ഈ ഓണത്തിന് വാലറ്റ് നിറയും, 7.5% വരെ ക്യാഷ്ബാക്ക് നേടാം: ഫ്ലിപ്കാർട്ട് പർച്ചേസുകൾക്ക് ഈ കാർഡ് ​മതി

ഇന്ത്യയിലെ പ്രമുഖ ഇ-കൊമേഴ്സ് പ്ലാറ്റ്ഫോമാണ് ഫ്ലിപ്കാർട്ട്. സാധാരണയായി എല്ലാ ഓൺലൈൻ പർച്ചേസുകൾക്കും ഫ്ലിപ്കാർട്ട് ഉപയോ​ഗിക്കാറുണ്ട്. സ്ഥിരമായി പർച്ചേസ് നടത്തുന്നവർ പ്രമുഖ കോ-ബ്രാൻഡഡ് ക്രെഡിറ്റ് കാർഡുകൾ ഉപയോ​ഗിക്കുന്നതാണ് കൂടുതൽ നല്ലത്. ഫ്ലിപ്കാർട്ടും ആക്സിസ് ബാങ്കും തമ്മിലുള്ള കോ-ബ്രാൻഡഡ് ക്രെഡിറ്റ് കാർഡ് നേരത്തെ പുറത്തിറക്കിയിരുന്നു. അതിനു ശേഷം ഇപ്പോൾ ഫ്ലിപ്കാർട്ട് എസ്ബിഐ കാർഡുമായി സഹകരിച്ച് ഒരു കോ-ബ്രാൻഡഡ് ക്രെഡിറ്റ് കാർഡ് കൂടി പുറത്തിറക്കി.

സ്ഥിരമായി പർച്ചേസ് നടത്തുമ്പോൾ സാമ്പത്തിക നഷ്ടം ഇല്ലാതാക്കാൻ ഇത്തരം ക്രെഡിറ്റ് കാർഡുകൾ നല്ലതാണ്. പുതിയ ഫ്ലിപ്കാർട്ട് എസ്‌ബി‌ഐ കാർഡ് 7.5% വരെ ക്യാഷ്ബാക്ക് വാഗ്ദാനം ചെയ്യുന്നുണ്ട്. അതിനാൽ ഈ കാർഡിന്റെ സവിശേഷതകളും, നേട്ടങ്ങളും, ക്യാഷ്ബാക്കും അറിയാം;

ക്യാഷ്ബാക്ക്

ഫ്ലിപ്കാർട്ട് എസ്‌ബി‌ഐ കാർഡ് ആകർഷകമായ ക്യാഷ്ബാക്ക് ആനുകൂല്യങ്ങൾ വാ​ഗ്ദാനം ചെയ്യുന്നുണ്ട്. വിവിധ ബ്രാൻഡുകളിലൂടെ പർച്ചേസ് ചെയ്യുമ്പോൾ നിങ്ങൾക്ക് മികച്ച സാമ്പത്തിക നേട്ടം ഉറപ്പാക്കാം.

• ഫ്ലിപ്കാർട്ടിൽ 5% ക്യാഷ്ബാക്ക് ലഭിക്കും. ത്രൈമാസ ക്യാഷ്ബാക്ക് പരിധി 4,000 രൂപയാണ്
• ക്ലിയർട്രിപ്പിൽ 5% ക്യാഷ്ബാക്ക് ലഭിക്കും, ത്രൈമാസ ക്യാഷ്ബാക്ക് പരിധി 4,000 രൂപയാണ്.
• മിന്ത്രയിൽ പർച്ചേസ് ചെയ്താൽ 7.5% ക്യാഷ്ബാക്ക് ഉറപ്പാക്കാം, ത്രൈമാസ ക്യാഷ്ബാക്ക് പരിധി 4,000 രൂപയായിരിക്കും.
• തിരഞ്ഞെടുത്ത വ്യാപാരികൾക്ക് (നെറ്റ്മെഡ്സ്, പിവിആർ, ഉബർ, സൊമാറ്റോ) 4% ക്യാഷ്ബാക്ക് നേടാം, ത്രൈമാസ ക്യാഷ്ബാക്ക് പരിധി 4,000 രൂപയാണ്.
• മറ്റെല്ലാ ചെലവുകൾക്കും 1% ക്യാഷ്ബാക്ക് ലഭിക്കും.

