Click it and Unblock the Notifications
2018 മുതല് ഇങ്ങോട്ടുള്ള റിപ്പോ നിരക്ക് പരിശോധിച്ചാല് ഏറ്റവും ഉയര്ന്ന നിരക്കാണ് ഇപ്പോഴത്തെ 6.25 ശതമാനം. ഡിസംബര് മാസത്തെ പണ നയ അവലോകന യോഗത്തില് കൂടി 35 അടിസ്ഥാന നിരക്ക് ഉയര്ത്തിയതോടെ ഈ സാമ്പത്തിക വര്ഷത്തില് മാത്രം 225 അടിസ്ഥാന നിരക്കിന്റെ വര്ധനവ് റിപ്പോ നിരക്കില് വന്നു. റിപ്പോ നിരക്കുയരുന്നതിന് അനുസരിച്ച് നിക്ഷേപകന് സന്തോഷ വേളയാണ്.
ബാങ്കുകള് സ്ഥിര നിക്ഷേപങ്ങളുടെ പലിശ നിരക്ക് ഉയര്ത്തുമെന്നത് തന്നെ കാരണം. പണപ്പെരുപ്പം കുറഞ്ഞു വരുന്ന ഘട്ടത്തില് നിക്ഷേപത്തിന് ഉയര്ന്ന നിരക്ക് ലഭിക്കുന്നത് ലാഭകരമാണ്. ഇത്തരത്തില് പലിശ നിരക്ക് 9 ശതമാനത്തിന് മുകളില് കടന്ന 2 ബാങ്കുകളെ പരിചയപ്പെടാം.
സൂര്യോദയ് സ്മോള് ഫിനാന്സ് ബാങ്ക്
പൊതുജനങ്ങള്ക്കും മുതിര്ന്ന പൗരന്മാര്ക്കും 9 ശതമാനത്തിന് മുകളില് പലിശ നല്കുന്ന ബാങ്കാണ് സൂര്യോദയ് സ്മോള് ഫിനാന്സ് ബാങ്ക്. ഡിസംബര് 6ന് നിലവില് വന്ന പുതിയ പലിശ നിരക്ക് പ്രകാരം ബാങ്ക് 4 ശതമാനം മുതല് 9 ശതമാനം വരെ പലിശ നല്കുന്നു.
മുതിര്ന്ന പൗരന്മാര്ക്ക് 9.26 ശതമാനവും പൊതുവിഭാഗത്തിന് 9.01 ശതമാനം പലിശയും ലഭിക്കും. 5 വര്ഷത്തേക്കുള്ള സ്ഥിര നിക്ഷേപത്തിനാണ് ഈ പലിശ നിരക്ക് നല്കുന്നത്.
ഡിസംബര് 6നും ഡിസംബര് 30നും ഉള്ളില് സ്ഥിര നിക്ഷേപമിടുന്നവര്ക്കാണ് ഈ നിരക്ക് ലഭിക്കുക. സൂര്യോദയ് സ്മോള് ഫിനാന്സ് ബാങ്കില് 999 ദിവസത്തേക്ക് 8.51 ശതമാനം പലിശ പൊതു വിഭാഗത്തിന് ലഭിക്കുന്നുണ്ട്. മുതിര്ന്ന പൗരന്മാര്ക്ക് 8.76 ശതമാനം പലിശയും ലഭിക്കും. 1 വര്ഷം 6 മാസം മുതല് 2 വര്ഷത്തേക്ക് 8.01 ശതമാനം പലിശയും 8.51 ശതമാനം പലിശയും സൂര്യോദയ് സ്മോള് ഫിനാന്സ് ബാങ്ക് നല്കുന്നു.
* 7 ദിവസം മുതല് 14 ദിവസം- 4%
* 15 ദിവസം മുതല് 45 ദിവസം- 4.25%
* 46 ദിവസം മുതല് 90 ദിവസം- 4.50%
* 91 ദിവസം മുതല് 6 മാസം- 5%
* 6 മാസം മുതല് 9 മാസം- 5.50%
* 9 മാസം മുതല് 1 വര്ഷത്തില് താഴെ- 6%
* 1 വര്ഷം മുതല് 1.6 വര്ഷം- 7%
* 2 വര്ഷം മുതല് 998 ദിവസം- 7.51%
* 3 വര്ഷത്തേക്ക്- 7.25%
* 10 വര്ഷത്തേക്ക് 6%
യൂണിറ്റി സ്മോള് ഫിനാന്സ് ബാങ്ക്
2022 നവംബര് 31നാണ് യൂണിറ്റി സ്മോള് ഫിനാന്സ് ബാങ്ക് പലിശ നിരക്കുയര്ത്തിയത്. പൊതു വിഭാഗത്തിന് 8.50 ശതമാനവും മുതിര്ന്ന പൗരന്മാര്ക്ക് 9 ശതമാനം പലിശയും ലഭിക്കും.
