വെറും ചാറ്റിം​ഗ് മാത്രമല്ല, വാട്ട്സ്ആപ്പിലൂടെ നിങ്ങളുടെ ആധാർ കാർഡും ഡൗൺലോഡ് ചെയ്യാം: ഇതാണ് മാർ​ഗം

ഇന്ത്യൻ പൗരൻമാർ സൂക്ഷിക്കേണ്ട ഒരു സുപ്രധാന രേഖയാണ് ആധാർ കാർഡ്. ആധാർ കാർഡിൻ്റെ പ്രവർത്തനം ഇന്ത്യയിൽ വ്യാപകമായി പ്രവർത്തിക്കാൻ തുടങ്ങിയിട്ട് ഇപ്പോൾ പത്ത് വർഷത്തിൽ കൂടുതലായി. തുടക്കത്തിൽ വെറുമൊരു കാർഡ് രൂപത്തിൽ മാത്രം ലഭിച്ചിരുന്ന ആധാർ കാർ‌ഡ് ഇപ്പോൾ ഡിജിറ്റൽ രൂപത്തിലും കൈവശം വെക്കാൻ സാധിക്കുന്നു. അത്തരത്തിൽ വാട്ട്സ്ആപ്പ് വഴിയും ഇനി ആധാർ ഡൗൺലോഡ് ചെയ്യാം.

ഔദ്യോഗിക MyGov ഹെൽപ്പ്‌ഡെസ്‌ക് ചാറ്റ്‌ബോട്ട് വഴി നേരിട്ട് വാട്ട്‌സ്ആപ്പിലൂടെ ആധാർ ഡൗൺലോഡ് ചെയ്യുന്നതിലൂടെ ഉപഭോക്താക്കൾക്ക് ആധാറിൻ്റെ ലഭ്യത സെക്കൻ്റുകൾക്കുള്ളിൽ ഉറപ്പാക്കാം എന്നതാണ് ഏറ്റവും വലിയ സവിശേഷത. ലളിതമായ ഈ പ്രക്രിയ രാജ്യത്തെ ദശലക്ഷക്കണക്കിന് ആളുകളിലേക്ക് പെട്ടെന്ന് തന്നെ എത്തിക്കാനും സാധിക്കും.

യുഐഡിഎഐയിൽ നിന്ന് വാട്ട്സ്ആപ്പിലേക്ക്

ആധാർ കാർഡിന്റെ ഔദ്യോ​ഗിക വെബ്സൈറ്റ് യുഐഡിഎഐ ആണ്. ഈ പോർട്ടൽ വഴിയോ അല്ലെങ്കിൽ ഡിജിലോക്കർ ആപ്പ് പോലുള്ള പ്ലാറ്റ്‌ഫോമുകൾ ഉപയോഗിച്ചോ മാത്രമേ ആധാർ കാർഡ് നേരത്തെ ഡൗൺലോഡ് ചെയ്യാൻ കഴിയുമായിരുന്നുള്ളൂ. എന്നാൽ വാട്ട്സ്ആപ്പിലൂടെ ഡൗൺലോഡ് ചെയ്യാനുള്ള പുതിയ ഓപ്ഷൻ ഉപഭോക്താക്കൾക്ക് കൂടുതൽ ലളിതമായ മാർ​ഗം പരിചയപ്പെടുത്തുന്നു. ആധാറും ഡിജിലോക്കറുമായി ലിങ്ക് ചെയ്‌ത മറ്റ് ഡോക്യുമെന്റുകളും സുരക്ഷിതമായി ഡൗൺലോഡ് ചെയ്യാൻ ഇതിലൂടെ സാധിക്കും. വാട്ട്സ്ആപ്പ് ഉപയോ​ഗിക്കാത്തവർ വളരെ ചുരുക്കമാണ്. അതിനാൽ വാട്ട്സ്ആപ്പിലൂടെ അവതരിപ്പിക്കുന്ന പുതിയ സേവനം നേട്ടം നൽകുന്നു.

വാട്ട്‌സ്ആപ്പ് വഴി ആധാർ എങ്ങനെ ഡൗൺലോഡ് ചെയ്യാം?

