക്ക ചിട്ടിയില്‍ ചേര്‍ന്ന് ചിട്ടി പിടിക്കുന്നതാണ്. ആകെ മാസത്തിന്റെ 60 ശതമാനം വരെ മുടക്കചിട്ടിയില്‍ ചേരാം. 100 മാസത്തിന്റെ ചിട്ടിയില്‍ 60 മാസം വരെ മുടക്കചിട്ടിയില്‍ ചേരാം. മുടക്കചിട്ടിയുണ്ടോ എന്നറിയാന്‍ കെഎസ്എഫ്ഇ ബ്രാഞ്ചുകളില്‍ ചെന്ന് തിരക്കണം.

മുടക്ക ചിട്ടിയും സാധാരണ ചിട്ടിയും

മുടക്ക ചിട്ടിയില്‍ ചേരുന്നതും ചിട്ടിയിൽ തുടക്കം മുതൽ ഭാ​ഗമാകുന്നതും തമ്മിൽ എന്തെങ്കിലും വ്യത്യാസമുണ്ടോയെന്ന് പരിസോധിക്കാം കയ്യില്‍ 2 ലക്ഷം രൂപയുമായി 4 ലക്ഷത്തിന്റെ കാര്‍ വാങ്ങാന്‍ ഇറങ്ങുന്നൊരാള്‍ 2 ലക്ഷം രൂപ വായ്പ എടുക്കുന്നതാണ് സാധാരണ രീതി.

എന്നാല്‍ കെഎസ്എഫ്ഇ ബ്രാഞ്ചില്‍ ചെന്ന് മുടക്ക ചിട്ടിയില്‍ ചേര്‍ന്നാലുള്ള നേട്ടം എന്താണെന്ന് നോക്കാം. 50 മാസ കാലാവധിയുള്ള 10,000 രൂപ മാസ അടവുള്ള 5 ലക്ഷം രൂപയുടെ ചിട്ടി ഉദാഹരണമായി എടുക്കാം.

25 മാസത്തില്‍ അടവ് കുടിശ്ശിക വരുത്തിയ ചിട്ടിയില്‍ 26ാം മാസത്തില്‍ ചേരുമ്പോള്‍ 2,03,950 രൂപയാണ് അടയ്ക്കേണ്ടി വരിക. 48,550 രൂപയാണ് ഇത്രയും കാലത്തിനിടെ ലഭിച്ച ലാഭ വിഹിതം. തൊട്ടടുത്ത മാസം 4,46,900 രൂപയ്ക്ക് ചിട്ടി പിടിച്ചാല്‍ ചാര്‍ജും കിഴിച്ച് 4,43,900 രൂപ കിട്ടും. 25 മാസം കൊണ്ട് 2,39,248 രൂപ അടച്ചു തീര്‍ത്താല്‍ മതി.