181 ദിവസത്തേക്കും 501 ദിവസത്തേക്കുമുള്ള പ്രത്യേക സ്ഥിര നിക്ഷേപങ്ങള്ക്കാണ് ഈ നിരക്ക് ലഭിക്കുക. 5 വര്ഷത്തേക്ക് 7.65 ശതമാനമാണ് ബാങ്ക് നല്കുന്ന പലിശ നിരക്ക്. ംുതിര്ന്ന പൗരന്മാര്ക്ക് 8.15 ശതമാനം പലിശയും ലഭിക്കും. 3 വര്ഷത്തേക്കും ഇത പലിശ നിരക്ക് ലഭിക്കും.
സുരക്ഷിതത്വം
സൂര്യോദയ് സ്മോള് ഫിനാന്സ് ബാങ്കും യൂണിറ്റി സ്മോള് ഫിനാന്സ് ബാങ്കിലെയും നിക്ഷേപത്തിന് സുരക്ഷിതത്വമുണ്ട്. റിസര്വ് ബാങ്ക് സബ്സിഡിയറിയായ ഡെപ്പോസിറ്റ് ഇന്ഷൂറന്സ് ആന്ഡ് ക്രെഡിറ്റ് ഗ്യാരണ്ടി കോര്പ്പറേഷന്റെ ഇന്ഷൂറന്സ് പരിരക്ഷ രണ്ട് ബാങ്കുകള്ക്കും ലഭിക്കും. ഇതിനാല് നിക്ഷേപവും പലിശയും അടയ്ക്കം 5 ലക്ഷം രൂപയ്ക്ക് ഡെപ്പോസിറ്റ് ഇന്ഷൂറന്സ് ആന്ഡ് ക്രെഡിറ്റ് ഗ്യാരണ്ടി കോര്പ്പറേഷന് വഴി സുരക്ഷിതമായിരിക്കും.
More From GoodReturns
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
ബെംഗളൂരു മലയാളികളുടെ ശ്രദ്ധയ്ക്ക്, പെരിന്തല്മണ്ണ-ബെംഗളൂരു കെഎസ്ആര്ടിസി സര്വീസ്, സമയവും റൂട്ടും ഇതാ
എണ്ണ വിതരണത്തിൽ തലപുകച്ച് ഏഷ്യൻ രാജ്യങ്ങൾ, കടുത്ത നിയന്ത്രണവുമായി പാകിസ്ഥാൻ, സ്കൂളുകൾ അടച്ചു
മേക്ക് ഇന് ഇന്ത്യയ്ക്ക് കരുത്തായി ബെംഗളൂരുവില് എയര്ബസ് ടെക്നോളജി സെന്റര്, യൂറോപ്പിന് പുറത്തെ വലിയ കേന്ദ്രം
ബെംഗളൂരുവിൽ ഇനി ഭക്ഷണം കുറഞ്ഞ നിരക്കിൽ കിട്ടില്ല; കാരണമിതാണ്…
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
ദുബായിൽ സ്വർണ വില ഇടിഞ്ഞു, അധികം വാങ്ങിയാൽ മികച്ച ലാഭം, പവന്റെ വിലയിലെ മാറ്റം അറിയാം
വന്ദേ ഭാരത് സ്ലീപ്പര് നിരക്ക് പുറത്ത്; മറ്റ് ട്രെയിന് നിരക്ക് ഘടന, സബ്സിഡി,ആനുകൂല്യങ്ങള് അറിയാം
യാത്ര പോകുന്നവർ അറിയാൻ, ട്രെയിൻ സർവ്വീസുകളിൽ മാറ്റങ്ങളുണ്ട്, ശ്രദ്ധിച്ചില്ലെങ്കിൽ എട്ടിന്റെ പണി
Sign in with Google