ഇടിവിന് ഇടവേള, മുകളിലേക്ക് ഉയർന്ന് സ്വർണവില, പവന്‍റെ വില വീണ്ടും റെക്കോർഡ് തീർക്കുമോ, ഇന്നത്തെ നിരക്കറിയാം

സ്വർണവിലയിലെ ചാഞ്ചാട്ടം തുടരുകയാണ്. കഴിഞ്ഞ രണ്ട് ദിവസം താഴേക്ക് ഇറങ്ങാൻ തയ്യാറായ സ്വർണവില ഇന്ന് വീണ്ടും ചെറുതായി മുകളിലേക്ക് ഉയർന്നു. അതോടെ ആഭരണ പ്രേമികളുടെ ആശങ്ക വർധിച്ചിട്ടുണ്ട്. വരും ദിവസങ്ങളിലും സ്വർണവില മുകളിലേക്ക് ഉയർന്നാൽ അത് വലിയ അളവിൽ സ്വർണം വാങ്ങുന്നവർക്ക് അധിക സാമ്പത്തിക ബാധ്യതയുണ്ടാക്കും.

ഇന്നത്തെ വില

ഇന്നലെ കേരളത്തിലെ സ്വർണ്ണ വിലയിൽ മാറ്റമില്ലായിരുന്നു. ഒരു പവൻ സ്വർണ്ണത്തിന് 53,680 രൂപയും, ഗ്രാമിന് 6,710 രൂപയുമായിരുന്നു വില. എന്നാൽ ഇന്ന് പവന് 160 രൂപ കൂടി. ഒരു പവൻ സ്വർണ്ണത്തിന് 53,840 രൂപയും, ഗ്രാമിന് 6,730 രൂപയുമാണ് വില.

ആഭരണം വാങ്ങാൻ എത്ര രൂപ നൽകണം..?

സ്വർണവില നേരിയ തോതിൽ കൂടിയ സാഹചര്യത്തിൽ ഒരു പവൻ ആഭരണം വാങ്ങാൻ എത്ര രൂപ നൽകേണ്ടി വരും എന്ന് നോക്കാം. സ്വർണാഭരണം വാങ്ങുമ്പോൾ പവന്‍റെ വിലയോടൊപ്പം പണിക്കൂലി, നികുതി, ഹാൾമാർക്കിംങ് നിരക്കുകൾ തുടങ്ങിയ കൂടി നൽകണം. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടുമ്പോൾ ഒരു പവൻ സ്വർണാഭരണം വാങ്ങാൻ ഏകദേശം 59,000 രൂപ നൽകേണ്ടി വരും.

ആഗോള സ്വർണ്ണവില

അന്താരാഷ്ട്ര തലത്തിൽ, ചെറിയ നേട്ടത്തിലാണ് ബുധനാഴ്ച്ച രാവിലെ സ്വർണ്ണ വ്യാപാരം നടക്കുന്നത്. ട്രോയ് ഔൺസിന് 7.13 ഡോളർ (0.30%) ഉയർന്ന് 2,379.99 ഡോളർ എന്നതാണ് നിരക്ക്.

ഇത് തുടർച്ചയായ മൂന്നാമത്തെ ദിവസമാണ് ആഗോള തലത്തിൽ സ്വർണ്ണ വില ലാഭമുണ്ടാക്കുന്നത്. യു.എസ് ഫെഡ് മേധാവി ജെറോം പവലിന്റെ പ്രസ്താവന വിപണിയിൽ വീണ്ടും പ്രതീക്ഷ ജനിപ്പിച്ചിരിക്കുകയാണ്. വരുന്ന സെപ്തംബറിലും, പിന്നീട് ഡിസംബറിലും പലിശ നിരക്കുകൾ കുറയ്ക്കുമെന്നാണ് വിപണിയുടെ പ്രതീക്ഷ.

