Click it and Unblock the Notifications
റിസ്കെടുക്കാതെ നിക്ഷേപിക്കുന്നവര്ക്ക് അനുയോജ്യമായ ഇടമാണ് പോസ്റ്റ് ഓഫീസ്. നിരവധിയായ സമ്പാദ്യ പദ്ധതികല് പോസ്റ്റ് ഓഫീസ് അവതരിപ്പിച്ചിട്ടുണ്ട്. മാന്യമായ ആദായവും വ്യത്യസ്ത കാലയളവുമുള്ള ധാരാളം പദ്ധതികൾ പോസ്റ്റ് ഓഫീസിൽ നിന്ന് ലഭിക്കും. ഇതോടൊപ്പം പോസ്റ്റ് ഓഫീസ് പദ്ധതികളിൽ നിന്ന് ലഭിക്കുന്ന സർക്കാർ ഗ്യാരണ്ടി കാരണം നിക്ഷേപകര്ക്കിടയില് വലിയ സ്വാധീനം പോസ്റ്റ് ഓഫീസ് പദ്ധതികള്ക്കുണ്ട്.
ഈ ഗുണങ്ങളെല്ലാം ചേരുന്നൊരു പദ്ധതിയാണ് പോസ്റ്റ് ഓഫീസ് ഗ്രാം സുരക്ഷ സ്കീം. 1995 ല് ഗ്രാമീണ ഇന്ത്യക്കാര്ക്കായി ആരംഭിച്ച പദ്ധതിയാണിത്. റൂറല് പോസ്റ്റല് ലൈഫ് ഇന്ഷൂറന്സ് പോളിസിക്ക് കീഴിലാണ് പോസ്റ്റ് ഓഫീസ് ഗ്രാം സുരക്ഷ സ്കീം. മാസത്തില് 1500 രൂപ മാറ്റിവെയ്ക്കുന്നവര്ക്ക് 31-35 ലക്ഷം രൂപ വരെ നേടാന് സാധിക്കുന്നൊരു പദ്ധതിയാണിത്. വിശദാംശങ്ങള് ചുവടെ.
പദ്ധതി വിശദാംശം
19 വയസിനും 55 വയസിനും ഇടയില് പ്രായമുള്ള രാജ്യത്തെ എല്ലാ പൗരന്മാര്ക്കും പോസ്റ്റ് ഓഫീസ് ഗ്രാംസുരക്ഷ സ്കീമില് ചേരാന് സാധിക്കും. ഈ പദ്ധതിയില് നിന്ന് ലഭിക്കുന്ന ഏറ്റവും കുറഞ്ഞ ഇന്ഷൂറന്സ് 10,000 രൂപയും പരമാവധി ഇന്ഷൂറന്സ് 10 ലക്ഷം രൂപയുമാണ്. മാസത്തിലെ ത്രൈമാസത്തിലോ അര്ധ വര്ഷത്തിലോ വര്ഷത്തിലോ തവണകളടയ്ക്കാം. പ്രീമിയം അടയ്ക്കുന്നതിന് 30 ദിവസത്തെ ഗ്രേസ് പിരിയഡ് ലഭിക്കും.
കാലയളവ്
പോസ്റ്റ് ഓഫീസ് ഗ്രാം സുരക്ഷ സ്കീമിന്റെ കാലാവധി മൂന്ന് തരത്തിൽ ക്രമീകരിക്കാം. പോളിസി ഉടമയ്ക്ക് 55, 58, 60 വയസ് പൂർത്തിയാകുമ്പോൾ വരെ പോളിസി കാലാവധിയെത്തും. പോസ്റ്റ് ഓഫീസ് ഗ്രാം സുരക്ഷാ പദ്ധതി ഈടായി ഉപയോഗിച്ച് വായ്പ എടുക്കാനാകും. ഇതിന് പോളിസിയിൽ ചേർന്ന് നാല് വര്ഷം പൂർത്തിയാകണം. കൂടാതെ പദ്ധതിയിൽ അംഗമായി മൂന്ന് വര്ഷത്തിന് ശേഷം പോളിസി റദ്ദാക്കാം.
