പോസ്റ്റ് ഓഫീസിൽ 5000 നിക്ഷേപിച്ച് 8 ലക്ഷം സമ്പാദിക്കാം, അറിയാം

സമ്പാദ്യത്തിൽ നിന്ന് കുറച്ച് തുക മിച്ചം പിടിച്ച്, മികച്ച വരുമാനം ലഭിക്കുന്ന ഇടങ്ങളിൽ നിക്ഷേപിച്ച്, ഭാവിയിൽ വലിയൊരു സമ്പാദ്യം ഉണ്ടാക്കിയെടുക്കാനാണ് ഏവരുടെയും ശ്രമം. ഇവിടെ, പോസ്റ്റ് ഓഫീസ് ചെറുകിട സമ്പാദ്യ പദ്ധതികൾ ഏറെ ഗുണം ചെയ്യും. പോസ്റ്റ് ഓഫീസ് റിക്കറിങ് ഡെപ്പോസിറ്റ് അതായത് പോസ്റ്റ് ഓഫീസ് ആർഡി അക്കൂട്ടത്തിൽ ഒന്നാണ്. ഇതിൽ എല്ലാ മാസവും വെറും 5000 രൂപ നിക്ഷേപിച്ച് 8 ലക്ഷം രൂപ നേടാനാകും. ഈ സ്കീമിലെ നിക്ഷേപത്തിന് വായ്പയും എളുപ്പത്തിൽ ലഭിക്കുമെന്നതാണ് മറ്റൊരു പ്രത്യേകത.

ഇവിടെ നിക്ഷേപിച്ചാൽ 9% വരെ പലിശ ഉറപ്പാണ്; ഈ 5 ബാങ്കുകൾ എഫ്.ഡി നിരക്ക് ഉയർത്തി

പോസ്റ്റ് ഓഫീസ് ആർഡിയിലെ പലിശ നിരക്ക്

2023ൽ പോസ്റ്റ് ഓഫീസ് റിക്കറിങ് ഡെപ്പോസിറ്റ് സ്കീമിന്റെ പലിശ നിരക്ക് സർക്കാർ വർധിപ്പിച്ചിരുന്നു. ഈ പുതിയ നിരക്കുകൾ 2023 ഒക്ടോബർ-ഡിസംബർ പാദത്തിൽ ബാധകമാണ്. ഈ സ്കീമിൽ 6.7 ശതമാനം പലിശ നിരക്ക് ലഭ്യമാണ്. പോസ്റ്റ് ഓഫീസ് ചെറുകിട സമ്പാദ്യ പദ്ധതികളുടെ പലിശ നിരക്ക് ഓരോ മൂന്ന് മാസത്തിലും സർക്കാർ പരിഷ്കരിക്കാറുണ്ട്. 2023 സെപ്റ്റംബർ 29 നാണ് അവസാനമായി പലിശ നിരക്കിൽ മാറ്റം വരുത്തിയത്.

8 ലക്ഷം എങ്ങനെ സമ്പാദിക്കാം

പോസ്റ്റ് ഓഫീസ് റിക്കറിങ് ഡെപ്പോസിറ്റ് സ്കീമിൽ എല്ലാ മാസവും 5,000 രൂപ നിക്ഷേപിച്ചാൽ, അഞ്ച് വർഷം കൊണ്ട് മൊത്തം 3 ലക്ഷം രൂപ നിക്ഷേപിക്കും, കൂടാതെ 6.7 ശതമാനം നിരക്കിൽ 56,830 രൂപ പലിശയായി ലഭിക്കും. അതായത്, അഞ്ച് വർഷത്തിനുള്ളിൽ നിങ്ങളുടെ ഫണ്ട് 3,56,830 രൂപയാകും. ഈ ആർഡി അക്കൗണ്ട് അഞ്ച് വർഷത്തേക്ക് കൂടി നീട്ടാം. അതായത്, അടുത്ത അഞ്ച് വർഷത്തേക്ക് നീട്ടുകയാണെങ്കിൽ, 10 വർഷത്തിനുള്ളിൽ നിങ്ങൾ നിക്ഷേപിച്ച തുക 6,00,000 രൂപയാകും. നിക്ഷേപത്തിനു ലഭിക്കുന്ന പലിശ 6.7 ശതമാനം നിരക്കിൽ 2,54,272 രൂപയായിരിക്കും. 10 വർഷത്തിനുള്ളിൽ നിങ്ങളുടെ മൊത്തം തുക 8,54,272 രൂപയായിരിക്കും.

ലാഭിച്ചുകൊണ്ട് സമ്പാദിക്കാം; ഈ 6 നിയമങ്ങൾ നിങ്ങളുടെ ജീവിതം മാറ്റിമറിക്കും...

50 ശതമാനം വരെ വായ്പ എടുക്കാം

അടുത്തുള്ള ഏതെങ്കിലും പോസ്റ്റ് ഓഫീസിൽ പോയി പോസ്റ്റ് ഓഫീസ് റിക്കറിംഗ് ഡെപ്പോസിറ്റ് സ്കീമിൽ ഒരു അക്കൗണ്ട് തുറക്കാം. ഇതിൽ 100 ​​രൂപ മുതൽ നിക്ഷേപം ആരംഭിക്കാം. പോസ്റ്റ് ഓഫീസ് ആർഡിയുടെ കാലാവധി അഞ്ച് വർഷമാണ്. എന്നാൽ ഈ കാലാവധി പൂർത്തിയാകുന്നതിന് മുമ്പ് അക്കൗണ്ട് ക്ലോസ് ചെയ്യാനുള്ള സൗകര്യം ലഭ്യമാണ്. നിക്ഷേപകന് 3 വർഷത്തിന് ശേഷം പ്രീ-മെച്വർ ക്ലോഷർ ലഭിക്കും. ഇതിൽ ലോൺ സൗകര്യവും നൽകിയിട്ടുണ്ട്. അക്കൗണ്ട് ഒരു വർഷത്തേക്ക് സജീവമായ ശേഷം, നിക്ഷേപിച്ച തുകയുടെ 50 ശതമാനം വരെ വായ്പയെടുക്കാം. എന്നാൽ, വായ്പയുടെ പലിശ നിരക്ക് 2 ശതമാനം കൂടുതലാണ്.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.