ഉത്സവ സീസൺ ആഘോഷമാക്കാൻ എസ്ബിഐ കാർഡ്: ഫോൺ മുതൽ ഗ്രോസറി വരെ വൻ ഓഫറുകൾ നേടാം!

ഉത്സവകാലം ആഘോഷമാക്കാൻ എസ്ബിഐ കാർഡും! വിവിധ ഓൺലൈൻ, ഓഫ്‌ലൈൻ പ്ലാറ്റ്‌ഫോമുകളിൽ ഓഫറുകൾ നിറയുമ്പോൾ, ഉപഭോക്താക്കൾക്കായി 'ഖുഷിയാൻ അൺലിമിറ്റഡ്' എന്ന പുതിയ കാമ്പെയ്‌ൻ അവതരിപ്പിച്ചു കൊണ്ട് എസ്ബിഐ കാർഡ് എത്തിയിരിക്കുന്നു.

നവരാത്രി ആഘോഷങ്ങൾക്ക് തുടക്കം കുറിച്ചുകൊണ്ടാണ് ഈ പ്രത്യേക ഓഫറുകൾ ആരംഭിച്ചിട്ടുള്ളത്. ഈ പദ്ധതി പ്രകാരം, ക്രെഡിറ്റ് കാർഡ് ഉപഭോക്താക്കൾക്ക് 2,900-ലധികം നഗരങ്ങളിലായി 1,250-ഓളം വ്യാപാരികളുടെ ഉൽപ്പന്നങ്ങളിൽ നിന്നും സേവനങ്ങളിൽ നിന്നും മികച്ച ആനുകൂല്യങ്ങൾ നേടാനുള്ള അവസരമൊരുക്കുന്നു.

വലിയ നഗരങ്ങൾക്ക് പുറമെ ടയർ-2, ടയർ-3 നഗരങ്ങളിലെ ഉപഭോക്താക്കൾക്കും ഈ ഓഫറുകൾ ലഭ്യമാക്കും. ക്യാഷ്ബാക്ക്, ഇൻസ്റ്റൻ്റ് കിഴിവുകൾ, ആകർഷകമായ ഓഫറുകൾ എന്നിവയെല്ലാം എസ്ബിഐ കാർഡിന്റെ ഈ ഉത്സവകാല കാമ്പെയ്നിൽ ഉൾപ്പെടുന്നു. ഈ ഓഫറുകൾ ഓൺലൈൻ, ഓഫ്‌ലൈൻ ഷോപ്പിംഗ് പ്ലാറ്റ്‌ഫോമുകളിൽ ലഭ്യമാണ്. ഉപഭോക്താക്കൾക്ക് താരതമ്യേന കുറഞ്ഞ വിലയിൽ തന്നെ ഉൽപ്പന്നങ്ങൾ വാങ്ങാൻ ഇതിലൂടെ സാധിക്കും.

എന്തെല്ലാമാണ് പുതിയ കാമ്പെയിനിലൂടെ എസ്ബിഐ കാർഡ് ലക്ഷ്യമിടുന്നത്? മാത്രമല്ല ഏതെല്ലാം ഉൽപ്പന്നങ്ങൾക്ക് കിഴിവുകൾ ലഭിക്കും? വിശദമായി അറിയാം;

ഓഫറുകൾ ഏതെല്ലാം വിഭാ​ഗത്തിന്?

