റിട്ടയർമെന്റിൽ 1 ലക്ഷം പെൻഷൻ നേൻ 30-ാം വയസിൽ എത്ര നിക്ഷേപിക്കണം?

വാർധക്യത്തിൽ സാമ്പത്തിക ഭദ്രതയും സ്ഥിരതയും പ്രദാനം ചെയ്യുന്ന ജനപ്രിയ നിക്ഷേപ പദ്ധതികളിലൊന്നാണ് നാഷണൽ പെൻഷൻ സിസ്റ്റ് (എൻപിഎസ്). വ്യക്തികൾക്ക് നിക്ഷേപം നടത്താനും സമ്പാദ്യം സ്വരൂപിക്കാനുമുള്ള അവസരമൊരുക്കുന്നതാണ് എൻപിഎസ്. റിട്ടയർമെന്റ് സമയത്ത്, ഒരു ആന്വിറ്റി പ്ലാനിലൂടെ ഒറ്റത്തവണയായി നിക്ഷേപിക്കുന്നതിലൂടെ സ്ഥിര വരുമാനം ലഭിക്കും.

ഉയർന്ന വരുമാനം ഉറപ്പാക്കാം, ഈ പോസ്റ്റ് ഓഫീസ് സ്കീമുകളിൽ നിക്ഷേപിക്കൂ...; 8.2% വരെ പലിശ കിട്ടും

2004 ജനുവരി 1 നാണ് എൻപിഎസ് ആരംഭിച്ചത്. തുടക്കത്തിൽ, സർക്കാർ സർവീസിൽ ഉള്ളവർക്ക് മാത്രമേ എൻപിഎസിൽ നിക്ഷേപം നടത്താൻ കഴിയുമായിരുന്നുള്ളൂ. 2009 മെയ് 1 മുതൽ, അസംഘടിത മേഖലയിലെ തൊഴിലാളികൾ ഉൾപ്പെടെ രാജ്യത്തെ എല്ലാ പൗരന്മാർക്കും ഈ സ്കീമിൽ അംഗമാകാൻ അവസരം ഒരുങ്ങി. എൻപിഎസ് വഴി, എല്ലാ പൗരന്മാർക്കും വിരമിക്കൽ സമയത്ത് വരുമാനം നൽകുകയെന്ന ലക്ഷ്യം നിറവേറ്റാനാണ് സർക്കാർ ആഗ്രഹിക്കുന്നത്.

18 നും 70 നും ഇടയിൽ പ്രായമുള്ള ഏതൊരു പൗരനും നിക്ഷേപിക്കാവുന്ന പദ്ധതിയാണ് എൻപിഎസ്. ഈ സ്കീമിൽ എത്ര പണം നിക്ഷേപിച്ചാലും ആ പണം രണ്ട് ഭാഗങ്ങളായി വിഭജിക്കപ്പെടും. അതായത്, വിരമിക്കുമ്പോൾ തുകയുടെ 60 ശതമാനം ഒറ്റത്തവണയായി എടുക്കാം, 40 ശതമാനം ആന്വിറ്റിയിലേക്ക് പോകും. ഈ വാർഷിക തുകയിൽ നിന്നാണ് പെൻഷൻ ലഭിക്കുന്നത്. പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി (PFRDA) ആണ് ഈ സ്കീം പ്രവർത്തിപ്പിക്കുന്നത്.

5000 നിക്ഷേപിക്കാം, 50 ലക്ഷമായി വളരും; ഇതൊരു കിടിലൻ നിക്ഷേപ പദ്ധതി

പെൻഷനായി 1 ലക്ഷം നേടാൻ എത്ര നിക്ഷേപിക്കണം?

60-ാം വയസിൽ വിരമിച്ച ശേഷം ഒരു ലക്ഷം രൂപ പെൻഷൻ ലഭിക്കാൻ ഒരു വ്യക്തിക്ക് പ്രതിമാസം എത്ര നിക്ഷേപിക്കണമെന്ന് നോക്കാം. ഇതിനായി 30-ാം വയസിൽ നിക്ഷേപം തുടങ്ങണം. ഒരു ലക്ഷം രൂപ പെൻഷൻ ലഭിക്കുന്നതിന്, പ്രതിമാസം 30,000 രൂപ നിക്ഷേപം ആരംഭിക്കുകയും 30 വർഷത്തേക്ക് തുടരുകയും വേണം. 30 വർഷത്തെ നിക്ഷേപത്തിന് ശേഷമുള്ള മൊത്തം നിക്ഷേപം 72 ലക്ഷമാണ്. നിക്ഷേപത്തിൽ നിന്നുള്ള വരുമാനം 3.84 കോടി രൂപയാണ്. 10% വാർഷിക വരുമാനം കണക്കാക്കിയാൽ മൊത്തം നിക്ഷേപം 4.56 കോടി രൂപയിലെത്തും. പ്രതിമാസം പെൻഷനായി 1 ലക്ഷം രൂപ ലഭിക്കും.

നാഷണൽ പെൻഷൻ സ്കീം ഒരു സർക്കാർ പദ്ധതിയാണ്, വിപണിയുമായി ബന്ധപ്പെട്ടിരിക്കുന്നു. അതായത് ഈ സ്കീമിൽ നിന്നുള്ള വരുമാനം വിപണിയെ അടിസ്ഥാനമാക്കിയുള്ളതാണ്. എൻപിഎസിലെ നിക്ഷേപങ്ങൾക്ക് സെക്ഷൻ 80CCD(1) പ്രകാരം സെക്ഷൻ 80CCE പ്രകാരം 1.5 ലക്ഷം രൂപയ്ക്കുള്ളിലുള്ളവയ്ക്ക് നികുതി ആനുകൂല്യങ്ങൾ ലഭിക്കും. കൂടാതെ,എൻപിഎസിലെ വരിക്കാർക്ക് സെക്ഷൻ 80CCD(1B) പ്രകാരം അവരുടെ ടയർ I അക്കൗണ്ടിലെ നിക്ഷേപങ്ങൾക്ക് 50,000 രൂപ വരെ കിഴിവ് അവകാശപ്പെടാം.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.