3 വർഷം കൊണ്ട് വരുമാനം വർദ്ധിപ്പിക്കാം, ഈ ബാങ്കുകൾ നൽകും ഉയർന്ന പലിശ, നോക്കുന്നോ

നിക്ഷേപകരെ സംബന്ധിച്ച് ഏറ്റവും വലിയ വെല്ലുവിളി വിപണിയിലെ ചാഞ്ചാട്ടങ്ങളാണ്. ആ ചാഞ്ചാട്ടങ്ങൾ കൃത്യമായി മനസ്സിലാക്കാൻ സാധിച്ചില്ലെങ്കിൽ വലിയ നഷ്ടത്തിലേക്ക് പോകാനുള്ള സാധ്യത വളരെ കൂടുതലാണ്. അതുകൊണ്ടുതന്നെ വിപണിയിലെ ചാഞ്ചാട്ടങ്ങൾ കൃത്യമായി മനസ്സിലാക്കാൻ സാധിക്കാത്തവർക്ക് ഏറ്റവും സുരക്ഷിതമായ നിക്ഷേപം മാർഗ്ഗം സ്ഥിര നിക്ഷേപം ആണ്. സ്ഥിര നിക്ഷേപങ്ങൾ കൃത്യമായ ഇടവേളകളിൽ ലിക്വിഡിറ്റിയും ഉറപ്പുള്ള പലിശ വരുമാനവും വാഗ്ദാനം ചെയ്യുന്നു.

മൂന്ന് വർഷത്തെ കാലാവധിയുള്ള സ്ഥിര നിക്ഷേപങ്ങൾക്ക് മികച്ച പലിശ വാഗ്ദാനം ചെയ്യുന്ന ബാങ്കുകൾ പരിചയപ്പെടാം.

1. ബാങ്ക് ഓഫ് ബറോഡ

മൂന്ന് വർഷത്തെ കാലാവധിയുള്ള സ്ഥിര നിക്ഷേപത്തിന് ബാങ്ക് ഓഫ് ബറോഡ 7.25 ശതമാനം വരെ പലിശ വാഗ്ദാനം ചെയ്യുന്നു. നിക്ഷേപിക്കുന്ന ഒരു ലക്ഷം രൂപ മൂന്ന് വർഷത്തിനുള്ളിൽ 1.24 ലക്ഷം രൂപയായി വളരും.

2. ആക്‌സിസ് ബാങ്ക്

3 വർഷ കാലാവധിയുള്ള സ്ഥിര നിക്ഷേപത്തിന് 7.10 ശതമാനം വരെ പലിശ ആക്‌സിസ് ബാങ്ക് വാഗ്ദാനം ചെയ്യുന്നു. നിക്ഷേപിക്കുന്ന ഒരു ലക്ഷം രൂപ മൂന്ന് വർഷത്തിനുള്ളിൽ 1.24 ലക്ഷം രൂപയായി വളരും.

3. എച്ച്‌ഡിഎഫ്‌സി ബാങ്ക്

7 ശതമാനം പലിശയാണ് മൂന്നുവർഷത്തെ കാലാവധിയുള്ള സ്ഥിരനിക്ഷേപത്തിന് എച്ച്ഡിഎഫ്സി ബാങ്ക് നൽകുന്നത്. നിക്ഷേപിച്ച ഒരു ലക്ഷം രൂപ മൂന്ന് വർഷത്തിനുള്ളിൽ 1.23 ലക്ഷം രൂപയായി വളരും. എച്ച്‌ഡിഎഫ്‌സി ബാങ്ക് 3 ശതമാനം മുതൽ 7.20 ശതമാനം വരെ പലിശനിരക്ക് 7 ദിവസം മുതൽ 10 വർഷം വരെയുള്ള കാലയളവിലേക്ക് വാഗ്ദാനം ചെയ്യുന്നു.

4. കാനറ ബാങ്ക്

മൂന്ന് വർഷത്തെ സ്ഥിര നിക്ഷേപത്തിന് 6.80 ശതമാനം വരെ പലിശ കാനറ ബാങ്ക്
വാഗ്ദാനം ചെയ്യുന്നു. നിക്ഷേപിച്ച ഒരു ലക്ഷം രൂപ മൂന്ന് വർഷത്തിനുള്ളിൽ 1.22 ലക്ഷം രൂപയായി വളരും.

