5 ലക്ഷം പരിധിയുള്ള ക്രെഡിറ്റ് കാർഡുമായി കേന്ദ്ര സർക്കാർ; ആർക്കെല്ലാം ഇതിന് അപേക്ഷിക്കാം?

വായ്പകൾ ഇനി മുതൽ ക്രെഡിറ്റ് കാർഡിലൂടെ ഉറപ്പാക്കാം. അതായത് 2025 ലെ കേന്ദ്ര ബജറ്റിൽ വാഗ്ദാനം ചെയ്തതുപോലെ, ഏപ്രിൽ മുതൽ മൈക്രോ സംരംഭകർക്ക് 5 ലക്ഷം രൂപ പരിധിയിലുള്ള ക്രെഡിറ്റ് കാർഡുകൾ ലഭിക്കും. ഇത് ഇത്തരം സംരംഭകർക്ക് കൂടുതൽ സഹായകരമാവും. മാത്രമല്ല ഈ സൗകര്യം അടുത്ത കുറച്ച് വർഷങ്ങളിൽ മൈക്രോ യൂണിറ്റുകൾക്ക് 30,000 കോടി രൂപയുടെ അധിക ധനസഹായം നൽകാൻ സാധ്യതയുണ്ട്. ഇത് ബിസിനസ് വിപുലീകരണത്തിനുള്ള മറ്റ് വായ്പാ ഓപ്ഷനുകൾക്ക് അനുബന്ധമായിരിക്കും.

ഈ പദ്ധതിയിലൂടെ ആവശ്യക്കാർക്ക് നേട്ടം ഉറപ്പാക്കാം. മാത്രമല്ല ഈ പദ്ധതിയിലൂടെ ക്രെഡിറ്റ് കാർഡ് നേടുന്നതിനും ചെറുകിട ബിസിനസുകാർ രജിസ്റ്റർ ചെയ്യേണ്ടതുണ്ട്. ഈ സാഹചര്യത്തിൽ, 5 ലക്ഷം രൂപ പരിധിയുള്ള ഈ ക്രെഡിറ്റ് കാർഡ് ലഭിക്കുന്നതിനുള്ള ചെറുകിട ബിസിനസുകാർക്കുള്ള യോഗ്യതാ മാനദണ്ഡങ്ങൾ വിശദമായി പരിശോധിക്കാം;

ക്രെഡിറ്റ് കാർഡ് ലഭിക്കുന്നതിനുള്ള പരിധിയും വ്യവസ്ഥകളും

സ്വന്തമായി കടകൾ നടത്തുന്നവരും, ചെറുകിട നിർമ്മാണത്തിൽ ഏർപ്പെടുന്നവരുമായ വ്യക്തികൾക്ക് 5 ലക്ഷം രൂപ പരിധിയുള്ള ഈ ക്രെഡിറ്റ് കാർഡ് ലഭ്യമാകും. എന്നിരുന്നാലും, ഈ ബിസിനസ്സ് ഉടമകൾക്ക് അവരുടെ യുപിഐ ഇടപാടുകൾ, ബാങ്ക് സ്റ്റേറ്റ്‌മെന്റുകൾ, ബിസിനസിന്റെ നിലവിലെ അവസ്ഥ എന്നിവ വിലയിരുത്തലിന് ശേഷമേ ക്രെഡിറ്റ് കാർഡുകൾ അനുവദിക്കുകയുള്ളൂ. ഒരു വർഷത്തെ വാലിഡിറ്റിയാണ് ഈ ക്രെഡിറ്റ് കാർഡുകൾക്ക് ഉള്ളത്. 10-25 ലക്ഷം രൂപ വരെ വാർഷിക വിറ്റുവരവുള്ളവർക്ക് മാത്രമേ സർക്കാരിന്റെ മൈക്രോ ക്രെഡിറ്റ് കാർഡിന് യോഗ്യത ലഭിക്കൂ.

യു.പി.ഐ ഉപഭോക്താക്കളുടെ ശ്രദ്ധക്ക്.... ഈ ഇടപാടുകൾക്ക് ​ഗൂ​ഗിൾ പേ കൺവീനിയൻസ് ചാർജ് ഈടാക്കും

ബിസിനസുകാർക്കുള്ള രജിസ്ട്രേഷൻ പ്രക്രിയ

സർക്കാർ നൽകുന്ന ഈ ക്രെഡിറ്റ് കാർഡാണ് ഇത്. അതിനായി രാജ്യത്തുടനീളമുള്ള ചെറുകിട ബിസിനസുകാർ ഉദ്യം പോർട്ടലിൽ രജിസ്റ്റർ ചെയ്യണം. അതിനു ശേഷമം അവർക്ക് MSME ക്രെഡിറ്റ് കാർഡ് ലഭിക്കും.

• ഔദ്യോഗിക വെബ്സൈറ്റായ ഉദ്യം പോർട്ടൽ സന്ദർശിക്കുക: msme.gov.in.
• 'ക്വിക്ക് ലിങ്കുകൾ' എന്ന ഓപ്ഷനിൽ ക്ലിക്ക് ചെയ്യുക.
• 'ഉദ്യം രജിസ്ട്രേഷൻ' ഓപ്ഷൻ തിരഞ്ഞെടുക്കുക.
• രജിസ്ട്രേഷൻ പ്രക്രിയ പൂർത്തിയാക്കാൻ തുടർന്നുള്ള നിർദ്ദേശങ്ങൾ പാലിക്കുക.

2025 ലെ കേന്ദ്ര സർക്കാരിന്റെ ബജറ്റിൽ ചെറുകിട ബിസിനസ് ഉടമകളെ പ്രോത്സാഹിപ്പിക്കുന്നതിനായി സർക്കാർ 5 ലക്ഷം രൂപ പരിധിയിലുള്ള ക്രെഡിറ്റ് കാർഡുകൾ നൽകുന്ന പദ്ധതി പ്രഖ്യാപിച്ചിരുന്നു. അതാണ് ഈ ക്രെഡിറ്റ് കാർഡ് സ്കീം. മാത്രമല്ല കർഷകർക്കും മധ്യവർഗത്തിനും നിരവധി ഇളവുകൾ ബജറ്റ് അവതരിപ്പിച്ചു, അതോടൊപ്പം അവരുടെ പ്രത്യേക ആവശ്യങ്ങൾ നിറവേറ്റുന്നതിനായി രൂപകൽപ്പന ചെയ്ത സുപ്രധാന പദ്ധതികളും പ്രഖ്യാപിച്ചു.