സറണ്ടർ ചെയ്യുന്ന സമയത്ത് യാതൊരു ലാഭവും ലഭിക്കില്ല. അഞ്ച് വര്ഷത്തിന് ശേഷം പോളിസി അവസാനിപ്പിക്കുകയാണെങ്കില് ബോണസിന് യോഗ്യതയുണ്ടായിരിക്കില്ല. പോളിസി സറണ്ടര് ചെയ്താല് കുറഞ്ഞ അഷ്വേര്ഡ് തുകയ്ക്ക് ആനുപാതികമായ ബോണസ് ലഭിക്കും.
എവിടെ നിന്ന് ലഭിക്കും
റൂറല് പോസ്റ്റല് ലൈഫ് ഇന്ഷൂറന്സ് പോളിസിക്ക് കീഴിൽ വരുന്നൊരു പദ്ധതിയാണ് പോസ്റ്റ് ഓഫീസ് ഗ്രാം സുരക്ഷ സ്കീം. രാജ്യത്തെ പോസ്റ്റ് ഓഫീസുകൾ വഴിയാണ് പോസ്റ്റ് ഓഫീസ് ഗ്രാം സുരക്ഷ സ്കീം നടപ്പിലാക്കുന്നത്. പദ്ധതിയിൽ ചേരാനും മറ്റു വിവരങ്ങളും തൊട്ടടുത്തുള്ള പോസ്റ്റ് ഓഫീസിൽ നിന്ന് ലഭിക്കും.
കാൽക്കുലേറ്റർ
19ാം വയസിൽ 10 ലക്ഷം രൂപ അഷ്വേര്ഡ് തുകയുള്ള ഗ്രാം സുരക്ഷ യോജനയില് ചേരുന്നൊരാൾക്ക് 55 വയസ് കാലാവധി തിരഞ്ഞെടുത്താൽ മാസത്തിൽ അടയ്ക്കേണ്ടി വരുന്നത് 1,515 രൂപയാണ്. ഇത് കാലാവധി പൂർത്തിയായാൽ 31.60 ലക്ഷം രൂപ ലഭിക്കും. ഇതേ പോളിസി 58 വയസുവരെ അടച്ചാൽ പ്രീമിയം തുക വരുന്നത് 1,463 രൂപയാണ്.
കാലാവധിയിൽ 33.40 ലക്ഷം രൂപ ലഭിക്കും. 60 വയസ് വരെ പ്രീമിയം അടയ്ക്കാൻ തിരഞ്ഞെടുക്കുന്നൊരാൾക്ക് മാസത്തിൽ 1,411 രൂപയാണ് അടയ്ക്കേണ്ടത്. കാലാവധിയിൽ 34.60 ലക്ഷം രൂപ ലഭിക്കും. ഗ്രാം സുരക്ഷാ സ്കീമിൽ ബോണസാണ് നിക്ഷേപിക്കുന്നയാൾക്ക് ലഭിക്കുക. അവസാനമായി 1,000 രൂപയ്ക്ക് വര്ഷത്തില് 60 രൂപയാണ് ബോണസ് അനുവദിച്ചത്.
More From GoodReturns
ബെംഗളൂരുവിലും മുംബൈയിലും ഹോട്ടലുകൾ താൽക്കാലിക അടച്ചുപൂട്ടലിലേക്ക്; മലയാളികളടക്കം ആശങ്കയിൽ
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
ബെംഗളൂരു മലയാളികളുടെ ശ്രദ്ധയ്ക്ക്, പെരിന്തല്മണ്ണ-ബെംഗളൂരു കെഎസ്ആര്ടിസി സര്വീസ്, സമയവും റൂട്ടും ഇതാ
എണ്ണ വിതരണത്തിൽ തലപുകച്ച് ഏഷ്യൻ രാജ്യങ്ങൾ, കടുത്ത നിയന്ത്രണവുമായി പാകിസ്ഥാൻ, സ്കൂളുകൾ അടച്ചു
മേക്ക് ഇന് ഇന്ത്യയ്ക്ക് കരുത്തായി ബെംഗളൂരുവില് എയര്ബസ് ടെക്നോളജി സെന്റര്, യൂറോപ്പിന് പുറത്തെ വലിയ കേന്ദ്രം
ബെംഗളൂരു നഗരത്തിന്റെ മുഖം മാറ്റാൻ സിദ്ധരാമയ്യ സർക്കാർ, ബജറ്റിൽ കോടികളുടെ പ്രഖ്യാപനം, വിശദമായി അറിയാം
Sign in with Google