കൺസ്യൂമർ ഡ്യൂറബിൾസ്, മൊബൈൽ ഫോണുകൾ, ലാപ്‌ടോപ്പുകൾ, ഫാഷൻ, ഫർണിച്ചർ, ആഭരണങ്ങൾ, ഇ-കൊമേഴ്‌സ്, പലചരക്ക് സാധനങ്ങൾ തുടങ്ങിയ വിഭാ​ഗങ്ങളിലുള്ള ഉൽപ്പന്നങ്ങൾക്കാണ് എസ്ബിഐ കാർഡിൻ്റെ പുതിയ ഉത്സവകാല ഓഫറുകൾ ബാധകമാകുന്നത്. നിരവധി ബ്രാൻഡുകളുമായി സഹകരിച്ചാണ് എസ്‌ബി‌ഐ കാർഡ് ഈ കാമ്പെയിൻ അവതരിപ്പിച്ചിരിക്കുന്നത്. അതിനാൽ നിരവധി ഇഎംഐ ഓഫറുകളും ഇതിൽ ഉൾപ്പെടും. അത് സാധാരണക്കാർക്ക് പോലും എളുപ്പത്തിൽ അവശ്യ ഉൽപ്പന്നങ്ങൾ വാങ്ങാൻ അനുവദിക്കുന്നു.

പ്രധാനപ്പെട്ട ഓഫറുകൾ

• ഈ ക്രെഡിറ്റ് കാർഡ് ഉപയോ​ഗിച്ചാൽ ആമസോണിൽ, നിങ്ങൾക്ക് 10 ശതമാനം ഇൻസ്റ്റൻ്റ് കിഴിവ് ലഭിക്കും. ഇത് സെപ്റ്റംബർ 13 മുതൽ ലഭ്യമാണ്.

• ഈ കാർഡ് വഴി ആപ്പിൾ ഉൽപ്പന്നങ്ങൾ പർച്ചേസ് ചെയ്താൽ ഡിസംബർ 27 വരെ 6,000 രൂപ ഇൻസ്റ്റൻ്റ് കിഴിവ് നേടാം

• ബജാജ് ഓട്ടോ വഴി നിങ്ങൾ 30,000 രൂപ പർച്ചേസ് നടത്തിയാൽ ഇടപാടിന് 10 ശതമാനം കിഴിവ് ലഭിക്കും.

• ഫാഷൻ ഫാക്ടറിയിൽ കുറഞ്ഞത് 4,000 രൂപ വരെ പർച്ചേസ് ചെയ്താൽ ഇടപാടിന് 5 ശതമാനം ഇൻസ്റ്റൻ്റ് കിഴിവ് ഉണ്ട്.

5 വർഷത്തേക്ക് പ്രീമിയം അടച്ചാൽ ജീവിതകാലം മുഴുവൻ വരുമാനം നേടാം: എൽഐസിയുടെ കിടിലൻ സ്കീം

• ഹയറിൽ 25 ശതമാനം വരെ ഇൻസ്റ്റൻ്റ് ഡിസ്കൗണ്ട് ഉറപ്പാക്കാം. ഇത് ഇഎംഐ ഇടപാടുകൾക്ക് മാത്രമായിരിക്കും ലഭിക്കുന്നത്.

• എച്ച്പി ഉൽപ്പന്നങ്ങളിൽ ഒരു കാർഡിന് 15,000 രൂപ വരെ കിഴിവ് നേടാം. ഈ ഓഫറും ഇഎംഐ ഇടപാടുകൾക്ക് മാത്രമാണ് ലഭിക്കുന്നത്. ഒക്ടോബർ 31 വരെ ഈ ഓഫർ ലഭ്യമാണ്.

ഈ പ്രധാന ഓഫറുകളെല്ലാം നിശ്ചിത കാലത്തേക്ക് മാത്രമാണ്. നിലവിലെ സാഹചര്യത്തിൽ പർച്ചേസുകളുടെ എണ്ണം വർദ്ധിക്കും. അതിനാൽ എസ്ബിഐ കാ‍ർഡിൻ്റെ ഈ പുതിയ കാമ്പെയിൻ ഉപഭോക്താക്കൾക്ക് ഏറെ ആശ്വാസകരവും ഉപകാരപ്രദവുമാകുന്നു. ഇഎംഐ ഓഫറുകളും നൽകുന്നതിനാൽ എല്ലാ എസ്ബിഐ കാർഡ് ഉപഭോക്താക്കൾക്കും നേട്ടം ലഭിക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.