Just In
-
-
-
-
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
നിലവിലെ കൊവിഡ് സാഹചര്യങ്ങൾ സമ്പദ്‌വ്യവസ്ഥയെ സാരമായി ബാധിച്ചു കൊണ്ടിരിക്കുകയാണ്. മൂലധനത്തിന്റെ അഭാവം മൂലം ലോക്ക്ഡൌണിനുശേഷം പല എസ്‌എം‌ഇകൾക്കും ഇതുവരെ ബിസിനസ്സ് പുനരാരംഭിക്കാൻ കഴിഞ്ഞിട്ടില്ല. വലിയ കമ്പനികൾ പോലും കൊവിഡിന് മുമ്പുള്ള ബിസിനസ്സ് നില കൈവരിക്കാൻ പാടുപെടുകയാണ്. പല ജീവനക്കാർക്കും ജോലി നഷ്‌ടപ്പെട്ടപ്പോൾ ചിലരുടെ ശമ്പളം വെട്ടിക്കുറച്ചു. ഇത്തരം സാഹചര്യത്തിൽ ഒരാൾക്ക് ഹ്രസ്വകാല സാമ്പത്തിക സമ്മർദ്ദം നേരിടേണ്ടി വരുമെന്ന് വ്യക്തമാണ്. സാമ്പത്തിക അടിയന്തിര സാഹചര്യത്തിൽ വായ്പ എടുക്കുക എന്നതാണ് ഏക പോംവഴി. പെട്ടെന്ന് വായ്പ ലഭിക്കുന്നതിനുള്ള ചില ഓപ്ഷനുകൾ ഇതാ..
എഫ്ഡിയിൽ നിന്ന് വായ്പ
നിങ്ങൾക്ക് എന്തെങ്കിലും സ്ഥിര നിക്ഷേപം (എഫ്ഡി) ഉണ്ടെങ്കിൽ, അടിയന്തിര സാഹചര്യങ്ങളിൽ എഫ്ഡിയിൽ നിന്ന് വായ്പ എടുക്കാം. നിക്ഷേപ തുകയുടെ 90-95% വരെ വായ്പയായി ലഭിക്കുന്നതിനാൽ അടിയന്തര സാമ്പത്തിക ആവശ്യങ്ങൾ നിറവേറ്റുന്നതിനുള്ള ഏറ്റവും മികച്ച ഉറവിടമാണിത്. സാധാരണ ഗതിയിൽ ബാങ്കുകളുടെ എഫ്ഡി നിരക്കിനേക്കാൾ 2% കൂടുതലാണ് ഈ വായ്പകളുടെ പലിശ നിരക്ക്.
സ്വർണ്ണ വായ്പ
സ്വർണ്ണ വില റെക്കോർഡ് ഉയർന്ന നിലവാരത്തിനടുത്തായതിനാൽ, നിങ്ങളുടെ സ്വർണ്ണാഭരണങ്ങൾ അല്ലെങ്കിൽ ആഭരണങ്ങൾ പണയം വച്ച് വായ്പയെടുക്കുന്നത് എളുപ്പമാണ്. ഈ വായ്പ മണിക്കൂറുകൾക്കുള്ളിൽ ലഭിക്കും. കൂടാതെ ഈ വായ്പകളുടെ പലിശ നിരക്ക് വ്യക്തിഗത വായ്പകളുമായി താരതമ്യപ്പെടുത്തുമ്പോൾ കുറവാണ്. കാരണം ഇത് ഒരു സുരക്ഷിത വായ്പയാണ്. നിലവിൽ സ്വർണത്തിന്റെ മൂല്യത്തിന്റെ 90% വരെ വായ്പയായി ലഭിക്കും.
ഫിൻ‌ടെക് സ്റ്റാർട്ടപ്പുകളിൽ നിന്നുള്ള വായ്പ
നിങ്ങളുടെ യോഗ്യതയെ അടിസ്ഥാനമാക്കി തടസ്സരഹിതമായ ഓൺലൈൻ വായ്പകൾ നൽകുന്ന നിരവധി ആപ്ലിക്കേഷൻ അധിഷ്ഠിത ഫിൻ‌ടെക് സ്റ്റാർട്ടപ്പുകൾ ഇന്ത്യയിൽ ഉണ്ട്. യുവാക്കൾക്കിടയിൽ ഈ ഓപ്ഷൻ ജനപ്രിയമാണ്.
കൊവിഡ് -19 വ്യക്തിഗത വായ്പകൾ
കൊവിഡ് -19 സാമ്പത്തിക സമ്മർദ്ദം നേരിടാൻ ഉപഭോക്താക്കളെ സഹായിക്കുന്നതിനായി പഞ്ചാബ് നാഷണൽ ബാങ്ക്, ബാങ്ക് ഓഫ് ബറോഡ, ബാങ്ക് ഓഫ് ഇന്ത്യ തുടങ്ങി നിരവധി സർക്കാർ ഉടമസ്ഥതയിലുള്ള ബാങ്കുകൾ പുതിയ വ്യക്തിഗത വായ്പ അവതരിപ്പിച്ചിട്ടുണ്ട്. ഈ വായ്പകളെ കൊവിഡ് -19 വ്യക്തിഗത വായ്പകൾ എന്ന് വിളിക്കുന്നു. കൊവിഡ് -19 വ്യക്തിഗത വായ്പകൾ ശമ്പളം ലഭിക്കുന്ന ജീവനക്കാർക്കോ ബാങ്കിൽ ശമ്പള അക്കൗണ്ടുള്ള ജീവനക്കാർക്കോ ആണ് വാഗ്ദാനം ചെയ്യുന്നത്.
മുൻകൂട്ടി അംഗീകരിച്ച വ്യക്തിഗത വായ്പകൾ
അടിയന്തിര സാഹചര്യങ്ങളിൽ പെട്ടെന്നുള്ള വായ്പ ലഭിക്കുന്നതിനുള്ള മറ്റൊരു സൌകര്യമാണിത്. സേവിംഗ്സ് അക്കൗണ്ടിൽ ആരോഗ്യകരമായ ബാലൻസ് നിലനിർത്തുന്ന ശമ്പള അക്കൗണ്ട് ഉടമകൾക്ക് ബാങ്കുകൾ സാധാരണയായി ഈ വായ്പകൾ വാഗ്ദാനം ചെയ്യുന്നു.