1. ഫോണിൽ MyGov ഹെൽപ്പ് ഡെസ്ക് നമ്പർ ([phone]) സേവ് ചെയ്യുക.
2. വാട്ട്‌സ്ആപ്പ് തുറന്ന് ഈ നമ്പറിലേക്ക് "ഹായ്" അല്ലെങ്കിൽ "നമസ്‌തേ" പോലുള്ള മെസേജ് അയക്കുക.
3. അതിനു ശേഷം ചാറ്റ്ബോട്ട് മെനുവിൽ നിന്ന് ഡിജിലോക്കർ സേവനങ്ങൾ തിരഞ്ഞെടുക്കുക.
4. നിങ്ങളുടെ ഡിജിലോക്കർ അക്കൗണ്ട് സ്ഥിരീകരിച്ച് 12 അക്ക ആധാർ നമ്പർ നൽകുക.
5. നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ ലഭിക്കുന്ന ഒടിപി സ്ഥിരീകരിക്കുക.
6. അതിനു ശേഷം ചാറ്റ്ബോട്ട് നിങ്ങളുടെ ലഭ്യമായ രേഖകളുടെ ലിസ്റ്റ് നൽകും.
7. നൽകിയ ലിസ്റ്റിൽ നിന്നും ആധാർ തിരഞ്ഞെടുക്കുക. ഈ ആധാർ കാർഡ് പിഡിഎഫ് ഫോർമാറ്റിൽ വാട്ട്‌സ്ആപ്പിലൂടെ ഡൗൺലോഡ് ചെയ്യാം.

ആവശ്യമായ കാര്യങ്ങൾ

• നിങ്ങളുടെ ആധാർ കാർഡുമായി ലിങ്ക് ചെയ്ത ഒരു മൊബൈൽ നമ്പർ വേണം
• ആക്ടീവായ ഒരു ഡിജിലോക്കർ അക്കൗണ്ട്
• ഔദ്യോഗിക MyGov ഹെൽപ്പ്‌ഡെസ്‌ക് വാട്ട്‌സ്ആപ്പ് നമ്പറായ [phone] ഈ നമ്പർ സേവ് ചെയ്യണം

ഉത്സവ സീസൺ ആഘോഷമാക്കാൻ എസ്ബിഐ കാർഡ്: ഫോൺ മുതൽ ഗ്രോസറി വരെ വൻ ഓഫറുകൾ നേടാം!

ഈ കാര്യങ്ങൾ ശ്രദ്ധിക്കണം

1) ഒരു സമയം ഒരു രേഖ മാത്രമേ വാട്ട്സ്ആപ്പിലൂടെ ഡൗൺലോഡ് ചെയ്യാൻ കഴിയുകയുള്ളൂ

2) ഡൗൺലോഡ് ചെയ്യുന്നതിന് മുമ്പ് നിങ്ങളുടെ ആധാർ ഡിജിലോക്കറുമായി ബന്ധിപ്പിച്ചിട്ടുണ്ടെന്ന് ഉറപ്പിക്കണം.

3) ഡിജിലോക്കർ അക്കൗണ്ട് ഇല്ലാത്തവർക്ക് ഡിജിലോക്കർ വെബ്സൈറ്റോ, ആപ്പോ ഉപയോഗിച്ച് അക്കൗണ്ട് തുറക്കാം

4) ഇതൊരു സുരക്ഷിതമായ സേവനമാണ്. അതിനാൽ നിങ്ങളുടെ സ്വകാര്യ വിവരങ്ങൾ നഷ്ടപ്പെടില്ല.

വാട്ട്സ്ആപ്പിലൂടെ ആധാർ കാർഡ് ഡൗൺലോഡ് ചെയ്യുന്നത് വലിയ മാറ്റം സൃഷ്ടിക്കും. യുഐഡിഎഐ വഴി ആധാർ ഡൗൺലോഡ് ചെയ്യുന്നതിനേക്കാൾ കൂടുതൽ എളുപ്പത്തിൽ വാട്ട്സ്ആപ്പിലൂടെ ആധാർ ഉറപ്പാക്കാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.