Click it and Unblock the Notifications
പോസ്റ്റ് ഓഫീസ് സമ്പാദ്യ പദ്ധതികളുടെ പ്രധാന നേട്ടങ്ങൾ സർക്കാർ ഗ്യാരണ്ടി, നികുതി ഇളവ്, മാന്യമായ പലിശ എന്നിവയാണ്. സർക്കാർ ഗ്യാരണ്ടിയുള്ളതിനാൽ സുരക്ഷിതമായി നിക്ഷേപം നടത്താം. നിക്ഷേപിക്കുന്ന തുകയ്ക്കും കാലാവധിയെത്തുന്ന തുകയ്ക്കും നികുതി ഇളവ് ലഭിക്കുന്ന നിക്ഷേപങ്ങൾ പോസ്റ്റ് ഓഫീസ് സമ്പാദ്യ പദ്ധതികളുടെ കൂട്ടത്തിലുണ്ട്. ആദായ നികുതി നിയമത്തിലെ സെക്ഷൻ 80സി പ്രകാരം നികുതി ഇളവ് നൽകുന്നവയാണിവ.
ഇതോടൊപ്പം രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യയുമായി താരതമ്യം ചെയ്യുമ്പോൾ ബാങ്കിനേക്കാൾ മികച്ച പലിശയും പോസ്റ്റ് ഓഫീസ് സമ്പാദ്യ പദ്ധതികൾ നൽകുന്നു. പബ്ലിക്ക് പ്രൊവിഡന്റ് ഫണ്ട്, നാഷണൽ സേവിംഗ്സ് സ്കീം, 5 വർഷ സ്ഥിര നിക്ഷേപം, സുകന്യ സമൃദ്ധി യോജന, സീനിയർ സിറ്റിസൺ സേവിംഗ്സ് സ്കീം എന്നിവയാണ് ഈ നേട്ടങ്ങൾ ചേരുന്ന പദ്ധതികൾ. വിശദമായി നോക്കാം.
പബ്ലിക്ക് പ്രൊവിഡന്റ് ഫണ്ട്
15 വർഷം കാലാവധിയുള്ള നിക്ഷേപമാണ് പബ്ലിക്ക് പ്രൊവിഡന്റ് ഫണ്ട്. നിക്ഷേപകർക്ക് നികുതി ഇളവ് പബ്ലിക്ക് പ്രൊവിഡന്റ് ഫണ്ടിലൂടെ ലഭിക്കും. സാമ്പത്തിക വർഷത്തിൽ നിക്ഷേപിക്കാവുന്ന തുക മുഴുവനും ആദായ നികുതി നിയമത്തിലെ സെക്ഷൻ 80സിക്ക് കീഴിൽ വരും. മാസ തവണകളായോ ഒറ്റത്തവണയായോ നിക്ഷേപിക്കാം.
ജനുവരി- മാർച്ച് പാദത്തിൽ പബ്ലിക്ക് പ്രൊവിഡന്റ് ഫണ്ടിന് 7.1 ശതമാനം പലിശ വാഗ്ദാനം ചെയ്യുന്നുണ്ട്. നിക്ഷേപം കാലാവധി പൂർത്തിയാകുമ്പോൾ ലഭിക്കുന്ന തുകയ്ക്കും പലിശ വരുമാനത്തിനും നികുതി നൽകേണ്ടതില്ല. ഇഇഇ (EEE) കാറ്റഗറിയിൽ വരുന്ന നിക്ഷേപമാണിത്.