7 ദിവസം മുതൽ 10 വർഷം വരെ കാലാവധിയുള്ള സ്ഥിര നിക്ഷേപത്തിന് കാനറാ ബാങ്ക് 4 ശതമാനം മുതൽ 7.25 ശതമാനം വരെ പലിശ നിരക്കുകൾ വാഗ്ദാനം ചെയ്യുന്നു

5. പഞ്ചാബ് നാഷണൽ ബാങ്ക്

7 ശതമാനം പലിശയാണ് മൂന്നുവർഷത്തെ കാലാവധിയുള്ള സ്ഥിരനിക്ഷേപത്തിന് പഞ്ചാബ് നാഷണൽ ബാങ്ക് നൽകുന്നത്. നിക്ഷേപിച്ച ഒരു ലക്ഷം രൂപ മൂന്ന് വർഷത്തിനുള്ളിൽ 1.23 ലക്ഷം രൂപയായി വളരും.

7 ദിവസം മുതൽ 10 വർഷം വരെയുള്ള കാലയളവുള്ള സ്ഥിര നിക്ഷേപത്തിന് പഞ്ചാബ് നാഷണൽ ബാങ്ക് 3.50 ശതമാനം മുതൽ 7.25 ശതമാനം വരെ പലിശ വാഗ്ദാനം ചെയ്യുന്നു.

6. സ്റ്റേറ്റ് ബാങ്ക് ഓഫ് ഇന്ത്യ

മൂന്ന് വർഷത്തെ എഫ്ഡികൾക്ക് 6.75 ശതമാനം വരെ പലിശ സ്റ്റേറ്റ് ബാങ്ക് ഓഫ് ഇന്ത്യ വാഗ്ദാനം ചെയ്യുന്നു. നിക്ഷേപിച്ച ഒരു ലക്ഷം രൂപ മൂന്ന് വർഷത്തിനുള്ളിൽ 1.22 ലക്ഷം രൂപയായി വളരും.

അമൃത് കലാഷ് ഉൾപ്പെടെയുള്ള സ്ഥിര നിക്ഷേപങ്ങൾക്ക് 3.50 ശതമാനം മുതൽ 7.10 ശതമാനം വരെ പലിശ നിരക്കുകൾ എസ്ബിഐ വാഗ്ദാനം ചെയ്യുന്നു.

7. ഐസിഐസിഐ ബാങ്ക്

മൂന്ന് വർഷത്തെ എഫ്‌ഡികൾക്ക് 7 ശതമാനം വരെ പലിശ ഐസിഐസിഐ ബാങ്ക് വാഗ്ദാനം ചെയ്യുന്നു. നിക്ഷേപിച്ച ഒരു ലക്ഷം രൂപ മൂന്ന് വർഷത്തിനുള്ളിൽ 1.23 ലക്ഷം രൂപയായി വളരും.

8. യൂണിയൻ ബാങ്ക് ഓഫ് ഇന്ത്യ

മൂന്ന് വർഷത്തെ എഫ്ഡികൾക്ക് 6.50 ശതമാനം വരെ പലിശ യൂണിയൻ ബാങ്ക് ഓഫ് ഇന്ത്യ വാഗ്ദാനം ചെയ്യുന്നു. നിക്ഷേപിച്ച ഒരു ലക്ഷം രൂപ മൂന്ന് വർഷത്തിനുള്ളിൽ 1.21 ലക്ഷം രൂപയായി വളരും.

9. ഇന്ത്യൻ ബാങ്ക്

മൂന്ന് വർഷത്തെ എഫ്ഡികൾക്ക് ഇന്ത്യൻ ബാങ്ക് 6.25 ശതമാനം വരെ പലിശ വാഗ്ദാനം ചെയ്യുന്നു. നിക്ഷേപിച്ച ഒരു ലക്ഷം രൂപ മൂന്നു വർഷത്തിനുള്ളിൽ 1.20 ലക്ഷം രൂപയായി വളരും.

10. ബാങ്ക് ഓഫ് ഇന്ത്യ

മൂന്ന് വർഷത്തെ എഫ്ഡികൾക്ക് 6.50 ശതമാനം വരെ പലിശ ബാങ്ക് ഓഫ് ഇന്ത്യ വാഗ്ദാനം ചെയ്യുന്നു. നിക്ഷേപിച്ച ഒരു ലക്ഷം രൂപ മൂന്ന് വർഷത്തിനുള്ളിൽ 1.21 ലക്ഷം രൂപയായി വളരും.

ആർബിഐയുടെ അനുബന്ധ സ്ഥാപനമായ ഡെപ്പോസിറ്റ് ഇൻഷുറൻസ് ആൻഡ് ക്രെഡിറ്റ് ഗ്യാരന്റി കോർപ്പറേഷൻ (ഡിഐസിജിസി) 5 ലക്ഷം രൂപ വരെയുള്ള സ്ഥിരനിക്ഷേപങ്ങൾക്ക് ഗ്യാരണ്ടി നൽകുന്നു. അതുകൊണ്ടു തന്നെ നിക്ഷേപം സുരക്ഷിതമായിരിക്കും.