പോസ്റ്റ്‌ ഓഫീസിന്റെ ഈ നിക്ഷേപ പദ്ധതിയിൽ1.5 ലക്ഷം രൂപ നിക്ഷേപിച്ചാൽ, 71 ലക്ഷം രൂപ റിട്ടേൺ ലഭിക്കും

ഇന്നത്തെ കാലത്ത് ആളുകൾ സർക്കാർ പദ്ധതികളിലും ബാങ്ക് എഫ്ഡിയിലും നിക്ഷേപിക്കുന്നതിന് പകരം മറ്റു മാർഗങ്ങൾ അന്വേഷിക്കുകയാണ്. അതുകൊണ്ട് തന്നെ ഓഹരി വിപണിയിൽ നിക്ഷേപകരുടെ എണ്ണം വർധിച്ചു വരുന്നു. എങ്കിലും, സർക്കാർ പദ്ധതികളിൽ നിക്ഷേപിക്കുന്നത് നിങ്ങൾക്ക് ധാരാളം നേട്ടങ്ങളുണ്ടാക്കുന്നു. അങ്ങനെയുള്ള ഒരു പദ്ധതിയാണ് സുകന്യ സമൃധി യോജന. പെൺകുട്ടികൾക്കായുള്ള ഈ പദ്ധതിയിൽ നമ്മുടെ രാജ്യത്തെ ഏതൊരു പൗരനും 10 വയസോ അതിൽ താഴെയോ പ്രായമുള്ള തന്റെ മകളുടെ പേരിൽ നിക്ഷേപം ആരംഭിക്കാൻ സാധിക്കും.

സുകന്യ സമൃധി യോജനയുടെ ഏറ്റവും വലിയ പ്രത്യേകത എന്തെന്നാൽ, രാജ്യത്ത്‌ പ്രവർത്തിക്കുന്ന എല്ലാ സർക്കാർ പദ്ധതികളിൽ നിന്നും ഏറ്റവും കൂടുതൽ പലിശ നൽകുന്ന പദ്ധതികളിലൊന്നാണ് എന്നതാണ്.നികുതി ആനുകൂല്യമുള്ള ഈ പദ്ധതിക്ക് കീഴിൽ നിങ്ങൾക്ക് മൊത്തം 15 വർഷത്തേക്ക് നിക്ഷേപം നടത്താം. അക്കൗണ്ട് ഉടമകൾക്ക് എല്ലാവർഷവും 8.2 ശതമാനം പലിശയാണ് പദ്ധതി വാഗ്ദാനം ചെയ്യുന്നത്. അത്തരമൊരു സാഹചര്യത്തിൽ, 15 വർഷത്തേക്ക് ഒരു നിശ്ചിത തുക നിക്ഷേപിക്കുന്നതിലൂടെ, നിങ്ങളുടെ മകൾക്ക് 71 ലക്ഷം രൂപയുടെ സമ്പാദ്യം ഉണ്ടാക്കാൻ സാധിക്കും. വർഷത്തിൽ കുറഞ്ഞത് 250 രൂപയും പരമാവധി 1.5 ലക്ഷം രൂപ വരെയും പദ്ധതിയിൽ നിക്ഷേപിക്കാം.

പദ്ധതിയിലെ നിക്ഷേപ തുക എല്ലാ വർഷവും ഏപ്രിൽ 5ന് മുമ്പ് തന്നെ നിക്ഷേപിക്കണം. അങ്ങനെ ചെയ്യുമ്പോൾ പരമാവധി പലിശ ലഭിക്കും. ഈ പദ്ധതിക്ക് കീഴിൽ നിങ്ങൾ 15 വർഷത്തേക്ക് പ്രതിവർഷം 1.5 ലക്ഷം രൂപ നിക്ഷേപിക്കാം. അതിൽ നിങ്ങൾക്ക് പരമാവധി അനുകൂല്യം ലഭിക്കും. എല്ലാ സാമ്പത്തിക വർഷവും ഏപ്രിൽ 5ന് മുമ്പ് ഈ തുക അക്കൗണ്ടിൽ നിക്ഷേപിക്കുമ്പോൾ മാത്രമേ, പരമാവധി പലിശ നേടാൻ നിങ്ങൾക്ക് സാധിക്കുകയുള്ളൂ. 15 വർഷത്തേക്ക് 1.5 ലക്ഷം രൂപ നിക്ഷേപിക്കുമ്പോൾ, മൊത്തം നിക്ഷേപം 22,50,000 രൂപയായിരിക്കും. അപ്പോൾ പലിശ ഇനത്തിൽ മാത്രം നിങ്ങൾക്ക് 49,32,119 രൂപ ലഭിക്കും. അങ്ങനെ കാലാവധി പൂർത്തിയാകുമ്പോൾ നിങ്ങൾക്ക് ആകെ 71,82,119 രൂപ ലഭിക്കുന്നതാണ്. ഈ തുക പൂർണമായും നികുതിയിൽ നിന്ന് ഒഴിവാണ്.

ദിവസം 7 രൂപ മാറ്റിവെച്ചാൽ 5000 രൂപ പ്രതിമാസ പെൻഷൻ നേടാം; ആ മികച്ച പദ്ധതിയേതാണെന്നറിയണ്ടേ?

കേന്ദ്ര സർക്കാർ ആരംഭിച്ച ഈ പദ്ധതി പോസ്റ്റ്‌ ഓഫീസിന്റെ ഏത് ശാഖയിലും തുറക്കാൻ സാധിക്കും. ഓരോ മൂന്ന് മാസത്തിലും സുകന്യ സമൃധി യോജന അക്കൗണ്ടിന് നൽകുന്ന പലിശയിൽ സർക്കാർ മാറ്റം വരുത്തുന്നുണ്ട്. പലിശ കൂടുകയോ കുറയുകയോ ചെയ്യുമ്പോൾ കാലാവധി പൂർത്തിയാകുന്ന സമയത്ത്, ലഭിക്കുന്ന തുകയെ അത് ബാധിക്കുന്നതാണ്.