Just In
-
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കോവിഡ് കാലത്ത് സാമ്പത്തിക ബുദ്ധിമുട്ട് അനുഭവിച്ചവർ നിരവധിയാണ്. ജോലി നഷ്ടപ്പെട്ടവരും ശമ്പളം കുറഞ്ഞവരും സാമ്പത്തികമായി വലഞ്ഞപ്പോൾ ഇതര വരുമാന ശ്രോതസ് ഉള്ളവരാണ് ഒന്ന് പിടിച്ചു നിന്നത്. ഇതുതന്നെയാണ് ശമ്പളത്തിനൊപ്പം മറ്റൊരു വരുമാനം വേണമെന്ന് പറയുന്നതും. നിക്ഷേപകര്‍ക്ക് മാസത്തില്‍ കൃത്യമായ വരുമാനം ഉറപ്പു വരുത്തുന്നവയാണ് മന്ത്‌ലി ഇന്‍കം പ്ലാനുകള്‍. താരതമ്യേന റിസ്‌കെടുക്കാന്‍ താല്പര്യമില്ലാത്തവർക്ക് പറ്റിയ ഏഴ് നിക്ഷേപ മാർഗങ്ങളാണ് താഴെ ചേർക്കുന്നത്.
1. പോസ്റ്റ് ഓഫീസ് മന്ത്‌ലി ഇന്‍കം സ്‌കീം
കേന്ദ്രസര്‍ക്കാര്‍ ഗ്യാരണ്ടിയുള്ള നിക്ഷേപ പദ്ധതിയാണ് പോസ്റ്റ് ഓഫീസ് വഴി നടപ്പിലാക്കുന്ന പോസ്റ്റ് ഓഫീസ് മന്ത്‌ലി ഇന്‍കം സ്‌കീം. 5 വര്‍ഷ കാലാവധിയിലേക്കാണ് നിക്ഷേപം ലഭിക്കുക.
അഞ്ച് വര്‍ഷം കാലാവധി ഉയര്‍ത്താനും സാധിക്കും. നിലവില്‍ 6.6 ശതമനം പലിശയാണ് പദ്ധതിക്ക് നല്‍കുന്നത്. മാസത്തില്‍ പലിശ ലഭിക്കും. ചുരുങ്ങിയത് 1500 രൂപ നിക്ഷേപിക്കാം. വ്യക്തിഗത അക്കൗണ്ട് ആണെങ്കില്‍ 4.5 ലക്ഷവും ജോയിന്റ് അക്കൗണ്ടില്‍ 9 ലക്ഷം വരെയും നിക്ഷേപിക്കാം. റിസ്‌കെടുക്കാന്‍ താല്പര്യമില്ലാത്ത മുതിര്‍ന്ന പൗരന്മാര്‍ക്ക് അനുയോജ്യം.
2. സിസ്റ്റമാറ്റിക്ക് വിത്തഡ്രോവല്‍ പ്ലാന്‍
മ്യൂച്വൽ ഫണ്ടിൽ നിന്ന് മാസ വരുമാനം നേടാനുള്ള മാര്‍ഗമാണ് സിസ്റ്റമാറ്റിക്ക് വിത്തഡ്രോവല്‍ പ്ലാന്‍. മ്യൂച്വല്‍ ഫണ്ടിലെ നിക്ഷേപങ്ങളില്‍ നിന്ന് നിശ്ചിത തുക നിശ്ചിത ഇടവേളകളില്‍ പിന്‍വലിക്കാന്‍ സാധിക്കുമെന്നതാണ് ഇതിന്റെ ഗുണം. പിൻവലിക്കുന്ന തുകയും ഇടവേളകളും മുന്‍കൂട്ടി തീരുമാനിക്കാം. ഈ തുക ഇടവേളകളിൽ ബാങ്ക് അക്കൗണ്ടിലേക്ക എത്തും. മ്യൂച്വൽ ഫണ്ട് നിക്ഷേപത്തിൽ ബാക്കിയുള്ള യൂണിറ്റിന് ആദായം ലഭിക്കുകയും ചെയ്യും
3. സീനിയര്‍ സിറ്റിസണ്‍ സേവിംഗ്‌സ് സ്‌കീം
60 വയസിന് മുകളില്‍ പ്രായമുള്ള മുതിര്‍ന്ന പൗരന്മാര്‍ക്കായി കേന്ദ്രസര്‍ക്കാര്‍ ആരംഭിച്ച പദ്ധതിയാണ് സീനിയര്‍ സിറ്റിസണ്‍ സേവിംഗ്‌സ് സ്‌കീം. ബാങ്കുകളെക്കാളും ഉയര്‍ന്ന പലിശ നല്‍കുന്നു എന്നതാണ് ഇവയുടെ ഗുണം. 7.4 ശതമാനമാണ് പലിശ നിരക്ക്. അഞ്ച് വര്‍ഷ കാലാവധിയുള്ള പദ്ധതിയിൽ പരമാവധി 15 ലക്ഷം രൂപ വരെ നിക്ഷേപിക്കാന്‍ സാധിക്കും. കാലാവധിയെത്തുമ്പോൾ ലഭിക്കുന്ന പലിശയ്ക്ക് നികുതി നല്‍കേണ്ടതുണ്ട്.
