ഇന്ത്യൻ കുടുംബങ്ങളിൽ സ്വർണ്ണാഭരണങ്ങൾ വാങ്ങുന്നത് ഒരു പഴയ പാരമ്പര്യമാണ്. വിവാഹസമയത്ത് ആഭരണങ്ങൾ വാങ്ങുന്നതിനു പുറമേ, ധൻതേരസ്, അക്ഷയ തൃതീയ തുടങ്ങിയ അവസരങ്ങളിലും ഇന്ത്യക്കാർ സ്വർണം വാങ്ങാറുണ്ട്. സ്വർണം വാങ്ങുന്നത് കുടുംബത്തിന് അഭിവൃദ്ധി നൽകുന്നുമെന്ന വിശ്വാസത്തിലാണിത്. റിയൽ എസ്റ്റേറ്റ്, ഫിക്സഡ് ഡെപ്പോസിറ്റ് എന്നിവ പോലെ, സാമ്പത്തിക പ്രതിസന്ധി നേരിട്ടാൽ വായ്പയെടുക്കാൻ ഇന്ത്യക്കാർ ഏറ്റവും കൂടുതൽ തിരഞ്ഞെടുക്കാറുള്ളത് സ്വർണ പണയത്തെയാണ്.
ലാഭകരമായ പലിശ നിരക്ക്
സ്വർണ്ണത്തിനെതിരെ വായ്പ ലഭിക്കുന്നത് എളുപ്പമുള്ളത് മാത്രമല്ല ചെലവ് കുറഞ്ഞതുമാണ്. ഒരു സ്വർണ്ണ വായ്പയുടെ പലിശ നിരക്ക് വ്യക്തിഗത വായ്പകളിൽ നിന്നോ ക്രെഡിറ്റ് കാർഡുകൾക്കെതിരായ വായ്പകളിൽ നിന്നോ ഈടാക്കുന്ന പലിശ നിരക്കിനേക്കാൾ കുറവാണ്, കാരണം ഇത് ഒരു സുരക്ഷിത വായ്പയാണ്. ഒരാൾക്ക് 30 മിനിറ്റിനുള്ളിൽ സ്വർണ്ണ വായ്പ ലഭിക്കും. കൂടാതെ, നിങ്ങൾക്ക് ഒന്നിലധികം തിരിച്ചടവ് ഓപ്ഷനുകളും ലഭിക്കും.
പലിശ ഇഎംഐ ആയി അടയ്ക്കാം
ഈ ഓപ്ഷനിലൂടെ, സ്വർണ്ണ വായ്പയുടെ ഇഎംഐ ഷെഡ്യൂൾ അനുസരിച്ച് നിങ്ങൾക്ക് പലിശ തുക തിരിച്ചടയ്ക്കാം. എന്നാൽ കടമെടുത്ത പ്രധാന തുക പിന്നീട് പൂർണമായി നൽകണം.
ബുള്ളറ്റ് തിരിച്ചടവ്
ബുള്ളറ്റ് തിരിച്ചടവിൽ, ബാങ്ക് പ്രതിമാസ അടിസ്ഥാനത്തിൽ പലിശ ഈടാക്കും. പക്ഷേ ഇത് വായ്പയുടെ കാലാവധി അവസാനിക്കുമ്പോൾ മാത്രം വായ്പ തുകയ്ക്ക് ഒപ്പം അടച്ചാൽ മതി. ആറ് മാസം മുതൽ ഒരു വർഷം വരെയുള്ള ഹ്രസ്വകാല സ്വർണ്ണ വായ്പകൾക്ക് ഇത് അനുയോജ്യമാണ്. ഇത്തരത്തിലുള്ള സ്വർണ്ണ വായ്പയിൽ നിങ്ങൾ ഇഎംഐകൾ ഓപ്ഷൻ തിരഞ്ഞെടുക്കേണ്ടതില്ല. കാലാവധിയുടെ അവസാനത്തിൽ അടയ്ക്കേണ്ട മുഴുവൻ തുകയും ഒരൊറ്റ തവണയായി അടയ്ക്കുക. അതിനാലാണ് ബുള്ളറ്റ് തിരിച്ചടവ് എന്ന പദം ഉപയോഗിക്കുന്നത്.
ഭാഗിക പേയ്മെന്റുകൾ
ഈ തിരിച്ചടവ് ഓപ്ഷനിൽ, നിങ്ങൾക്ക് മതിയായ സമ്പാദ്യം ലഭിക്കുമ്പോഴെല്ലാം നിങ്ങളുടെ സ്വർണ്ണ വായ്പ നൽകുന്നയാൾക്ക് ഭാഗിക പേയ്മെന്റുകൾ നടത്താം. ഈ തിരിച്ചടവ് ഓപ്ഷനിൽ നിങ്ങൾ ഇഎംഐ ഷെഡ്യൂൾ നൽകേണ്ടതില്ല. മുൻകൂട്ടി നിശ്ചയിച്ച ഇഎംഐ ഷെഡ്യൂൾ പരിഗണിക്കാതെ തന്നെ പലിശയുടെയും പ്രധാന ഘടകങ്ങളുടെയും ഭാഗികമോ പൂർണ്ണമോ ആയ പേയ്മെന്റുകൾ നടത്താൻ ബാങ്കുകൾ നിങ്ങളെ അനുവദിക്കും.
പതിവ് പ്രതിമാസ ഇഎംഐ
ഇത് പ്രതിമാസ ശമ്പളമുള്ള സാധാരണക്കാർക്ക് അനുയോജ്യമായ വായ്പ തിരിച്ചടവ് ഓപ്ഷനാണ്. പലിശയും തിരിച്ചടവും വായ്പ വിതരണം ചെയ്ത മാസത്തെ തുടർന്നുള്ള മാസം മുതൽ ആരംഭിക്കും.