സുകന്യ സമൃദ്ധി യോജന
സുകന്യ സമൃദ്ധി യോജന പെൺകുട്ടികൾക്കായുള്ള നിക്ഷേപമാണ്. രക്ഷിതാക്കൾക്ക് പെൺകുട്ടികളുടെ പേരിൽ അക്കൗണ്ടെടുക്കാം. സുകന്യ സമൃദ്ധി യോജനയ്ക്ക് ജനുവരി- മാർച്ച് പാദത്തിൽ ലഭിക്കുന്ന പലിശ നിരക്ക് 7.60 ശതമാനമാണ്. സാമ്പത്തിക വർഷത്തിൽ 250 രൂപ മുതൽ 1.50 ലക്ഷം രൂപ വരെ നിക്ഷേപിക്കാം. 80സി ആനുകൂല്യം ലഭിക്കുന്നതിനോടൊപ്പം പലിശയ്ക്കും കാലാവധിയിൽ ലഭിക്കുന്ന തുകയ്ക്കും നികുതി നൽകേണ്ടതില്ല.
5 വർഷ ടൈം ഡെപ്പോസിറ്റ്
ബാങ്കിലെ ടാക്സ് സേവിംഗ് സ്ഥിര നിക്ഷേപങ്ങളെ പോലെ പോസ്റ്റ് ഓഫീസിൽ ലഭിക്കുന്നൊരു സ്ഥിര നിക്ഷേപമാണ് 5 വർഷ ടൈം ഡെപ്പോസിറ്റ്. സാമ്പത്തിക വർഷത്തി്ൽ 1.50 ലക്ഷം രൂപയ്ക്ക് നികുതി ഇളവുണ്ട്. പദ്ധതിയിൽ നിക്ഷേപിക്കാവുന്ന ഏറ്റവും കുറഞ്ഞ തുക 1000 രൂപയാണ്. പരിധിയില്ലാതെ നിക്ഷേപിക്കാം. 7 ശതമാനം പലിശ 5 വർഷത്തെ ടൈം ഡെപ്പോസിറ്റിന് ലഭിക്കുന്നുണ്ട്. പലിശ വരുമാനം നിക്ഷേപന്റ നിികുതി സ്ലാബ് അനുസരിച്ച് നികുതി ബാധകമാണ്.
നാഷണൽ സേവിംഗ്സ് സർട്ടിഫിക്കറ്റ്
5 വർഷ ലോക് ഇൻ പിരിയഡുള്ള സ്ഥിര നിക്ഷേപത്തിന് സമാനമായൊരു നിക്ഷേപമാണ് നാഷണൽ സേവിംഗ്സ് സർട്ടിഫിക്കറ്റ്. 1000 രൂപ മുതൽ പരിധിയില്ലാതെ നിക്ഷേപിക്കാം. സാമ്പത്തിക വർഷത്തിൽ നാഷണൽ സേവിംഗ്സ് സർട്ടിഫിക്കറ്റ് നിക്ഷേപങ്ങൾക്ക് 1.50 ലക്ഷം രൂപ വരെ നികുതി ഇളവ് ലഭിക്കും. 1000 രൂപ നിക്ഷേപിക്കുന്നൊരാൾക്ക് അഞ്ച് വർഷത്തിന് ശേഷം 1,403 രൂപ ലഭിക്കും.
സീനിയർ സിറ്റിസൺ സേവിംഗ്സ് സ്കീം
60 വയസോ അതിൽ കൂടുതലോ പ്രായമുള്ള വ്യക്തിക്കാണ് സീനിയർ സിറ്റിസൺ സേവിംഗ്സ് സ്കീം അക്കൗണ്ട് തുറക്കാൻ സാധിക്കുക. ജനുവരി- മാർച്ച് പാദത്തിലെ പുതുക്കിയ പലിശ നിരക്ക് പ്രകാരം 8 ശതമാനമാണ് സീനിയർ സിറ്റിസൺ സേവിംഗ്സ് സ്കീമിന് ലഭിക്കുന്ന പലിശ.
5 വർഷത്തേക്ക് സ്ഥിര വരുമാനം ഉറപ്പു നൽകുന്ന പദ്ധതിയിൽ നിക്ഷേപിക്കുന്ന 1.50 ലക്ഷം രൂപയ്ക്ക് നികുതി ഇളവ് ലഭിക്കും. എന്നാൽ ലഭിക്കുന്ന പലിശ വരുമാനം നികുതി ബാധകമാണ്.
More From GoodReturns
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
Sign in with Google