25,000 രൂപ പ്രതിമാസ ശമ്പളത്തിൽ, ഇ.പി.എഫിന് കീഴിൽ ഒരു കോടി രൂപ സമ്പാദിക്കാൻ എത്ര സമയം വേണം?

എംപ്ലോയീസ് പ്രൊവിഡന്റ് ഫണ്ട് (ഇ.പി.എഫ്) എന്നത് എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ (ഇ.പി.എഫ്.ഒ) നടത്തുന്ന ഒരു വിരമിക്കൽ ആനുകൂല്യ പദ്ധതിയാണ്. ഇ.പി.എഫ്.ഒയുടെ ഈ പദ്ധതിക്ക് കീഴിൽ, ഒരു വ്യക്തി ഏതെങ്കിലും കമ്പനിയിൽ ജോലി ചെയ്യുന്നത് കാലത്ത് തൊഴിലുടമയും ആ വ്യക്തിയും എല്ലാ മാസവും ഒരു നിശ്ചിത തുക നിക്ഷേപിക്കുന്നു. തൊഴിലാളിക്ക് അയാളുടെ ഇ.പി.എഫ് നിക്ഷേപത്തിന്, നികുതി ആനുകൂല്യങ്ങളും മറ്റ് സേവിംഗ്സ് പദ്ധതികളെക്കാൾ ഉയർന്ന പലിശയും ലഭിക്കുന്നു.

നിലവിൽ, ഇ.പി.എഫിന് കീഴിലുള്ള നിക്ഷേപങ്ങൾക്ക് 8.25 ശതമാനമാണ് പലിശ നിരക്ക്. അപ്പോൾ ഈ പലിശ നിരക്കിൽ ഇ.പി.എഫ് പദ്ധതിക്ക് കീഴിൽ വേഗത്തിൽ ഒരു കോടി രൂപ വിരമിക്കൽ സമ്പാദ്യം ലഭിക്കാൻ പ്രതിമാസം എത്ര നിക്ഷേപിക്കണമെന്ന് നമുക്ക് നോക്കാം.

ഇ.പി.എഫ്.ഒ നിയമങ്ങൾ അനുസരിച്ച്, ജീവനക്കാർക്ക് അവരുടെ അടിസ്ഥാന ശമ്പളത്തിന്റെയും ഡി.എയുടെയും 12 ശതമാനം എംപ്ലോയീസ് പ്രൊവിഡന്റ് ഫണ്ടിലേക്ക് നിക്ഷേപിക്കാൻ സാധിക്കും. തൊഴിലാളികളുടെ നിക്ഷേപത്തിന് അനുസൃതമായി തന്നെ, തൊഴിലുടമയും ശമ്പളത്തിന്റെ 12 ശതമാനം നിക്ഷേപിക്കുന്നു. അതിൽ 8.33 ശതമാനം എംപ്ലോയീസ് പെൻഷൻ ഫണ്ടിലേക്കും (ഇ.പി.എസ്) ബാക്കിയുള്ള 3.67 ശതമാനം ഇ.പി.എഫിലേക്കും പോകുന്നു.

അപ്പോൾ 25 വയസുള്ള ഒരു വ്യക്തിക്ക് 25,000 രൂപ ശമ്പളത്തിൽ അടിസ്ഥാന ശമ്പളം 15,000 രൂപ ലഭിക്കുന്നുവെന്ന് നമുക്ക് കരുതാം. അങ്ങനെ അയാളുടെ പ്രതിമാസ ഇ.പി.എഫ് നിക്ഷേപം അടിസ്ഥാന ശമ്പളത്തിന്റെ 12 ശതമാനമാകുമ്പോൾ, പ്രതിമാസം അയാൾ നിക്ഷേപിക്കുന്ന തുക 2300 രൂപയായിരിക്കും. പ്രതിമാസമുള്ള നിക്ഷേപത്തോടൊപ്പം ഓരോ വർഷവും നിക്ഷേപത്തിൽ 10 ശതമാനം വർധനവും ഉണ്ടാകുമ്പോൾ ഇ.പി.എഫിന് കീഴിൽ ഒരു കോടി രൂപ സമ്പാദിക്കാൻ 30 വർഷമാണ് വേണ്ടി വരിക. അപ്പോൾ 55 വയസുള്ളപ്പോൾ ആ വ്യക്തിക്ക് 1.07 കോടി രൂപ പിൻവലിക്കാൻ സാധിക്കും.

റിട്ടയർമെന്‍റിന് ശേഷവും പ്രതിമാസ വരുമാനം ഉറപ്പാക്കാം, ഇതാണ് 4 നിക്ഷേപ പദ്ധതികൾ, നോക്കുന്നോ

നിങ്ങൾ ശ്രദ്ധിക്കേണ്ട മറ്റൊരു കാര്യം എന്തെന്നാൽ, ഒരു സാമ്പത്തിക വർഷത്തിലെ നിങ്ങളുടെ ഇ.പി.എഫ് നിക്ഷേപം 2.5 ലക്ഷം രൂപയിൽ കൂടുതലാണെങ്കിൽ, അധിക തുകയിൽ നിന്ന് ലഭിക്കുന്ന പലിശയ്ക്ക് നിങ്ങൾ നികുതി അടയ്‌ക്കേണ്ടതായി വരും. അത്തരമൊരു സാഹചര്യത്തിൽ അധിക നിക്ഷേപത്തിൽ നിന്ന് ലഭിക്കുന്ന പലിശയ്ക്ക് നികുതി ഒഴിവാക്കാൻ മറ്റൊരു ഇ.പി.എഫ് അക്കൗണ്ട് കൂടി നിങ്ങൾക്ക് തുറക്കാവുന്നതാണ്.