100 രൂപയിൽ താഴെയുള്ള ചെലവുകൾക്ക് ക്യാഷ്ബാക്ക് ലഭിക്കില്ല.

ക്യാഷ്ബാക്ക് ലഭിക്കാത്ത പർച്ചേസുകൾ

• ഇന്ധനച്ചെലവ്
• വാലറ്റ് ഉപയോ​ഗിച്ച് പർച്ചേസ് ചെയ്യൽ
• ​ഗിഫ്റ്റ് അല്ലെങ്കിൽ പ്രീപെയ്ഡ് കാർഡ് ഉപയോ​ഗിക്കുമ്പോൾ
• വാടക ഇടപാടുകൾ
• സർക്കാരുമായി ബന്ധപ്പെട്ട ഇടപാടുകൾ
• യൂട്ടിലിറ്റി ഇടപാടുകൾ
• വിദ്യാഭ്യാസ പേയ്‌മെന്റുകൾ
• ആഭരണങ്ങൾ വാങ്ങുന്നത്
• ഇൻഷുറൻസ് പ്രീമിയങ്ങൾ
• റെയിൽവേ ഇടപാടുകൾ
• ഗെയിമിംഗ്
• ഇഎംഐ ചെലവുകൾ

ഇന്ധന സർചാർജ്

ഫ്ലിപ്കാർട്ട് എസ്‌ബി‌ഐ കാർഡിലൂടെ ഇന്ധനം വാങ്ങുമ്പോൾ 4,000 രൂപ വരെയുള്ള ഇടപാടുകൾക്ക് 1% ഇന്ധന സർചാർജ് ഇളവ് നൽകുന്നു. ഒരു സ്റ്റേറ്റ്‌മെന്റ് സൈക്കിളിൽ പരമാവധി ഇളവ് 400 രൂപയായിരിക്കും.

ജോയിനിം​ഗ് ഫീസും ഇളവുകളും

ഫ്ലിപ്കാർട്ട് എസ്‌ബി‌ഐ കാർഡിൻ്റെ ജോയിനിം​ഗ് ഫീസ് 500 രൂപ + നികുതിയാണ്. ഈ തുക അടച്ചാൽ നിങ്ങൾക്ക് 250 രൂപയുടെ ഫ്ലിപ്കാർട്ട് ഗിഫ്റ്റ് കാർഡ് ലഭിക്കും. കാർഡിന്റെ വാർഷിക പുതുക്കൽ ഫീസും 500 രൂപ + നികുതിയാണ്. നിങ്ങൾ ഒരു വർഷം 3.5 ലക്ഷം രൂപയോ അതിൽ കൂടുതലോ ചിലവഴിച്ചാൽ തൊട്ടടുത്ത വർഷത്തെ വാർഷിക ഫീസ് നൽകേണ്ടി വരില്ല.

പരിമിത കാല ഓഫർ

ഫ്ലിപ്കാർട്ട് ആപ്പ് വഴി ഈ ക്രെഡിറ്റ് കാർഡിന് അപേക്ഷിക്കുമ്പോൾ 1,000 രൂപയുടെ ഗിഫ്റ്റ് വൗച്ചറുകൾ ലഭിക്കും. 2025 ഓഗസ്റ്റ് 26 നും ഡിസംബർ 31 നും ഇടയിൽ അപേക്ഷിക്കുന്നവർക്കാണ് ഈ അധിക ആനുകൂല്യം ലഭിക്കുന്നത്. എന്നാൽ ഈ നേട്ടം ലഭിക്കണമെങ്കിൽ നിങ്ങളുടെ കാർഡിൻ്റെ അപേക്ഷ അം​ഗീകരിച്ചതിനു ശേഷം 30 ദിവസത്തിനുള്ളിൽ കാർഡ് ഉടമ ഫ്ലിപ്കാർട്ടിൽ ആദ്യ ഇടപാട് നടത്തണം.

500 രൂപയുടെ ഫ്ലിപ്കാർട്ട് ഗിഫ്റ്റ് കാർഡും, 500 രൂപയുടെ ക്ലിയർട്രിപ്പ് ഗിഫ്റ്റ് കാർഡുമാണ് ഇതിലൂടെ ലഭിക്കുന്നത്. ക്ലിയർട്രിപ്പ് ​ഗിഫ്റ്റ് കാർഡ് വിമാന ടിക്കറ്റുകൾ ബുക്ക് ചെയ്യാൻ ഉപയോഗിക്കാം.