എഫ്ഡി vs എസ്ഐപി: 5 വർഷത്തേക്ക് 8 ലക്ഷം രൂപ നിക്ഷേപിച്ചാൽ കൂടുതൽ റിട്ടേൺസ് എവിടെ കിട്ടും?

ഇന്നത്തെ സാമ്പത്തിക സാഹചര്യത്തിൽ നിക്ഷേപങ്ങളെക്കുറിച്ച് ചിന്തിക്കുന്നവരുടെ മുന്നിലേക്ക് ആദ്യമെത്തുന്ന രണ്ട് നിക്ഷേപ രീതികളാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അഥവ എസ്ഐപിയും സ്ഥിര നിക്ഷേപം അഥവ എഫ്ഡിയും. എസ്ഐപിയിൽ മ്യൂച്വൽ ഫണ്ടുകളിലെ പതിവ് നിക്ഷേപം ഉൾപ്പെടുന്നു, വിപണി വളർച്ചയിൽ നിന്നും കോമ്പൗണ്ടിംഗിൽ നിന്നും പ്രയോജനമുണ്ടാക്കി സമ്പാദ്യം സൃഷ്ടിക്കാൻ ഇത് സഹായിക്കുന്നു. അതേസമയം സ്ഥിര നിക്ഷേപം മുൻകൂട്ടി നിശ്ചയിച്ച കാലയളവിൽ സ്ഥിരമായ റിട്ടേണുകൾ വാഗ്ദാനം ചെയ്യുന്ന ഒരു അപകട രഹിത നിക്ഷേപ രീതിയായും നിലകൊള്ളുന്നു.

സ്ഥിര നിക്ഷേപങ്ങളിൽ ഉയർന്ന പലിശ വേണോ? ഈ പ്ലാനുകളെക്കുറിച്ച് അറിഞ്ഞിരിക്കാം

എഫ്ഡി സുരക്ഷിതവും പ്രവചിക്കാവുന്നതുമായ നിക്ഷേപമാണ്. അപകട സാധ്യത കുറഞ്ഞ നിക്ഷേപ രീതി തിരയുന്നവർക്ക് ഇത് അനുയോജ്യമായ രീതിയായി നിലകൊള്ളുന്നു. നിലവിൽ ബാങ്കുകളും ബാങ്കിതര ധനകാര്യ സ്ഥാപനങ്ങളും സ്ഥിര നിക്ഷേപങ്ങൾക്ക് 6 മുതൽ 8 ശതമാനം വരെ പലിശ വാഗ്ദാനം ചെയ്യുന്നു. മുതിർന്ന പൗരന്മാർക്ക് സാധരണയിൽ നിന്നും ഉയർന്ന പലിശ നിരക്കും ധനകാര്യ സ്ഥാപനങ്ങൾ വാഗ്ദാനം ചെയ്യുന്നു. ഇത്തരത്തിൽ എട്ട് ലക്ഷം രൂപ നിക്ഷേപിച്ചാൽ അഞ്ച് വർഷത്തിൽ നിങ്ങളുടെ സമ്പാദ്യം ഏകദേശം 10,92,000 രൂപയായി വളരും. മെച്വൂരിറ്റി കാലയളവ് പൂർത്തിയാകുന്നതിന് മുൻപ് നിക്ഷേപം പിൻവലിക്കാനും സാധിക്കും. ഇതിന് ഒരു നിശ്ചിത തുക പിഴ ഈടാക്കിയേക്കാം. അതേസമയം, നിങ്ങളുടെ വരുമാന സ്ലാബ് അനുസരിച്ച് നേടുന്ന പലിശയ്ക്ക് നികുതി ബാധകമാണ്.

മാർക്കറ്റ്-ലിങ്ക്ഡ് റിട്ടേണുകളിൽ നിന്നും കോമ്പൗണ്ടിംഗിന്റെ കരുത്തിൽ നിന്നും മികച്ച റിട്ടേൺസ് വാഗ്ദാനം ചെയ്യുന്ന നിക്ഷേപമാണ് എസ്ഐപി അഥവ സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ. നിലവിലത്തെ സാഹചര്യത്തിൽ ശരാശരി 12 ശതമാനം വാർഷിക വരുമാനം കണക്കാക്കിയാൽ, 60 മാസങ്ങളിൽ അതായത് അഞ്ച് വർഷത്തിൽ 8,00,000 രൂപ നിക്ഷേപത്തിന് വിപണിയിലെ പ്രകടനത്തെ ആശ്രയിച്ച് ഏകദേശം 11,50,000 മുതൽ 12,00,000 വരെ റിട്ടേൺസ് നേടാം. മ്യൂച്വൽ ഫണ്ടുകളിൽ വിപണിയിലെ ചാഞ്ചാട്ടം മൂലമുള്ള അപകടസാധ്യതകൾ ഉൾപ്പെടുമ്പോൾ, ഉയർന്ന വരുമാനത്തിനുള്ള സാധ്യതകൾ ഇടത്തരം മുതൽ ദീർഘകാലം വരെയുള്ള സമ്പത്ത് സൃഷ്ടിക്കുന്നതിനുള്ള സാധ്യത കൂടുതലാണ്.

എസ്.ബി.ഐ VS സെൻട്രൽ ബാങ്ക് ഓഫ് ഇന്ത്യ: പലിശ മാത്രം 1.5 ലക്ഷം വരെ നേടാം, ഏതാണ് ബെസ്റ്റ് എഫ്.ഡി?

സുരക്ഷിതത്വവും ഉറപ്പുമാണ് നിങ്ങളുടെ മുൻഗണനയെങ്കിൽ, ഒരു സ്ഥിര നിക്ഷേപം ഒരു വിശ്വസനീയമായ ഓപ്ഷനാണ്. എന്നിരുന്നാലും, നിങ്ങൾ റിട്ടേണുകൾ പരമാവധിയാക്കാൻ ലക്ഷ്യമിടുന്നുവെങ്കിൽ, മാർക്കറ്റ് റിസ്കുകളിൽ സുഖമുണ്ടെങ്കിൽ, എസ്ഐപി 5 വർഷത്തിനുള്ളിൽ ഗണ്യമായ ഉയർന്ന കോർപ്പസ് നൽകും. ശരിയായ നിക്ഷേപ തന്ത്രം തിരഞ്ഞെടുക്കുന്നതിന് മുമ്പ് നിങ്ങളുടെ സാമ്പത്തിക ലക്ഷ്യങ്ങൾ, റിസ്ക് വിശപ്പ്, ലിക്വിഡിറ്റി ആവശ്യങ്ങൾ എന്നിവ വിലയിരുത്തുക.