അഡ്വാന്‍സ് ബുക്കിംഗ് ഗുണം ചെയ്യും

സ്വർണവിലയിലെ ചാഞ്ചാട്ടം തുടരുന്ന സാഹചര്യത്തിൽ വരും ദിവസങ്ങളിൽ വലിയ അളവിൽ സ്വർണാഭരണം വാങ്ങാൻ ഉദ്ദേശിക്കുന്നവർ അഡ്വാന്‍സ് ബുക്കിംഗ് നടത്തുന്നതാണ് നല്ലത്. കാരണം പവന്‍റെ വിലയിൽ വർധനവുണ്ടായാൽ അതുവഴി ഉണ്ടാകുന്ന സാമ്പത്തിക നഷ്ടം കുറയ്ക്കാൻ അഡ്വാന്‍സ് ബുക്കിംഗ് സഹായിക്കും.

സ്വര്‍ണവിലയുടെ 10 ശതമാനം മുതല്‍അഡ്വാന്‍സ് നല്‍കി സ്വര്‍ണം ബുക്ക് ചെയ്യാം. സ്വര്‍ണ വില കൂടിയാല്‍ബുക്ക് ചെയ്ത വിലയിലും വില കുറഞ്ഞാല്‍കുറഞ്ഞ വിലയിലും സ്വര്‍ണം ലഭിക്കും എന്നതാണ് അഡ്വാൻസ് ബുക്കിം​ഗിന്‍റെ പ്രത്യേകത.

സ്വർണത്തിലെ നിക്ഷേപം

പരമ്പരാഗത സ്വർണ്ണാഭരണങ്ങൾ, സ്വർണ്ണ നാണയങ്ങൾ എന്നിവ കൂടാതെ ഇന്ന് പലതരം നിക്ഷേപാവസരങ്ങൾ സ്വർണ്ണത്തിൽ ലഭ്യമാണ്. സോവറിൻ ഗോൾഡ് ബോണ്ടുകൾ, ഗോൾഡ് എക്സ്ചേഞ്ച് ട്രേഡഡ് ഫണ്ടുകൾ അഥവാ ഇ.ടി.എഫ്, ഗോൾഡ് മ്യൂച്വൽ ഫണ്ടുകൾ തുടങ്ങിയവ ഉദാഹരണമാണ്.

1. സോവറിൻ ഗോൾഡ് ബോണ്ടുകൾ

ഒരു ഗ്രാം സ്വർണ്ണത്തിന്‍റെ യൂണിറ്റുകളടങ്ങിയ സർക്കാർ സെക്യൂരിറ്റിയാണ് സോവറിൻ ഗോൾഡ് ബോണ്ട് സ്കീം. നിക്ഷേപകർ ഇഷ്യൂ വില പണമായി നൽകണം, കാലാവധി പൂർത്തിയാകുമ്പോൾ ബോണ്ടുകൾ പണമായി റിഡീം ചെയ്യപ്പെടും.

2. ഗോൾഡ് ഇടിഎഫുകൾ

ആഭ്യന്തര വിപണിയിലെ സ്വർണ്ണത്തിന്‍റെ വിലയെ അടിസ്ഥാനമാക്കി തയ്യാറാക്കിയിട്ടുള്ള എക്‌സ്ചേഞ്ച് ട്രേഡ് ഫണ്ടാണ് ഇത്. ഈ എക്സ്ചേഞ്ച്-ട്രേഡഡ് ഫണ്ടുകൾ വ്യക്തിഗത സ്റ്റോക്കുകൾ പോലെ പ്രവർത്തിക്കുകയും ഷെയറുകളുടേതിന് സമാനമായ സ്റ്റോക്ക് എക്സ്ചേഞ്ചിൽ ട്രേഡ് ചെയ്യുകയും ചെയ്യുന്നു.

3. ​ഗോൾഡ് മ്യൂച്വൽ ഫണ്ടുകൾ

ഡീമാറ്റ് അക്കൗണ്ടില്ലാതെ ഡിജിറ്റലായി സ്വർണത്തിൽ നിക്ഷേപിക്കാനുള്ള മാർ​ഗമാണ് ​ഗോൾഡ് മ്യൂച്വൽ ഫണ്ടുകൾ. സ്വർണ ഇടിഎഫുകളുടെ വൈവിധ്യമാർന്ന പോർട്ട്‌ഫോളിയോയിലാണ് ​ഗോൾഡ് മ്യൂച്വൽ ഫണ്ടുകൾ നിക്ഷേപിക്കുന്നത്.