3 ലക്ഷത്തിന്റെ സ്ഥിര നിക്ഷേപം 4.8 ലക്ഷമായി വളരും; മുതിര്‍ന്ന പൗരന്മാര്‍ നിക്ഷേപിക്കേണ്ടത് ഇങ്ങനെ

ആര്‍ബിഐയുടെ റിപ്പോ നിരക്ക് വര്‍ധനവിന് പിന്നാലെ മാസങ്ങളായി ബാങ്കുകള്‍ സ്ഥിര നിക്ഷേപ പലിശ നിരക്ക് ഉയര്‍ത്തി കൊണ്ടിരിക്കുകയാണ്. മുതിര്‍ന്ന പൗരന്മാര്‍ക്ക് 9 ശതമാനത്തിന് മുകളിലും റെഗുലര്‍ നിക്ഷേപകര്‍ക്ക് 9 ശതമാനം വരെയും പലിശ നിരക്ക് ഇന്ന് ലഭിക്കുന്നുണ്ട്. ബാങ്കില്‍ മികച്ച പലിശ ലഭിക്കുമെന്നതിനാല്‍ നിക്ഷേപിക്കും മുന്‍പ് സുരക്ഷിതത്വം പരിഗണിക്കണം.

അധ്വാനിച്ച പണം ഏറ്റവും സുരക്ഷിതമാക്കാന്‍ 5 ലക്ഷം രൂപ വരെ നിക്ഷേപിക്കുന്നതാണ് ഉചിതം. ബാങ്കില്‍ നിക്ഷേപിക്കുന്ന 5 ലക്ഷം രൂപവരെയുള്ള തുകയ്ക്ക് ഡെപ്പോസിറ്റ് ഇന്‍ഷൂറന്‍സ് ആന്‍ഡ് ക്രെഡിറ്റ് ഗ്യാരണ്ടി കോര്‍പ്പറേഷന്റെ പരിരക്ഷയുള്ളതിനാലാണിത്. നിക്ഷേപിച്ച തുകയും പലിശയും അടക്കം 5 ലക്ഷം രൂപ വരെയാണ് ഡെപ്പോസിറ്റ് ഇന്‍ഷൂറന്‍സ് ആന്‍ഡ് ക്രെഡിറ്റ് ഗ്യാരണ്ടി കോര്‍പ്പറേഷന്റെ ഇൻഷൂറൻസ് ലഭിക്കുന്നത്.

സ്ഥിര നിക്ഷേപം തുടങ്ങും മുന്‍പ് പലിശ കണക്കാക്കി സ്ഥിര നിക്ഷേപമിടുന്നതാണ അനുയോജ്യം. മുതിര്‍ന്ന പൗരന്മാര്‍ക്ക് ഏറ്റവും ഉയര്‍ന്ന പലിശ നല്‍കുന്ന സൂര്യോദയ് സ്‌മോള്‍ ഫിനാന്‍സ് ബാങ്കില്‍ ഈ രീതിയില്‍ സുരക്ഷിതമായി എങ്ങനെ നിക്ഷേിപിക്കുമെന്ന് നോക്കാം.

9.60% പലിശ നിരക്ക്

സൂര്യോദയ് സ്‌മോള്‍ ഫിനാന്‍സ് ബാങ്ക് 5 വര്‍ഷ കാലയളവില്‍ മുതിര്‍ന്ന പൗരന്മാര്‍ക്ക് 9.6 ശതമാനം പലിശ നല്‍കുന്നു. ഈ കാലയളവിലേക്ക് ഉയര്‍ന്ന പലിശ നല്‍കുന്ന മറ്റൊരു ബാങ്കില്ല. ബാങ്കില്‍ 5 വര്‍ഷ കാലത്തേക്ക് 3 ലക്ഷം രൂപ നിക്ഷേപിച്ചാല്‍ കാലാവധിയില്‍ 4.82 ലക്ഷം രൂപ ലഭിക്കും. നിക്ഷേപിച്ച തുകയും പലിശയും അടക്കം 5 ലക്ഷത്തിന് താഴെ വരുന്നതിനാല്‍ ഡെപ്പോസിറ്റ് ഇന്‍ഷൂറന്‍സ് ആന്‍ഡ് ക്രെഡിറ്റ് ഗ്യാരണ്ടി കോര്‍പ്പറേഷന്റെ പരിരക്ഷ ലഭിക്കും. 

എഫ്ഡി കാല്‍ക്കുലേറ്റര്‍

50,000 രൂപ മുതല്‍ 10 ലക്ഷം രൂപ വരെ 5 വര്‍ഷ കാലയളവില്‍ നിക്ഷേപിച്ചാല്‍ കാലാവധിയില്‍ എത്ര രൂപ ലഭിക്കുമെന്ന് നോക്കാം. 9.60 ശതമാനം പലിശ ലഭിക്കുമ്പോള്‍ 50,000 രൂപ നിക്ഷേപിച്ചാല്‍ 80,347 രൂപ നേടാനാകും. 1 ലക്ഷം രൂപ നിക്ഷേപിച്ചാല്‍ 5 വര്‍ഷം കൊണ്ട് 1.60 ലക്ഷം നേടാം.

2 ലക്ഷം രൂപ 9.60 ശതമാനം പലിശ നിരക്കിൽ 5 വർഷത്തേക്ക് നിക്ഷേപിച്ചാൽ 3.2 ലക്ഷമായി വളരും. 3 ലക്ഷം രൂപ ഇതേ കാലയളവിൽ 4.82 ലക്ഷമായി വളരും. 4 ലക്ഷത്തിന് 9.60 ശതമാനം പലിശയില്‍ 5 വര്‍ഷത്തേക്ക് നിക്ഷേപിച്ചാല്‍ 4.82 ലക്ഷം രൂപ കാലാവധിയില്‍ നേടാം. 5 ലക്ഷം രൂപയുടെ നിക്ഷേപം 8 ലക്ഷം രൂപയായും 10 ലക്ഷത്തിന്റെ നിക്ഷേപം 16 ലക്ഷമായും മാറും. 

പലിശ നിരക്ക്

* 1 വര്‍ഷം- 6.85 ശതമാനം.

* 2 വര്‍ഷം- 8.50 ശതമാനം.

* 999 ദിവസം- 9 ശതമാനം

* 3 വര്‍ഷം- 7.25 ശതമാനം.

* 4 വര്‍ഷം- 6.75 ശതമാനം

* 5 വര്‍ഷം- 9.1 ശതമാനം

* 6 വര്‍ഷം മുതല്‍ 10 വര്‍ഷം വരെ- 7.25 ശതമാനം 

നിക്ഷേപങ്ങൾക്കെല്ലാം മുതിർന്ന പൗരന്മാർക്ക് 0.50 ശതമാനത്തിന്റെ അധിക നിരക്ക് ലഭിക്കും. 5 വർഷ കാലയളവ് കൂടാതെ 2 വർഷത്തേക്കും 999 ദിവസത്തേക്കും മുതിർന്ന പൗരന്മാർക്ക് 9 ശതമാനത്തിന് മുകളിൽ പലിശ ലഭിക്കും. 999 ദിവസത്തേക്ക് 9.50 ശതമാനവും 2 വർഷത്തേക്ക് 9 ശതമാനവുമാണ് പലിശ നിരക്ക്.