Click it and Unblock the Notifications
എക്കാലത്തും നിക്ഷേപകരുടെ ചിന്ത കൂടുതൽ സുരക്ഷിതത്വത്തോടെ പരമാവധി ആദായം എന്നതാണ്. ഇതിനായുള്ള നിക്ഷേപങ്ങൾ തിരഞ്ഞു നടക്കുന്ന തിരക്കിലായിരിക്കും നിക്ഷേപകർ. സുരക്ഷിതത്വത്തിന് കൂടുതൽ പരിഗണന നൽകുന്ന പരമ്പരാഗത നിക്ഷേപകർ ബാങ്കുകളിൽ അക്കൗണ്ടെടുത്താണ് നിക്ഷേപിക്കുന്നത്. ഇതിനേക്കാൾ സുരക്ഷിതമായി റിസർവ് ബാങ്കിൽ ഒരു അക്കൗണ്ട് എടുക്കുന്നതിനെ പറ്റിയാണ് ഇവിടെ വിശദമാക്കുന്നത്. അക്കൗണ്ടും ഈ അക്കൗണ്ട് ഉപയോഗിച്ച് ഏതൊക്ക നിക്ഷേപങ്ങൾ നടത്താൻ സാധിക്കുമെന്നും നോക്കാം.
ആർബിഐ റിട്ടെയിൽ ഡയറക്ട് ഗിൽട്ട് അക്കൗണ്ട്
2021 നവംബറിലാണ് റിസര്വ് ബാങ്ക് ഓഫ് ഇന്ത്യ റിട്ടെയില് ഡയറക്ട് സ്കീം ആരഭിച്ചത്. പൊതുജനങ്ങള്ക്ക് ഇതുവഴി റീട്ടെയില് ഡയറക്ട് ഗില്ട്ട് (RGD) അക്കൗണ്ട് എടുക്കാം. സര്ക്കാറുകള്ക്ക് വേണ്ടി റിസര്വ് ബാങ്ക് ഓഫ് ഇന്ത്യ പുറത്തിറക്കുന്ന ബോണ്ടിലും മറ്റ് സെക്യൂരിറ്റികളിലും നിക്ഷേപിക്കുക എന്നതാണ് റീട്ടെയില് ഡയറക്ട് ഗില്ട്ട് അക്കൗണ്ട് വഴിയുള്ള സൗകര്യം. നിക്ഷേപകര്ക്ക് വ്യക്തിഗതമായോ കൂട്ടമായോ റീട്ടെയില് ഡയറക്ട് ഗില്ട്ട് അക്കൗണ്ട് ആരംഭിക്കാം.
എങ്ങനെ അക്കൗണ്ടെടുക്കാം
റിസര്വ് ബാങ്ക് ഓഫ് ഇന്ത്യയില് റീട്ടെയില് ഡയറക്ട് ഗില്ട്ട് അക്കൗണ്ട് ആരംഭിക്കാന് പ്രധാനമായും വേണ്ട രേഖകള് പരിശോധിക്കാം. വ്യക്തിഗത പാന് കാര്ഡ്, അക്കൗണ്ട് നമ്പര്, ഐഎഫ്എസ്സി കോഡ് അടക്കമുള്ള ബാങ്ക് വിവരങ്ങള്, ഉപയോഗത്തിലുള്ള ഇ-മെയില്, മൊബൈല് നമ്പര്, കെവൈസി നടപടികള്ക്കായി ആധാര്/ ഡ്രൈവിംഗ് ലൈസന്സ്, പാസ്പോര്ട്ട് എന്നിവയും ആവശ്യമാണ്. rbiretaildirect.org.in വഴിയാണ് ആര്ബിഐ റീട്ടെയില് ഡയറക്ട് ഗില്ട്ട് അക്കൗണ്ട് ആരംഭിക്കാന് സാധിക്കുക.
വെബ്സൈറ്റിലുള്ള Open RBI Retail Direct Account എന്ന ഭാഗത്ത് ക്ലിക്ക് ചെയ്ത ശേഷം അക്കൗണ്ട് ടൈപ്പ്, പേര്, പാന്, ജനന തീയതി വിവരങ്ങള് നല്കണം. ഇ-മെയില് അഡ്രസും മൊബൈല് നമ്പറും വെരിഫൈ ചെയ്യണം. നല്കിയ വിവരങ്ങള് പരിശോധിച്ച് സ്ബിമിറ്റ് ചെയ്യണം. അടുത്തത് കെവൈസി നടപടികൾ പൂർത്തിയാക്കുകയാണ് വേണ്ടത്.