4. ബാങ്ക് സ്ഥിര നിക്ഷേപങ്ങള്‍
പരമ്പരാഗത നിക്ഷേപ മാര്‍ഗമാണെങ്കിലും പലരും ഇന്നും സ്ഥിര നിക്ഷേപത്തെ ആശ്രയിക്കുന്നുണ്ട്. ചെറിയ തുക മുതല്‍ ബാങ്കുകളില്‍ സ്ഥിര നിക്ഷേപം ആരംഭിക്കാം. ബാങ്കുകളില്‍ സ്ഥിര നിക്ഷേപത്തിന് താരതമ്യേന കുറഞ്ഞ നിരക്കാണ് നല്‍കുന്നത്. 2.50 ശതമാനം മുതല്‍ 7 ശതമാനം വരെ ബാങ്കുകള്‍ പലിശ നല്‍കും. നികുതി ഇളവ് നേടാന്‍ ടാക്‌സ് സേവിംഗ് സ്ഥിര നിക്ഷേപങ്ങളുണ്ട്. 1.5 ലക്ഷം വരെ നിക്ഷേപത്തിന് നികുതിയിളവ് ലഭിക്കും.
5. ഓഹരിയില്‍ നിന്നുള്ള ലാഭ വിഹിതം
നിക്ഷേപകര്‍ക്ക് സ്ഥിരമായി ലാഭ വിഹിതം (Dividend) നല്‍കുന്ന കമ്പനികളുടെ ഓഹരികള്‍ കണ്ടെത്തി നിക്ഷേപിക്കുന്നത് മികച്ച വരുമാന മാര്‍ഗമാണ്. ബ്ലൂ ചിപ്പ് കമ്പനികളുടെ ഓഹരികള്‍ തിരഞ്ഞെടുക്കുന്നത് മുടക്കമില്ലാതെ ലാഭ വിഹിതം ലഭിക്കുന്നതിന് സഹായകമാകും. അതേസമയം ലാഭ വിഹിതത്തിന് സ്ലാബ് നിരക്ക് അനുസരിച്ച് ആദായ നികുതി അടയ്‌ക്കേണ്ടി വരും.
6. ഡിവിഡന്റ് യീല്‍ഡ് മ്യൂച്വല്‍ ഫണ്ടുകള്‍
നിക്ഷേപകര്‍ക്ക് ലാഭം വിഹിതം നല്‍കുന്ന കമ്പനികളിലാണ് ഡിവിഡന്റ് യീല്‍ഡ് മ്യൂച്വല്‍ ഫണ്ടുകള്‍ നി്‌ഷേപം നടത്തുന്നത്. ഇത്തരം ഫണ്ടുകളില്‍ നിന്നുള്ള വരുമാനം സ്ഥിരമായി കാണാന്‍ സാധിക്കില്ല. ഫണ്ടിന്റെ പ്രവര്‍ത്തനം അനുസരിച്ച് മാത്രമാണ് ലാഭവിഹിതം ലഭിക്കുക. റിസ്‌കെടുക്കാന്‍ താല്പര്യമില്ലാത്ത ഇതര വരുമാനം തേടുന്നവര്‍ക്ക് നിക്ഷേപിക്കാവുന്ന മാര്‍ഗമാണിത്.
7. ലൈഫ് ഇന്‍ഷൂറന്‍സ്
മാസത്തില്‍ കൃത്യമായി വരുമാനം നേടാന്‍ സാധിക്കുന്നൊരു നിക്ഷേപമാണ് ലൈഫ് ഇന്‍ഷൂറന്‍സ് മന്ത്‌ലി പേഔട്ട് ഓപ്ഷന്‍, പോളിസിയില്‍ നിന്നുള്ള തുക ഒറ്റത്തവണയായോ മാസത്തിലോ ത്രൈമാസത്തിലോ വര്‍ഷത്തിലോ വാങ്ങാന് സാധിക്കും. റിസ്‌കില്ലാത്ത വരുമാനമാര്‍ഗങ്ങളിലൊന്നാണിത്. അതേസമയം ആദായ നിരക്ക് കുറവാണെന്നത് ഓര്‍ക്കേണ്ടതാണ്.
