ശമ്പളം 25,000 ആണോ? റിട്ടയർമെന്റ് ഫണ്ടായി 10 കോടി എങ്ങനെ സമ്പാദിക്കാം?

ജീവിതകാലം മുഴുവൻ സുഖമായി ജീവിക്കാനുള്ള പണവുമായി വിരമിക്കാനാണ് എല്ലാവരും ആഗ്രഹിക്കുന്നത്. എന്നാൽ, വർധിച്ചുവരുന്ന പണപ്പെരുപ്പത്തോടെ, വിരമിക്കൽ ജീവിതത്തിനായി സമ്പാദിക്കുകയെന്നത് പലർക്കും, പ്രത്യേകിച്ച് കുറഞ്ഞ വരുമാനം ഉള്ളവർക്ക് ഒരു വെല്ലുവിളിയായി മാറിയിരിക്കുന്നു. എങ്കിലും, നല്ലൊരു വിരമിക്കൽ ഫണ്ട് സമാഹരിക്കുകയെന്നത് അസാധ്യമല്ല. ശരിയായ സാമ്പത്തിക ആസൂത്രണവും മികച്ച നിക്ഷേപ തന്ത്രവും ഉണ്ടെങ്കിൽ, കുറഞ്ഞ ശമ്പളമുള്ള വ്യക്തികൾക്ക് പോലും കോടിക്കണക്കിന് രൂപയുടെ വിരമിക്കൽ ഫണ്ട് സൃഷ്ടിക്കാൻ കഴിയും.

സ്ത്രീകൾക്കുള്ള മികച്ച 5 ബിസിനസ് ലോണുകൾ, വിശദമായി അറിയാം

അത്തരമൊരു ഫലപ്രദമായ നിക്ഷേപ തന്ത്രമാണ് 70:15:15 ഫോർമുല. ഒരാളുടെ നിലവിലെ ജീവിതശൈലിയിൽ വിട്ടുവീഴ്ച ചെയ്യാതെ സാമ്പത്തിക സ്ഥിരതയും ഭാവി ആസൂത്രണവും ഉറപ്പാക്കാൻ ഈ ഫോർമുല സഹായിക്കും. ഈ നിക്ഷേപ തന്ത്രത്തിൽ ഒരാളുടെ പ്രതിമാസ വരുമാനത്തെ മൂന്ന് ഭാഗങ്ങളായി വിഭജിക്കുന്നു: 70% വാടക, പലചരക്ക് സാധനങ്ങൾ, ബില്ലുകൾ തുടങ്ങിയ ജീവിതച്ചെലവുകൾക്ക്; 15% അടിയന്തര ഫണ്ടിന്; 15% സിസ്റ്റമാറ്റിക് ഇൻവെസ്റ്റ്‌മെന്റ് പ്ലാനിലെ (SIP) നിക്ഷേപത്തിന്.

മ്യൂച്വൽ ഫണ്ടുകളിലെ എസ്ഐപി (സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ) നിക്ഷേപത്തിലൂടെ നല്ലൊരു സമ്പാദ്യം റിട്ടയർമെന്റ് സമയത്ത് കെട്ടിപ്പടുക്കാൻ സാധിക്കും. എസ്ഐപിയുടെ ദൈർഘ്യം കൂടുന്നതിനനുസരിച്ച് നേട്ടങ്ങളും കൂടും. മൂച്വൽഫണ്ടുകളിൽ കുറഞ്ഞ് 100 രൂപ മുതൽ തവണവ്യവസ്ഥയിലൂടെ നിക്ഷേപിക്കാവുന്ന മാർഗമാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാനുകൾ (എസ്ഐപി). 100 രൂപ മുതൽ ആഴ്ചയിലോ മാസമോ ത്രൈമാസമോ ആയി നിക്ഷേപിക്കാമെന്നതാണ് എസ്ഐപിയുടെ പ്രത്യേകത.

80 വയസ്സ് കഴിഞ്ഞാലും കോടികൾ വരുമാനം ഉണ്ടാക്കാം, ഉയർന്ന റിട്ടേൺ നൽകുന്ന എഫ്.ഡി സ്കീം ഇതാ....

ശരിയായ രീതിയിൽ പ്ലാൻ ചെയ്താൽ 25,000 രൂപ പ്രതിമാസ വരുമാനമുള്ള ഒരാൾക്കു പോലും, 10 കോടി രൂപയിൽ കൂടുതൽ വിരമിക്കൽ ഫണ്ട് സമാഹരിക്കാൻ കഴിയും. ഈ ഫോർമുല ഉപയോഗിച്ച് ഒരാൾക്ക് അവരുടെ ശമ്പള വർധനവിന് അനുസൃതമായി അവരുടെ നിക്ഷേപ തുക വർഷം തോറും വർധിപ്പിക്കാം. 25 വർഷത്തേക്ക് ഓരോ വർഷവും ഒരാളുടെ എസ്ഐപി സംഭാവന 10% വർധിപ്പിക്കുന്നതിലൂടെ ലക്ഷ്യം നേടാനാകും. ഈ തന്ത്രത്തിന്റെ വിജയത്തിന്റെ അടിത്തറ കോമ്പൗണ്ടിംഗിന്റെ ശക്തിയാണ്. നിക്ഷേപ മൂല്യം കാലക്രമേണ ക്രമാതീതമായി വളരുന്നു. നേരത്തെ നിക്ഷേപം ആരംഭിക്കുന്നത് വലിയൊരു തുക നൽകും.

10 കോടി രൂപയുടെ ഫണ്ട് എങ്ങനെ സൃഷ്ടിക്കാം

പ്രതിമാസം 3,750 രൂപയുടെ എസ്ഐപി ആരംഭിക്കണം. ഈ നിക്ഷേപം പ്രതിവർഷം 10% വർധിപ്പിക്കുകയും 25 വർഷം സ്ഥിരമായി നിക്ഷേപിക്കുകയും ചെയ്യുക. ശരാശരി 12% വാർഷിക വരുമാനം നേടാനായാൽ, ഒരാൾക്ക് 10.68 കോടി രൂപ ലഭിക്കും. അവരുടെ മൊത്തം നിക്ഷേപം 2.95 കോടി രൂപയായിരിക്കും, റിട്ടേൺ 7.73 കോടി രൂപയാണ്. റിട്ടേൺ 12 ശതമാനത്തിൽ കൂടുതലാണെങ്കിൽ വലിയൊരു ഫണ്ട് തന്നെ സൃഷ്ടിക്കാൻ സാധിക്കും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.