അടുത്തത് സേവിംഗ്സ് അക്കൗണ്ട് ഗിൽട്ട് അക്കൗണ്ടുമായി ബന്ധിപ്പിക്കലാണ്. ഇതിനായി ബാങ്ക് തിരഞ്ഞെടത്ത് ബ്ലാങ്ക് ചെക്ക് അപ്ലോഡ് ചെയ്യുകയോ ചെക്കിന്റെ വിവരങ്ങള് പൂരിപ്പിക്കുകയോ ചെയ്യണം. സഹായത്തിനായി 1800 267 7955 എന്ന ടോള് ഫ്രീ നമ്പറിലോ support@rbiretaildirect.org.in എന്ന ഇ-മെയിലോ ബന്ധപ്പെടാം.
നിക്ഷേപം എങ്ങനെ
റീട്ടെയില് ഡയറക്ട് ഗില്ട്ട് അക്കൗണ്ട് ഉപയോഗിച്ച് തിങ്കള് മുതല് വെള്ളി വരെയുള്ള ദിവസങ്ങളില് രാവിലെ 10 മുതല് ഉച്ചയ്ക്കു ശേഷം 3.30 വരെയാണ് ഇടപാടുകള് നടത്താനാവുക. റീട്ടെയില് ഡയറക്ട് ഗില്ട്ട് അക്കൗണ്ട് ആരംഭിക്കാനോ ഇടപാടിനോ റിസര്വ് ബാങ്ക് ഫീസ് ഈടാക്കുന്നില്ല. അക്കൗണ്ട് നോമിനികളായി രണ്ടു പേരെ നിര്ദേശിക്കാം. നോമിനി നിർബന്ധമാണ്.
10,000 രൂപയ്ക്കും 2 കോടിക്കും ഇടയിലുള്ള തുകയ്ക്കാണ് റീട്ടെയില് നിക്ഷേപകര്ക്ക് നിക്ഷേപം നടത്താന് സാധിക്കുക. സര്ക്കാര് ബോണ്ട്, ട്രഷറി ബില്, സോവറിന് ഗോള്ഡ് ബോണ്ട്, സംസ്ഥാന വികസന വായ്പ എന്നിവയില് നിക്ഷേപിക്കാന് സാധിക്കും. സൗജന്യമായി അക്കൗണ്ട് ആരംഭിക്കാന് സാധിക്കും. സോവറിൻ ഗോൾഡ് ബോണ്ടിൽ നിക്ഷേപിക്കാൻ കുറഞ്ഞത് 1 ഗ്രാമാണ്.
രണ്ട് തരത്തിൽ നിക്ഷേപം
റീട്ടെയില് ഡയറക്ട് ഗില്ട്ട് അക്കൗണ്ട് വഴി 2 തരത്തില് നിക്ഷേപം നടത്താൻ വാങ്ങാന് സാധിക്കും. പ്രൈമറി മാര്ക്കറ്റില് നിന്ന് സര്ക്കാര് സെക്യൂരിറ്റികള് വ്യക്തികള്ക്ക് നേരിട്ട് വാങ്ങാം. ലേലത്തില് ആവശ്യമായ സെക്യൂരിറ്റികളുടെ എണ്ണമാണ് നിക്ഷേപകന് നല്കേണ്ടത്. ഇതോടൊപ്പം സെക്കന്ഡറി മാര്ക്കറ്റില് വിപണനം നടത്തുന്ന സെക്യൂരിറ്റികള് വാങ്ങാനും വിൽക്കാനും സാധിക്കും. നേരത്തെ, മ്യൂച്വല് ഫണ്ടുകളിലൂടെയാണ് (GILT FUND) ചെറുകിട നിക്ഷേപകര്ക്ക് സര്ക്കാര് സെക്യൂരിറ്റികളില് നിക്ഷേപിക്കാന് അവസരം ഉണ്ടായിരുന്നത്.
നികുതി
രണ്ട് തരത്തിൽ വാങ്ങലും വില്പനയും നടത്തുന്നത് പോലെ രണ്ട് തരത്തിൽ നികുതിയും ഈടാക്കും. സര്ക്കാര് ബോണ്ടുകളില് നിന്നുള്ള ലാഭത്തിന് മുകളില് നികുതി ചുമത്തുന്നത്. കാലാവധിക്ക് മുന്പ് ബോണ്ടുകള് വില്പന നടത്തുമ്പോഴുള്ള ലാഭത്തിനും ബോണ്ടുകളില് നിന്നുള്ള പലിശയ്ക്കും നികുതി ചുമത്തും.
കാലാവധിക്ക് മുന്പ് 1 വര്ഷത്തിനുള്ളില് ബോണ്ടുകള് വില്പന നടത്തിയാല് ആദായ നികുതി സ്ലാബിന് അനുസരിച്ചാണ് നികുതി നല്കണം. 1 വര്ഷത്തിന് ശേഷം വില്പന നടത്തി ലഭിക്കുന്ന ലാഭത്തിന് 10 ശതമാനം നികുതി നൽകണം.
More From GoodReturns
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
Sign in with Google